1.

MANGGARU SANGKU TAMBAK RAJA

Nggaru manyangku panatau sangku tambak raja, ije bahalap basuang behas manyangen
tingang, bahalap ngarabang hapan giling pinang, hambalat rukun tarahan, basingah bulau
pungkal raja, rabia tisik tambun, neras hapan behas hambaruan ije mungkus bangkusan
timpung, hayak maluhing hapan dandang tingang ije kadandang mangat hai pahalendang,
datuh pahalingei, inyarah ikei hajamban auh basarah ikei, akan ranying hatalla langit, jatha
balawang bulau, palus sahur baragantung langit, parapah baratuyang hawun, hapan ikei
balaku asi belum, palakuan awat maharong mangat kare kahandak ikei uras tau manjadi
tumun gawim, ije jadi manjadian sahapus pantai danum kalunen tuh hemben huran; huang
aram tuntang kuasam ikei balaku, sahiy.

Artinya:
2. DOA TAMPARAN BASARAH

 Inanjuriku ganan tandak balua bulau pantar tatah bahanjung rabia sadurin guntum,
 bahi-bahing panganak andau balua parung hai malabehu benteng siru datuh ije marantau
ruang,ije gantung pahalendang tinggi pahalingei.
 Bambahingan panyandai bulan nehus siru sari pangku palus nyalumbu ambun tilap telu
puluh manehus enun lime balas hatalamping eleh tapuk tasik kapanjungan manjung
halawu tumbang lawang langit.
 Palus ganan tandak buah tasik malambung bulau harende laut bapantan hintan palus
nanturung balai hintan napatah bulau Sali padadusan Ranying Hatalla Langit ije hai
kuasae belum datuh japa jimat maharing.
 Kangkarungut ganan tandak janjaruman karankan lingun ikei tingang esum pantai danum
kalunen nalatai tisui luwuk kampung bunu
 bau ambun alem tuh ikei tingang ere hakampeleng renteng tambun randan hapampungan
lingkat mijen huang parung hai
 Basa ikei manaharep tuntang manyarah kapanatau Sangku Tambak Raja ije gantung
pahalendang tinggi pahalingei ije basuang behas Ba-asal Bara Parei Manyangen Tingang
 bahalap ngarambang hapan giling pinang ihambalat awi rukun tarahan hayak ineras
bulau hambaruan ije bangkusan timpung basingah bulau pungkal raja rabia tisik tambun.
 Bahalap maluhing dandang tingan ije kadandang inyarah ikei hapan do,a basarah ikei
hapan ikei balaku asi belum palakuan awat maharing dengam ije puna hai kuasam datuh
japa jimat maharing ije mahunjun bara raja awang beken.
 Kanahuang ku tinai Ranying Hatalla Langit Tuhan Tambing Kabanteran Bulan Raja
Tuntung Matan Andau pahaya ikei tuntang kilau gawim ije jadi manjadian taluh handiai
huang sahapus kalunen junjun helu huran.
 Ngatah ku tinai Ranying Hatalla Langit Tuhan Tambing Kabanteran Bulan Akam mujan
danum nyalung kaharingan belum natisan guhung panaling aseng akan ikei handiai. 
 Mangat kare ikei handiai sama tau belum panjang umur batuah marajaki huang batang
danum injam tingang rundung nasih nampui burung, belum sanang mangat sanang
salamat.
 Uka ikei tau penyang hinje simpei paturung humba tamburak mangat ikei tau tanggeran
lewu mandereh danum pananggak rundung hapamantai tambun.
 Tinai uka ikei tau belum tatau sanang haring manggigih tingkah lawang baun andau. 
 Akam masi mawat mappabayak tuntang mangejau kare ikei handiai kare riwut peres
baratus gangguranan arae sampar saribusasabutan bitie.
 Mangat kare ikei handiai ije tege tingang mumpung renteng tambun randan
hapampungan linkat huang ambun alem tuh sama nupi nikap kayun penyang karuhei
tatau ngampa sandik paturung sangkalemu raja. 
 Akam kia mampakeleh kare kula jalahan ikei ije buah kahaban kapehe lasut darem
mampahayak kia tundah jalahan ikei ije manampa jalanae kejau akam kia mangarendeng
kare paharin ikei ungkup uluh kaharingan ije hindai puji mahining auh ajar aim ije
baguna akan galang pambelum ewen hajamban basarah tuh uka ewen tau barendeng
pahayak ikei.
 Aluh Batampulu ikei balaku asi belum dengam kueh bitim tau naik rawei hankahanya
ikei palakuan awat maharing isen balitam dia tau basule huang.
 Basa tawangku bitim puna Raja ije mahunjun bara kare Raja Awang beken balitam
kuasam jatun bara tikas kuasam tunang bitim tampung sahur bara gantung langit tundun
parapah bara tuyang hawun.
 Dia panjang riwut rawei hajamban bahing ganan tandak isen ambu saruhin tisui babalang
labatan ganan kandayung eleh manting nduan tahanjungae palus nende mijen
panyalampayae.
 Palus buli ganan tandak buli batambang salumpuk entang, mules labatan kandayungku
mulang nakep tanterus tuyang.
 Palus buli hayak ganan tandak buli bulau pantar tatah mules lepah labatan kandayungku
nyuruk rabia sadurin guntum ruwan junjun helu.
 Kuruk hambaruan ikei buli,buli nyelemsan timpung mangat hariten halawu
benteng,barintih nduan hila upun tundue buli hayak kapitar kaharati panyalembang untek
panarang atei parentas rawei paharus jalan parajang hukum.

Huang Aram tuntang Kuasam ikei balaku

SAHIY.

Artinya:
3. DOA KAHAPUS BASARAH

 Inanjuriku ganan tandak balua bulau pantar tatah bahanjung rabia sadurin guntum.
 Bahi-bahing panganak andau balua parung hai malabehu benteng siru datuh marantau
ruang ije gantung pahalendang tinggi pahalingei ruwan parung jatta balawang bulau
sirun kanaruhan bapager hintan.
 Bambahingan Panyandai Bulau palus nyalumbu ambun tilap telu puluh manangkawet
enun lime balas hatalamping. Palus Tapuk Tasik kapanjungan manjung halawu tumbang
lawang langit.
 Kankarungut ganan tandak namuei tukang uju lawang langit uju nanjung inangkalau.
 Eleh tasik malambung bulau herende laut bapatah hintan palus murik batang danum
mendeng ngatimbung langit nanturung pahalendang balai bulau napatah hintan Sali
padadusan Ranying Hatalla Langit Tuhan tambing kabanteran bulan raja tuntung matan
andau ije hai kuasae belum datuh japa jimat maharing.
 Kangkarungut tinai ganan tandak janjaruman karangkan lingu ikei tingang esum pantai
danum kalunen nalatai tisui luwuk kampungan bunu.
 Basa nduan hambekan katun ikei haya-hayak handak manutup pumpung basarah ikei tuh
mahapan Do,a ikei huang aram tuntang kuasam ije hai. 
 Mangat bitim tau mujan danum kaharingan belum natisan guhung panaling aseng akan
ikei handiai ije tege huang ambun alem/andau tuh palus akan kare tundah jalahan ikei ije
melai huang huma tuntang nggawi jalanae kejau.
 Uka awi asim tuntang sintam ikei tau i-awat tuntang halajur ingat kakare auh aim akan
galang pambelum ikei intu huang batang danum injam tingang tuh mangat ikei halajur
tau penyang hije simpei paturung humba tamburak uka ikei tau tanggeran lewu mandereh
danum pananggak rundung hapamantai tambun.
 Mangat ikei tau belum hatampung kilau bua kayun sangalang garing haring hatundun
tingkah bau kayun lampesung kereng.
 Ngatah tinai bitim Ranying Hatalla Langit Tuhan tambing kabanteran bulan raja tuntung
matan andau akam mangejau ikei handiai bara kare taluh ije papa,peres badi baratus
gangguranan arae sampar saribu sasabutan bitie. 
 Akam manenga tangkalasan kasingen lewu mandereh danum kahirin rundung
hapamantai tambun akan ikei belum panju-panjung kilau pisang tanggan tarung tatau
sanang ureh ngalawan kilau asang suhun danum raja manggigih tingkah lawang baun
 andau basa bitim puna tawan ikei raja ije mahunjun kakare raja awang beken kuasamm
balitam jatun bara tikas kuasam.
 Dia panjang riwut rawei hajamban bahing ganan tandak isen ambun saruhin tisui
babalang labatan ganan kandayung eleh mating nduan tahanjungae palus nendemijen
panyalampayae. Palus Buli Ganan tandak buli batambang salumpuk entang mules lepah
labatan ganan kandayung mulang nakep tanterus tuyang.
 Buli hayak ganan tandak buli bulau pantar tatah mules lepah ganan kandayung nyuruk
rabia sadurin guntum ruwan junjun helu.
 Kuruk hambaruan ikei buli. buli nyelem bungkusan timpung mangat hariten halawu
benteng, uka barintih halahu upun tundue, buli hayak panyalembang untek panarang atei,
parentas rawei parajang hukum buli hayak kayun penyang karuhei tatau sandik paturung
sangkalemu raja, Hajamban Kuasan Ranying Hatalla Ikey Balaku
 SAHIY.

Artinya:
 4. KANDAYU

Kandayu Manyarah Sangku Tambak Raja

1. Sangku Tambak Hai Pahalendang 7. Sangku Inyarah Manumun Peteh
Basuang Behas Parei Manyangen Tingang Uka Itah Uras Menteng Ureh
Rukun Tarahan Je Giling Pinang Aluh Utuh Je Kue-Kueh
Inihang Luhung Je Dandang Tingang Bereng Barigas Kahaban Keleh

2. Sangku Tambak Hai Baguna 8. Itah Manyarah Dia Malayan

Inyarah Bentuk Balai Paseban Raja Dengan Hatalla Je Katamparan
Taharep Ulun Bakas Tabela Uka Manenga Nyalung Kaharingan
Manumun Peteh Ranying Hatalla Inkes Intu Behas Hambaruan

3. Sangku Jetuh Basuang Behas 9. Sangku Inyarah Intu Baun

Pambelum Inyarah Dia Bara tikas Sangku Impunduk Je Melai Baun
Dengan Hatalla I-Laku Ka-Abas Narai Ilaku Inenga Dinun
Hambaruan Salamat Bereng Barigas Tuah Rajaki Je Uras Atun

4. Hetuh Itah Uras Manyaksi 10. Sangku Inyarah Dengan Bagulung

Ranying Hatalla Te Puna Ati Behas Imintih Bangkusan Timpung
Biti Bereng Daha Dan Isi Panyalumpuk Entang Penyang Hatampung
Bakas Tabela Hatue Bawi Sama Belum Tatau Manyambung

5. Hetuh Itah Manyarah Sangku 11. Sangku Inyarah Kalutuh Helu

Panungkup Utus Je Raja Bunu Imapui Manyan Sangku Inggaru
Tutuh Kameluh Balimut Batu Lampang Ewau Je Mangat Tutu
Peteh Hajamban Je Raja Uju Mukei Kuasan Je Raja Uju

6. Hatalla Nangkilik Jatha Nanggera 12. Hetuh Itah Sama Mite

Narui Peteh Sangga Tatamba Intu Bentuk Je Biti Are
Nyalupu Sangku Je Tambak Raja Behas I-Intih Hariten Pire
Akan Kalunen Sahapus Dunia Tanda Panenga Je Pasti Tege

13. Hetuh Itah Uras Mingat 18. Balanga Bulau Je Runjan Riwut
 Pasin Hatalla Batang Salamat Turus Panatau Je Inai Mangut
Aluh Narai Bewei Kahimat Muhun Pahayak Ambun Hadurut
Gawi Manjadi Hayak Imberkat Eweh Je Tawa Tatau Basewut

14. Pasin Hatalla Jadi Inarang 19. Sarah Sangku Sampai Tuh Bewei
Cuba Irima Tuntang Ingumang Basarah Penyang Je Hinje Simpei
Bara Tamparae Sapanja-Panjang Mamparahan Ampin Kabulat Atei
Ingandung Bahas Parei Nyangen Tingang Kaharingan Belum Penyang Karuhei

15. Hetuh Itah Uras Katawan 20. Sangku Inyarah Dengan Hatalla
Bentuk Ungkup Utus Babuhan Kahimat Itah Bakas Tabela
Jalan Helu Tege Kalampangan Tuah Rajaki Atun Babala
Janjin Hatalla Tatahian Huran Umur Panjang Belum Baguna

16. Majelis Kaharingan Jadi Imberkat 21. Hetuh Itah Basarah Bulat
Ranying Hatalla Je Mampaingat Hinje Atei Tiruk Pampakat
Hetuh Utus Mamparahan Kabulat Manintu Hatalla Uka Kahimat
Bereng Batuah Belum Salamat Bereng Barigas Itah Salamat

17. Hajamban Jetuh Bulau Mandurut

Harantean Riwut Bahing Karungut
Peteh Nyai Je Inai Mangut
Parit Balanga Je Runjan Riwut

Maknanya :

Kandayu Mantang Kayu Erang

1. Atei Itah Halajur Mangenang 5. Auh Kandayu Sasar Basikap
Maniruk Auh Te Sapanja-Panjang Banama Mahalau Ambun Tantilap
Auh Lunas Jalan Malempang Panjungan Minjung Inuju Ancap
Panamuei Randung Banama Tingang Lawing Haselan Kalawet Batatap

2. Banama Mamuat Paramun Gawi 6. Manjung I-Urik Dia Narusan

Ije Mahin Dia Ati Balihi Tende Balaku Sawang Kaharingan
Tarantang Garu Due Puluh Ije Biti Tihang Banama Murik Jalayan
Puat Banama Te Sapanjadi Namue Danum Tatau Nyahukan

3. Banama Tanggar Te Dia Tiling 7. Tamuei Banama Paham Bagulung

Itah Samandiai Uras Machining Dia Nyarita Je Luwuk Tanjung
Palus Inulak Auh Bataling Banama Tingang Palus Parantung
Raja Ngaragan Je Balai Mihing Tende Lewu Bukit Ambun Bagantung

4. Tulak Banama Gitar Gantau

Naharep Matan Je Andau Tumbu
Panamuei Banama Gulung Pahuru
Umba Kakare Taluh Ije Inggau

Maknanya:

Kandayu Parawei
1. Nyahu Hai Paham Bataling 7. Nyahu Hai Ayun Hakumbang
Marawei Utus Uluh Kaliling Hayak Kilat Je Paham Panjang
Kilau Pahiau Suling Gariding Bara Bukit Kangantung Gandang
Nasa Kaharingan Je Balai Mihing Balua Tahanjungan Je Kayu Erang

2. Kilat Panjang Nyahu Batengkung 8. .Nyahu Hai Kilat Balawa

Nyahu Marawei Utus Bagulung Auh Peteh Ranying Hatalla
Tegah I-Uap Je Gadung Untung Kaharingan Tatap Dehen Ihaga
Dimpah Rahusan Tasik Malambung Sampai Petak Langit Inaheta

3. Batengkung Huai Je Nyahu Hai 9. Auh Nyahu Kilat Batantu

Marawei Utus Dia Suali Manyarurui Tamparan Talu Helu
Murik Tarusan Nyalung Nantiri Inyaksi Indehen Raja Uju
Manyupa Tamparae Tuh Itah Ati Kaharingan Marawei Dia Balemu

4. Metuh Kaput Je Dia Gitan 10. Nyahu Hai Kilat Balawa

Hatalla Manyewut Auh Katamparan Jamban Peteh Ranying Hatalla
Hamauh Manyewut Intan Mamparendeng Itah Ela Laya
Kaharingan Kaharingan Jete Jalan Balawa
Kaput Hapisah Palus Kasabahan
11. Kilat Panjang Nyahu Hakumbang
5. Langit Petak Jadi Balawa Balua Bukit Nganderang Tingang
Uluh Kalunen Jadi Inampa Raja Uju Ewen Hakanduang
Taluh Handiai Saraba Injapa Kaharingan Nyarurui Ela Layang
Kalute Sulak Gawin Hatalla
12. Ujan Labat Kilat Hanyahu
6. Peteh Mandehen Ranying Hatalla Kaharingan Jalan Tanduhan Helu
Umba Kalunen Ije Inampa Peteh Hatalla Dia Balemu
Nyuang Petak Nguntep Dunia Marawei Utus Je Raja Bunu
Ela Menggawi Taluh Je Papa

13. Kilat Panjang Nyahu Ngaruntung

Riwut Marawei Penyang Hatampung
Sama Mananggar Gantang Untung
 Ulun Uras Tatau Manyambung

14. Kalute Kapaham Auh Parawei

Balaku Penyanghinje Simpei
Inyimpei Indehen Huang Atei
Murik Tarusan Balawang Karuhei

15. Auh Palempang Baguna Tutu

Akan Utus Je Raja Bunu
Tutuh Kameluh Balimut Batu
Peteh Muhun Je Bara Ngambu

16. .Auh Parawei Tikas Tuh Helu

Hajamban Riwut Rawei Kandayu
Manyarurui Peteh Hatalla Ngambu
Panjanjuri Paseban Hulu Banyahu

17. Ampin Pasin Ranying Hatalla

Akan Itah Sahapus Dunia
Balai Kaharingan Tege Inampa
Jamban Manyimpei Peteh Hatalla

Maknanya:

Kandayu Mambuwur Behas Hambaruan

1. Ujan-Ujan Aseng Panjang 5. Kuruk Bulau Hambaruan
Sambalut Simpei Bambang Penyang Sambalut Nyalung Kaharingan
 Mandehen Bulau Untung Panjang Balasang Kandayu Iye Nyamanan
Mamburak Rabia Nyaman Tuyang Tumun Peteh Tingang Tatu Huran

2. Nasaki Dahan / Tanteluh Manuk Darung 6. Sama Kanuah Anak Jatha Lampang
Tingang Manasa Pandung Je Balau Panjang
Batambang Untung Aseng Panjang Hajamban Kandayu Kayu Erang
Bereng Barigas Belum Tatau Sanang Nanjak –Ku Bukit Uju-Hanya Hajenjang
Batarung Pulu Lampang Hagatan
7. Nutuh Bulau Pungkal Raja
3. Mamantis Nyalung Kaharingan Hajamban Asin Ranying Hatalla
Akan Entang Tingang Mangawan Bawi Hatue Bakas Tabela
Utus Raja Bunu Te Huran Kurik Hai Dia Imbeda.
Manyelem Behas Hambaruan

4. Nanjuri –Ku Bangkang Haselan Tingang

Batu Junjun Karepurun Entang
Malisen Bara Peres Panganduang
Sama Rata Ba-Umur Panjang

Maknanya:

5. Doa Sehari-Hari
Doa Salam Pertemuan
“Tabe Salamat Lingu Nalatai, Salam Sahujud
Karendem Malempang”
Artinya :
(Semoga Senantiasa Dalam Keadaan Selamat
Atas Lindungan Ranying Hatalla Langit)

“SAHIY”
Artinya :
(Semoga Senantiasa Dalam Penyertaan
Ranying Hatalla Langit)

Doa Mandi
“Tingang Tatu keleh Asim Tuntang Sintam
Halajur Mampahayak Aku Uka Danum jetuh
Barasih Tuntang Mujan Nyalung Kaharingan
Belum Mangat Kilau Danum Ije Sadingen
Tau Sadingen Aseng Nyamangku Kalute Kia
Hapa Menyau Parasih Sial Kawe Gawi Ije
Papa. SAHIY”
Artinya :
(Tingang Tatu Ranying Hatalla Langit
Semoga Engkau Selalu Menyertai Hamba dan
Semoga Dengan Air Yang Diberkahi Ini
Memberikan Kesejukan dan Membersihkan
Kami Dari Segala Kesalahan. SAHIY)

Doa Makan
“Tingang Tatu Tarima Kasih Tagal Asim
Tuntang Sintam. Keleh Rangkan Panginan
Jetuh Tau Manjadi Katekang Tulang,
Katiring Uhat Tuntang Akan Karigas Kaabas
Bereng Tuntang Hambaruangku. SAHIY”

Artinya :
(Tingang Tatu Ranying Hatalla Langit
Terima Kasih Atas Anugerah Yang Tela h
Engkau Berikan Kepada Hamba/Kami
Semoga Makanan Ini Dapat Menjadi
Kekuatan dan Kesehatan Lahir dan Batin.
SAHIY)

Doa Sebelum Tidur

“Tingang Tatu, Hetuh Aku Handak Nunjung
Tiruh Tingang Keleh Bitim Mampahayak Aku
Hajamban Sahur Parapah Mangat Tiruh
Bujur Kabajuran Nupi Nikap Kayun Penyang
Karuhei Tatau Ngampa Sandik Paturung
Sangkalemu Raja. SAHIY”
Artinya :
(Tingang Tatu Ranying Hatalla Langit Saat
Ini Hamba Memohon Kepadamu Semoga
Engkau Selalu Menyertai dan Melindungi
Dalam Tidur Dimalam Yang Diberkahi Ini
Semoga Para Malaikatmu Selalu Menyertai
dan Membawa Kepada Jalan Yang Benar.
SAHIY).

Doa Bangun Tidur

“Tingang Tatu Ranying Hatalla Langit
Tarimakasih Tagal Asim Tuntang Sintam Ije
Halajur
Mampahayak Aku. Keleh Huang Andau
Kasabahan Tuh Aku Mandinu Tuah Rajaki,
Sanang Salamat Tuntang Halajur Impahayak
Awi Sahur Parapah Bara Tuh Palus
Katatahi. SAHIY”
Artinya :
(Tingang Tatu Ranying Hatalla Langit Terima
Kasih Atas Penyertaan dan Perlindunganmu
Semoga Dihari Ini Hamba Bernasib Baik dan
Selalu Dilindungi Oleh Para Malaikatmu Dari
Sekarang Sampai Selama-lamanya. SAHIY)

Doa Belajar
“Tingang Tatu Ranying Hatalla Langit Mujan
Akangku Kapintar Kaharati, Panyalembang
Untek Panarang Atei Uka Aku Bujur
Kabajuran Nantuajar Lingu Katika Tuh.
SAHIY”
Artinya :
(Tingang Tatu Ranying Hatalla Langit
Anugerahkan Pikiran dan Hati Yang Terang
Serta Kecerdasan Agar Hamba Dapat
Menerima dan Berhasil Dalam Pelajaran Ini.
SAHIY)

Doa Sebelum Memulai Pekerjaan

“Tingang Tatu Ranying Hatalla Langit Asim
Tuntang Sintam Tau Mampahayak Pating
Jariku Uka Gawi Ku Tuh Tau Bujur
Kabajuran. SAHIY”
Artinya :
(Tingang Tatu Ranying Hatalla Langit
Semoga Engkau Selalu Menyertai Pekerjaan
Hamba Agar Tiada Halangan dan Selalu
Berhasil. SAHIY)

Doa Sebelum Melakukan Perjalanan

“Tingang Tatu Ranying Hatalla Langit
Mampahayak Panjalanangku Kalute Kia
Sahur Parapah Mangat Bujur Kabajuran
Tuntang Lapas Bara Sial Kawe Dahiang
Baya. SAHIY”
Artinya :
(Tingang Tatu Ranying Hatalla Langit
Semoga Engkau dan Para Malaikatmu Selalu
Menyertai Perjalanan Hamba Serta Jauhkan
Dari Marabahaya. SAHIY).

Doa Kesembuhan Untuk Orang Sakit

“Tingang Tatu Ranying Hatalla Langit Mujan
Tatamba Panyangka Sariampung Tuhan, Uka
Mampakeleh Peres Baratus Gangguranan
Arae Sampar Saribu Sasabutan Biti Mangat
Akae Bakupak Balubalun Kilau Dawen
Batang Pantar. SAHIY”
Artinya :
(Tingang Tatu Ranying Hatalla Langit
Semoga Engkau Memberikan Kesembuhan
Dari Penyakit Yang Diderita Semoga Segala
Penderitaan dan Gangguan Engkau
Lenyapkan Semua. SAHIY)

Doa Saat/Sebelum Mengendarai Berbagai

Kendaraan
“Tingang Tatu Ranying Hatalla Langit Keleh
Mampahayak Bitingku Uka Salamat Bara
Celaka Bahaya. SAHIY”
Artinya :
(Tingang Tatu Ranying Hatalla Langit
Semoga Engkau Menyertai Hamba dan
Menjauhkan Hamba Dari Mara Bahaya.
SAHIY)

Doa Memohon Ketenangan Dalam

 Keluarga
“Tingang Tatu Ranying Hatalla Langit Keleh
Halajur Mampahayak Keluarga Huma Tuh
Mangat Tau Belum Penyang Hinje Simpei
Sanang Salamat Ruhui Rahayu. SAHIY”
Artinya :
(Tingang Tatu Ranying Hatalla Langit
Semoga Engkau Selalu Menyertai Keluarga
Ini Agar Selalu Mendapatkan Kebahagiaan
dan Ketenangan. SAHIY).

Doa Untuk Memohon Umur Panjang

“Tingang Tatu Ranying Hatalla Langit Keleh
Nenga Akangku Umur Panjang, Karigas
Kaabas Tuntang Salamat Mangat Aku Belum
Baguna Melai Lewu Injam Tingang Tuh.
SAHIY”
Artinya :
(Tingang Tatu Ranying Hatalla Langit
Semoga Engkau Menganugerahkan Umur
Panjang Serta Kesehatan Kepada Hamba
Agar Selama Hidup Ini Menjadi Orang Yang
Berguna. SAHIY).

Doa Untuk Pedagang

“Tingang Tatu Keleh Bitim Mujan Akangku
Karuhei Badagang Manang Bapayu Untung.
SAHIY”
Artinya :
(Tingang Tatu Ranying Hatalla Langit
Semoga Engkau Selalu Menganugerahkan
Segala Keberuntungan dan Memberikan
Kebahagiaan Kepada Hamba. SAHIY)

Doa Untuk Orang Yang Meninggal Dunia

“Tingang Tatu Ranying Hatalla Langit
Panyalumpuk Ije Mambelum Isi Daha Jetuh
Puna Baasal Bara Bitim, Keleh Uka Pambuli
Liau Haring Kaharingan Bujur Kabajuran
Kilau Tali Tasukan Samben Buli Nyembang
Lewu Tatau. SAHIY”
Artinya :
(Tingang Tatu Ranying Hatalla Langit
Engkau Adalah Sumber Kehidupan Yang
Menghidupkan Raga Ini, Semoga Arwah
Yang Meninggal Mendapat Tempat Di Sorga
Bersatu Denganmu Dalam Keheningan Tanpa
Derita. SAHIY)

Doa Memotong Hewan

“Tingang Tatu Katika Tuh Bitingku
Mampatei Bawui/Manuk Uka Hai
Pahalendang Gitan Awi Sahur Parapah
Tuntang Jituh Dia Matei Barangai Nyarurui
Pelek Tingang Tatu Junjun Helu Huran.
SAHIY”
Artinya :
(Tingang Tatu Ranying Hatalla Langit
Engkau Adalah Penguasa Atas Semua
Makhluk, Semoga Hewan Yang Hamba
Potong Ini Rohnya Menjadi Suci dan
Disaksikan Oleh Para Malaikatmu. SAHIY)
 Doa Menolak Bahaya
“Tingang Tatu Keleh Bitim Nulak Nyangka
Hagagian Taluh Papa Sala Ije Tau Mandaur
Manderoh Bitingku Tuntang Ngarambang
Bitingku Kilau Ngarambang Pulau Pehun
Sawang. SAHIY”
Artinya :
(Tingang Tatu Ranying Hatalla Langit
Engkau Penolak Bahaya Dari Segala Penjuru,
Lindungilah Hamba Dengan Segala
Kemahakuasaanmu. SAHIY

Doa Untuk Kelahiran Bayi

“Tingang Tatu Tagal Kahain Kuasam Ije
Mambelum Ikei Keleh Uka Mampahayak
Anak Awau Ije Lahir Katika Tuh Mangat
Panjang Umur Belum Baguna. SAHIY”
Artinya :
(Tingang Tatu Ranying Hatalla Langit
Engkau Maha Kuasa Yang Memberikan
Kehidupan Kepada Kami Bimbinglah Serta
Lindungi Bayi Yang Baru Lahir Ini Agar
Mendapat Umur Panjang dan Menjadi Orang
Yang Berguna. SAHIY)

Doa Memohon Perlindungan Umur Tua

“Tingang Tatu Ranying Hatalla Langit Keleh
Pancaran Intan Kaharingan Halajur
Mamancar Huang Bereng Tuntang
Hambaruangku Uka Mangejau Aku Bara
Penyakit Ije Merusak Berengku. SAHIY”
Artinya :
(Tingang Tatu Ranying Hatalla Langit
Engkau Maha Sempurna Semoga Sinar
Sucimu Selalu Memancar Dalam Diri Hamba
dan Menjauhkan Dari Penyakit Yang
Menyebar Merusak Penampilan Kami.
SAHIY)

Doa Untuk Penganten

“Tingang Tatu Keleh Asim Halajur
Mampahayak Kajalahan Lunuk Hakaja
Pating Baringen Hatamuei Bumbung Ije
Matuh Kabaluma Belum Uka Ewen Belum
Sanang Sampai Katatahi. SAHIY”
Artinya :
(Tingang Tatu Ranying Hatalla Langit
Semoga Engkau Selalu Menyertai Kedua
Mempelai Agar Di Dalam Hidup Dapat
Mendapat Kebahagiaan Sampai Selama-
lamannya. SAHIY)

Doa Memohon Inspirasi

“Tingang Tatu Ranying Hatalla Langit Bitim
Raja Puna Hai Kuasa Mahunjun Bara Raja
Awang Beken Keleh Nenga Akangku Penyang
Pangarasang, Batu Pangirik Lingu Tuntang
Kapintar Kaharati. SAHIY”
Artinya :
(Tingang Tatu Ranying Hatalla Langit
Engkau Maha Kuasa Raja Diatas Segala
Raja Anugrahkanlah Hamba
Kebijaksanaan Serta Kecerdasan. SAHIY)

Doa Untuk Perlindungan Rumah

“Tingang Tatu Ranying Hatalla Langit
Hajamban Bawi Panyalanting Parung
Habinei Panganjur Siru Uka Halajur
Malindung Ikei Bara Kasingen Kahirin Lewu
Mandereh Danum. SAHIY”
Artinya :
(Tingang Tatu Ranying Hatalla Langit
Melalui Malaikatmu Yang Memiliki Fungsi
dan Tugasnya Melindungi Rumah Maka
Kami Memohon Agar Rumah Dilindungi dan
Dijauhkan Dari Pengaruh Jahat. SAHIY