同事结婚移师深圳摆酒 人情要收「香港价」：香港收请帖唔去都要畀$500｜Juicy叮

港人北上消费成风，有网民透露，朋友的同事最近结婚，决定移师深圳摆酒，称好处多，如「又平又靓」，「饮之前仲可以周围玩买嘢」，但人情却要收「香港价」：「香港收请帖唔去都要畀$500。」网民透露，内地人情公价约为 200元。

同事结婚移师深圳摆酒 人情要收「香港价」：香港收请帖唔去都要畀$500↓↓↓↓

 

有网民近日在社交平台Threads发帖，表示有朋友诉苦，指有同事最近结婚并打算在酒店摆酒。

楼主表示，「起初以为系因为酒店人情公价贵，所以（朋友）唔想去」，但原来朋友的同事会移师深圳摆酒。

深圳摆酒好处多：饮之前仲可以周围玩买嘢

该同事表示，在深圳的酒店摆酒好处多多：第一，可方便内地亲戚；第二「又平D又靓D」；第三，交通方便，「......一小时生活圈......返大陆快过新界去港岛」；第四，「饮之前仲可以周围玩买嘢」。

楼主表示，他向该朋友建议，若去同事深圳婚宴，可以按内地婚宴人情价，即付200元即可，但不要预期按香港价付人情，「咁你返大陆公价人情佢罗...2嚿水...香港收请帖唔去都要畀$500。」

网民：上深圳摆收香港价，佢包车？唔去最多送份礼

网民热议深圳摆酒收香港价人情：「第一，点解唔去都要畀500？同事咋；第二，上深圳摆，收香港价，佢包车？」

「边个规定香港收帖唔去要畀500架？唔去最多送份礼，亲属就话自己人畀封利是咁，你仲要系同事咋。」  

部分网民指出，「要过关去饮，除非好熟」，如要同事出席，上深圳摆酒「起码包高铁票(¥68/¥75 x 2)＋网约车接送」，过关去饮才划算。  

网民教礼貌拒绝：祝福同事，然后...

部分网民则坦言若在内地摆酒，只会按内地公价付人情：「返大陆饮，就唔系$800啦。」「香港请饮，香港价；大陆请饮，大陆价，咁样好公道，去唔去就随心。」

有网民则表示，不会以摆酒地点决定付多少人情，「唔好睇公价，睇交情同有冇利益，乜都冇，当冇收过算。」

有网民则建议如何礼貌推却该同事过关去饮的喜帖：「祝福同事，然后直说觉得太远，不用邀请自己去，人情也不要给了，同事没考虑自己，自己也不用顾虑同事。」

「我会叫佢唔洗畀帖我，反而我唔会去，就无谓哂人既帖同计人个位，畀返一百人情做佢个嫁女饼回礼 （如果佢系女）。」

同场加映：度缩港男「婚事当白事搞」 殡仪馆名义搲著数 终极悭到XX万咁多↓↓↓↓

度缩港男「婚事当白事搞」 殡仪馆名义搲著数 终极悭到XX万咁多

有网民发帖公审度缩港男，居然将「婚事当白事搞」，唔怕大吉利是。

该网民今日(3月30日)在连登讨论区发帖，帖题为「新婚夫妇度缩婚礼 红事当白事搞 兄弟都冇面俾」。

楼主指，该对度缩港男，今次结婚，女家是做开白事生意，他细数这位絶世「度缩」港男的非一般婚礼。

楼主坦言「我都忍得你耐」，首先细数这位朋友过去「度缩孤寒」「贪小便宜」一面。

那是一次朋友之间的旅行，该位度缩朋友跟楼主「玩人哋块面」「玩到人哋起火唔识收手」。

到要「赶住搭飞机」，「你就临搭捷运又话要买多几样嘢，搞到争啲赶唔切搭架飞机。」

楼主表示，该港男后来识到女朋友，就「系我面前乱咁话人哋葡萄你」。

楼主指该港男朋友讲惯大话，担任巴士车长期间，话识「大老细」好快升职，结果「人哋就根本想做死你」。

该港男其后转另一间巴士公司，撞车都唔识报警，做通宵更又提早近一个半小时回家。

楼主提到港男搞婚礼，说好一齐讨论点搞，「但你就咩都唔做约瘫咗系张床」。

「问你点求婚，你就话企系度向人哋求婚，问你边个帮手拍片，初时就话边需要拍片。求婚求到你咁前卫，要人教你先识得单膝跪地求婚，我都真系第一次见。」

楼主帖文暗示该港男很可能是巴士车长，因此喜欢巴士，但影结婚相「连畀钱租架巴士嚟影婚纱相都悭返」。

「着晒裙褂西装走去巴士总站，求其搵架巴士影相，(你)唔老尴我都尴啦！」

楼主接著谈婚礼当日情况。

首先，婚礼当日的行程左改右改，「乱到飞起」，「我哋问你行程，你都唔知道个行程系点。」

然后当兄弟是工人，「咩都我哋搬，帮手拎少少好轻嘅嘢都唔肯，落紧雨又唔肯帮我哋担遮，全部隔岸观火。」

楼主又透露，该港男不愿为兄弟租伴郎衫，因为嫌「$500好贵」，而伴娘件靓裙因为租得太平「未够一朝就坏不断跌」，「畀多少少钱搵间好啲嘅都唔得。」

该港男又拒绝为伴娘伴郎提供休息室，「拉走啲帮手既兄弟，14:30叫人哋出去自己去搵新嘢搞，16:30前返嚟。」

兄弟出去不久，又短讯要提前15:15要返到酒店，「家阵我哋系咪医生？on call 36小时？」

楼主又指，该位港男婚礼当日利是相当缩皮，相当「友情价」，楼主当日担任婚礼司仪，「女家畀$20，男家畀$100」，其后「女家再送多$20畀我。」「宵夜我仲要倒贴$100出嚟。」

楼主上网查过，司仪利是可以收到$500。

楼主批评：「好心咪咁度缩啦，仲以为我哋收晒你钱，就要做到成只狗咁既样任劳任怨。」

该港男结婚请帖在结婚当日才派给他们，「话开间房畀我哋瞓」，结果只是两间双人床房，「我呢啲单丁嘅就焗住瞓浴缸。」

楼主透露该港男终极度缩招数，不租花车，又竟以殡仪馆名义租旅游巴，楼主指女家做开白事生意。

「旅游巴就用殡仪馆嘅名义去做，畀个司机问我哋究呢单系红事定白事，真系大吉利是，百无禁忌。」

该港男终极缩皮招数用尽，楼主指出，一般婚礼要用4、50万，但今次该港男竟可以便宜一大半，缩到只用20万，换言之，悭到最少20万。

楼主幽默地指该港男朋友「不如索性系老本行个度搞婚礼咪算罗，又新颖又平，实有折㗎喎。」

楼主表示，「可能有人话我，佢咁衰就一早走啦」，「始终呢啲系我嘅责任，就算我几火都好，我都会努力做埋场戏去！」

用殡仪馆名义租旅游车有折扣吗？有网民指出，用殡仪馆名义租旅游车，应该是由于女方做开白事生意，「应该系自己殡仪铺有相熟旅游巴公司，当系平时生意合作就平过出街搵其他公司。」因此较便宜，一般人应该没有分别。

网民对事件议论纷纷，不少人对于港男为悭皮「用殡仪馆名义租车真系超级黐线」「笑到移动唔到。」「好样衰。」「发死人财。」

有网民笑指到贺做人情，「封返份吉仪俾佢就差唔多。」

不少人认为以港男终极悭皮能力，最终婚事仍要付20万，不算厉害，「咁都要廿万？」

有网民惊讶楼主「咁都仲帮落去」，认为应该一早絶交。

有网民则指，该港男在司仪利是方面并无「悭皮」，公价司仪利是收$100至$500，楼主亦收了$140。

有网民亦支持港男，认为省钱没有不妥，「最紧要开心。」他只是贯彻「应使得使生活态度」。