专栏 Will知足球｜后会有期

眨下眼小弟都已经系本栏写第70篇文章，然而今次系最后一篇了，同戴治嘅结局一样都系要落幕，写过好多篇车路士、德国、拖肥糖，多谢大家嘅支持，亦都由唔系好识写变成识写少少。

一个球员就系慢慢成长，第一篇关于戴治同爱华顿密不可分，到而家「椰子」莫耶斯都接任咗爱华顿领队。从0到1唔难，中间嘅波折先系最困难，写过夏神最后嘅光芒，类似一个球员同我嘅故事；再写过梅迪历嘅发展，不过而家佢连药检都未过，仲未复操；上年欧国杯写过德国门神纽亚系咪应该要退落嚟，去到上周中欧联佢依然都系正选。

我𠵱个写稿佬不敌时间嘅巨轮，喺纽亚未退落嚟嘅时候，我就要先行告退，希望大家每一次睇我嘅文章都有啲得着，或者开心就够啦。但系我唔会唔写㗎，继续想增进自己嘅文笔，亦会将文章移师到我IG：Willhappy.99，继续一星期一篇同大家用唔同角度去睇波，IG再见！Willhappy