Adeiledd a bondio carbon | Mewn cyd-destun

Roedd gwyddonwyr wedi bod yn arbrofi am flynyddoedd lawer i dynnu un haen o atomau carbon o graffit. Roeddent wedi rhagfynegi y byddai ganddo briodweddau defnyddiol iawn. Ar ôl llawer o arbrofion drud, cawsant lwyddiant yn y pen draw drwy ddefnyddio tâp gludiog cyffredin i dynnu haen o atomau carbon o lwmp o graffit. Cafodd yr haen unigol hon ei henwi’n graffen. Bydd y dysgwyr yn gweithio drwy gwestiynau am graffen, Bycminsterffwleren a diemwnt ar sail eu darganfyddiad a’u defnydd gwyddonol.

Gwybodaeth am yr adnodd hwn

Mae’r taflenni gwaith Mewn cyd-destun hyn yn gofyn i’r dysgwyr ddefnyddio eu gwybodaeth am adeiledd a bondio carbon yng nghyd-destun alotropau carbon, gan feithrin eu hyder a’u gallu i wynebu cwestiynau arholiad. Mae cymysgedd o gwestiynau amlddewis, ateb byr ac ateb hir yn ymdrin ag adeiledd a bondio:

• graffit
• graffen
• Bycminsterffwleren
• diemwnt

Mae cwestiynau cyfrifo wedi’u cynnwys i roi cyfleoedd i ymarfer sgiliau mathemategol o fewn y pwnc hwn. Mae’r taflenni gwaith ar gael ar lefel sylfaen a lefel uwch ac fel fersiynau y gellir eu golygu’n llawn, gan roi’r hyblygrwydd i chi ddewis y cwestiynau sydd fwyaf perthnasol i wers benodol neu i grŵp o ddysgwyr.