AVBOB STEP 12 SISWATI Paper 2 Digital
AVBOB STEP 12 SISWATI Paper 2 Digital
Wekutilungiselela Luhlolo
STEP 12
SISWATI LULWIMI
LWASEKHAYA LIBANGA
NELULWIMI
LWEKUCALA
12
LWEKWENGETA
LIPHEPHA LE-2
(TEMIBHALO)
Supported by
FOREWORD BY THE HONOURABLE MINISTER OF BASIC EDUCATION
Our shared goal is continually to improve learner performance. This is an effort which is
strengthened through close collaboration between the Basic Education Sector and the South
Africa’s private and public sectors.
It gives me great pleasure to inform you that you have been favoured with the AVBOB STEP
12 Examination Preparation Guides for South Africa’s Grade 12 languages, a product of a
long-standing partnership between the Department of Basic Education and AVBOB.
Through these guides, AVBOB aims to provide language examination support to all Grade
12 teachers and learners. These guides will serve as a valuable self-help resource for
learners.
The initial set of AVBOB STEP 12 Examination Preparation Guides – in all 11 official South
African languages, comprises one guide for each of the three National Senior Certificate
examination papers, and covers both Home and First Additional Languages:
1. Language in context;
2. Literature; and
3. Creative Writing.
Each guide covers themes as directed in the curriculum and focuses on important areas
covered in the examination papers. By paying attention to time management in the exams,
the AVBOB STEP 12 guides can also assist learners in alleviating anxiety and stress.
Lomhlahlandlela wekutifundzela
awentelwanga kutsi ukwandzisele
umsebenti ngekwengeta emaphuzu
nelwati, kepha wentelwe kutsi
UKUSITE ekutilungiseleleni kahle.
Awusiyo incwadzi yetemibhalo,
ngako-ke ungalindzeli kutsi
lomculu ucukatse konkhe
lokutidzingo teLuhlelomsebenti.
Lwati lolubalulekile
ngalokucuketfwe kuleliphepha
lutawuvetwa kulomhlahlandlela.
Usalindzelekile-ke kutsi wena
utifundzele ngekwakho wonkhe
umsebenti weLuhlelomsebenti wentele
kuba sesimeni lesihle sekuphumelela.
Likhasi 01
2. Simo seLiphepha le-2
Fundza lemininingwane lelandzelako ngekucophelela ngobe itakusita kuphendvula leliphepha malula.
LULWIMI LWASEKHAYA
Ubekelwe ema-awa la-2½ (150 emaminithi) kuphendvula Liphepha le-2. Samba semamaki aleliphepha singemamaki la-80.
Liphepha lehlukaniswe tigaba letintsatfu: Sigaba A (Tinkondlo), Sigaba B (Inoveli) ne-Sigaba C (Umdlalo). Phendvula imibuto
kuleso naleso sigaba.
Fundzisisa ticondziso letisekucaleni kweliphepha, utivisise kahle.
Sigaba A (Imibuto 1–5) sinemamaki la-30. Imibuto 1–4 imayelana netinkondlo letifundvwe eklasini. Kumele uphendvule
imibuto lemibili kulena lemine. Umbuto 5 umayelana nenkondlo lengakafundvwa eklasini kantsi futsi uphocelelekile
kutsi uwuphendvule.
Sigaba B sinemamaki la-25, sinembuto loyindzabambhalo kanye nemibuto lemifisha. Kumele ukhetse munye umbuto
lomayelana nenoveli loyifundzile. Nangabe ukhetsa kuphendvula indzabambhalo eSigabeni B, kulindzeleke kutsi
uphendvule imibuto lemifisha eSigabeni C. Kantsi uma ukhetse kuphendvula imibuto lemifisha eSigabeni B, kulindzeleke
kutsi uphendvule umbuto wendzabambhalo esigabeni C.
Sigaba C sinemamaki la-25, sinembuto loyindzabambhalo kanye nemibuto lemifisha. Kumele ukhetse munye umbuto
lomayelana nemdlalo lowufundzile. Nangabe ukhetsa kuphendvula indzabambhalo eSigabeni B, kulindzeleke kutsi
uphendvule imibuto lemifisha eSigabebi C. Kantsi uma ukhetse kuphendvula imibuto lemifisha eSigabeni B, kulindzeleke
kutsi uphendvule umbuto wendzabambhalo esigabeni C.
Tecwayiso!
Akukalindzeleki kutsi ulifundze lonkhe liphepha lemibuto.
Phendvula imibuto lemayelana netincwadzi lotifundzile kulomnyaka.
Fundza likhasi lalokucuketfwe ekhasini 4 leliphepha lemibuto.
Fundza luhla lwekutikhumbuta lolusekhasini 5 leliphepha
lemibuto wente siciniseko sekutsi uphendvule linani lemibuto
lelifanele kanye nemibuto lokumele uyiphendvule.
Phendvula imibuto kuto tonkhe tigaba LETINTSATFU.
LOKUCUKETFWE (SIBONELO)
Lelikhasi lalokucuketfwe lelisephepheni lemibuto litakusita kutsi ukhetse imibuto lofuna kuyiphendvula ngaphandle kwekufundza
lonkhe liphepha lemibuto. Lesi sibonelo selikhasi lalokucuketfwe:
SIGABA A: TINKONDLO
Tinkondlo letifundvwe eklasini: Phendvula nobe nguyiphi imibuto lemibili
INOMBOLO YEMBUTO UMBUTO EMAMAKI LIKHASI
1. Ungenyulile Umbuto loyindzabambalo 10 6
2. Mbhubhisi Imibuto lemifisha 10 8
3. Ngoba Sewungumcaba Imibuto lemifisha 10 10
4. Vuka Lusha Imibuto lemifisha 10 12
Inkondlo lengakafundvwa eklasini: Uphocelekile kuphendvula lombuto
5. Waguca Mkhiwa Imibuto lemifisha 10 14
Likhasi 02
SIGABA B: INOVELI/TEMDZABU
Inoveli: Phendvula umbuto ube munye kulamanoveli lamisiwe.
6. Liphume Nebovu Umbuto loyindzabambalo 25 15
7. Liphume Nebovu Imibuto lemifisha 25 15
8. Kubamba Letingelako Umbuto loyindzabambalo 25 18
9. Kubamba Letingelako Imibuto lemifisha 25 18
10. Tibopho Telutsandvo Umbuto loyindzabambalo 25 18
11. Tibopho Telutsandvo Imibuto lemifisha 25 18
Temdzabu: Phendvula umbuto ube munye kulena yetemdzabu
12. Silulu SeMaswati Umbuto loyindzabambhalo 25 15
13. Silulu SemaSwati Imibuto lemifisha 25 18
SIGABA C: UMDLALO
Phendvula umbuto ube munye kuleti temidlalo letimisiwe. Esigabeni B na C, munye umbuto lophendvuliwe ufanele ube yindzabambalo
nobe imibuto lemifisha. Awukavumeleki kutsi uphendvule imibuto leyindzabambhalo lemibili nobe imibuto lemifisha lemibili.
14. Kutawuba Njalo Umbuto loyndzabambhlao 25 22
15. Kutawuba Njalo Imibuto lemifisha 25 29
Tecwayiso!
Akukalindzeleki kutsi ulifundze lonkhe liphepha lemibuto.
Phendvula imibuto lemayelana netincwadzi lotifundzile
kulonyaka.
Fundza likhasi lalokucuketfwe ekhasini 4 leliphepha
lemibuto.
Fundza luhla lwekutikhumbuta lelisekhasini 5 leliphepha
lemibuto wente siciniseko sekutsi uphendvule linani
lemibuto lelifanele kanye nemibuto lokumele uyiphendvule.
Cikelela kutsi uphendvula imibuto lesetigabeni LETIMBILI kuphela.
Likhasi 03
LOKUCUKETFWE (SIBONELO)
Lelikhasi lalokucuketfwe lelisephepheni lemibuto litakusita kutsi ukhetse imibuto lofuna kuyiphendvula ngaphandle
kwekufundza lonkhe liphepha lemibuto. Lesi sibonelo selikhasi lalokucuketfwe:
SIGABA A: INOVELI
Phendvula umbuto wenoveli loyifundzile esikolweni sakho lonyaka.
INOMBOLO YEMBUTO UMBUTO EMAMAKI LIKHASI
1. Kwasha Tikhotsa Imibuto lemifisha 35 5
2. Ngenca Yakho Imibuto lemifisha 35 10
SIGABA B: UMDLALO
Phendvula umbuto wemdlalo lowufundzile.
3. Lahloma Ladvuma Imibuto lemifisha 35 15
SIGABA D: TINKONDLO
Phendvula totimbili tinkondlo lobutwe ngato.
4.1 Lamanti 6.1.1-6.1.8 17 25
4.2 Ekujuleni Kwengcondvo 6.2.1-6.2.8 18 27
Likhasi 04
3. Lokucuketfwe: Ngiliphendvula njani Liphepha le-2?
Lwati lolubanti lwalokucuketfwe etincwadzini tetemibhalo letimiselwe kufundvwa kanye netinkondlo lotifundzile
lubaluleke kakhulu ekuphendvuleni Liphepha le-2. Lwati lolukha etulu, kufinyeta nemanotsi lungeke lukusite kuyaphi.
Kubalulekile kutsi ufundze letincwadzi emahlandla lamanyentana kuze uvisise lokucuketfwe. Kumele futsi ube nelwati
lwekuhleleka kwalokucuketfwe, ukhone kuphendvula imibuto ngako, lefana nekutsi, ‘Ngubani? Yini? Kuphi? Nini?
Ngani? Kungani kungenteki? Kubuye ucoce indzaba lesencwadzini njengobe injalo kutakunika emamaki lamancane.
Kumele ube nelwati lwekuhlanganisa tincenye letehlukene tenoveli/umdlalo/indzaba lemfisha/tinkondlo. Kumele ube
nelikhono lekuhluta, ucombele, uncome, utsatse tincumo ngetehlakalo, emagama, timo, tento, imiva, imiphumela, njll.
Ngaloko lokwenteka endzabeni. Uma ungafundza incwadzi yakho yetemibhalo kahle ungatitfolela emamaki lamahle!
Likhasi 05
Umbuto:
Uyini umehluko emkhatsini wemugca wekucala newekugcina?
Imphendvulo:
Umugca wekucala unemoya wekudvumala kantsi umugca wekugcina uveta umoya wenjabulo.
Kukhombisa umoya wenjabulo kuphela losemgceni wekugcina kwenta lemphendvulo ingapheleli. Tinhlangotsi TOTIMBILI kumele
tivetwe (emgceni wekucala newekugcina). Akwentiwe ngalokufanako emibutweni lefuna kucatsanisa, kufanisa nesiphukuto.
Nangabe umbuto udzinga imphendvulo yeligama linye kuphela, kumele uphendvule ngeligama linye.
Nangabe umbuto udzinga imphendvulo lenemagama lamabili nobe ngetulu, cinisekisa kutsi vele imphendvula idzinga
emagama lamabili nobe ngetulu yini bese uphendvula ngalokufanele.
Nangabe umbuto ufuna kutsi ucaphune etheksthini/enkondlweni, sicashunwa asibhalwe njengobe sinjalo etheksthini
singabi nemaphutsa.
Nangabe umbuto unetincenye letimbili nobe ngetulu, phendvula ngekulandzelana kwaletincenye letibutiwe.
Nangabe kulindzeleke kutsi uphendvule nga YEBO/CHA – LICINISO/LIPHUTSA; NGIYAVUMELANA/ANGIVUMELANI, cikelela
kutsi ngaso sonkhe sikhatsi wesekela imphendvulo yakho ngesizatfu nobe tibonelo.
Kwesekela, sizatfu semphendvulo yakho asihambisane naYEBO/CHA naletinye tinhlobo letifanako temibuto. Nangabe loku
ungakwenti utawulahlekelwa ngemamaki.
Cinisekisa kutsi ucala ngekubhala YEBO/CHA ngembikwekwesekela imphendvulo yakho (naleminye imibuto yaloluhlobo).
Kuvamisile kutsi imibuto ibutwe ilandzele kuhleleka kwenkondlo kusuka ekucaleni kwayo, kepha hhayi ngaso sonkhe sikhatsi.
Lomunye umbuto ungabutwa ubhekiswe emgceni lowengcile nobe ngalokucuketfwe emgceni lolandzelako, lokukhulunywa
ngawo, ngako-ke tilungiselele kuphindzela emuva nobe uye embilii nangabe umbuto udzinga kutsi kwentiwe njalo.
Nangabe kubutwe ngebudlelwano emkhatsini wemigca/ tindzima/ ematheksthi/ imibono, njll, cikelela kutsi uvisisa
kahle imicondvo lemcoka yembuto bese uhlolisisa lokucuketfwe ngulemigca/ tindzima/ ematheksthi lamabili lokuveta
lobuhlobo nobe kuhambisana.
Imibuto levulekile: Nangabe umbuto ucala ngekutsi, “Ngekucabanga kwakho …” kusho kutsi imphendvulo yalombuto
ayikho etheksthini, kepha kumele uchamuke nemphendvulo lotakhele yona. Loku-ke akusho kutsi unganiketa nanobe
nguyiphi imphendvulo loyicabangako ngobe kutsiwe, “Ngekucabanga kwakho …” Lemphendvulo loticambele yona kumele
ihambisane nalokucuketfwe etheksthini. Loku-ke kusho kutsi utfutfukisa letheksthi ngekuniketa imibono yakho letimele.
Budze (kujula) bemphendvulo kumele beyame enanini lemamaki lanikwe lowo mbuto. Nangabe limaki lilinye, ungabhali
tindzima letintsatfu. Kumele ulawulwe ngemamaki laniketiwe embutweni, sibonelo,
Nangabe emamaki amatsatfu, ungeke uphendvule ngeliphuzu linye kuphela, nobe nangabe limaki lilinye, ungabhali
tindzima letintsatfu. Emamaki laniketwe umbuto lotsite ayakutjela kutsi kumele wenabe kanganani ngemphendvulo yakho.
Kuvamisile kutsi unike liphuzu linye ngelimaki linye. Kepha kuyenteka kutsi kudzingeke inchazelo leyengetiwe yeliphuzu.
Nangabe kunjalo kumele wengete ngemininingwane ledzingekako.
Likhasi 06
Emaphuzu lahleleke kahle atakunika emamaki lamanyenti.
Cikelele loko lokufunwa ngumbuto uhlale kuko.
Phetsa indzabambhalo yakho kahle.
Bona sibonelo semphendvulo yaloluhlobo lwembuto
ekhasini 35.
Teluleko ngesakhiwo
sendzabambhalo
Bhala liphuzu
Chaza leliphuzu
Yesekela liphuzu lakho
ngalokusencwadzini
Cikelela kutsi liphuzu lakho
liyahlobana nembuto
Likhasi 07
3.2 Sigaba B/Sigaba A: Inoveli
Lulwimi Lwasekhaya Lulwimi Lwekucala Lwekwengeta
Sigaba B Sigaba A
25 emamaki 35 emamaki
Phendvula umbuto munye Phendvula umbuto munye
Munye umbuto uyindzabambhalo kantsi leminye Awukho umbuto wendzabambhalo
imibuto lemifisha Yonkhe imibuto mifisha
Nangabe uphendvula umbuto wendzabambhalo esigabeni B,
uphocelelekile kutsi uphendvule imibuto lemifisha esigabeni C.
–
Nangabe uphendvula umbuto wendzabambhalo esigabeni C,
uphocelelekile kutsi uphendvule imibuto lemifisha esigabeni B.
Tikolo atifundzi tincwadzi letifanako tenoveli. Cikelela inombolo yembuto lonenoveli loyifundzile.
Teluleko ngesakhiwo
sendzabambhalo
Bhala liphuzu
Chaza leliphuzu
Yesekela liphuzu lakho
ngalokusencwadzini
Cikelela kutsi liphuzu lakho
liyahlobana nembuto
Likhasi 08
3.2.2 Ngiyiphendvula njani imibuto lemifisha yenoveli?
Emibutweni lemifisha kumele ucaphelisise loku lokulandzelako:
Itheksthi yinye nobe lamabili iniketwa njengesisusa semibuto lephatselene nayo yonkhe inoveli.
Akusito tonkhe timphendvulo letitawutfolakala etheksthini. Akusiso sivisiso (njengeSigaba A seLiphepha le-1). Kubutwa
ngako konkhe lokucuketfwe yinoveli loyifundzile. Ngako-ke kumele utilungiselele ngayo yonkhe inoveli uma ukhetsa
kuphendvula imibuto lemifisha ngemphumelelo.
Lamatheksthi lacashuniwe entelwe kukusita kutsi uvisise imibuto bese ubhala timphendvulo letifanele.
Naka linani lemamaki laniketwe lowo nalowo mbuto. Sibonelo: umbuto lonemamaki la-3 udzinga linani lelitsite lemaphuzu
kunembuto lonelimaki linye.
Leminye imibuto itawufuna emaphuzu lacuketfwe enovelini kantsi leminye itawuvivinya likhono lakho lekucombela
nekukhomba kujula ngemicabango ngaloko lokusenovelini. Leminye itawufuna timphendvulo letikhomba kucabanga
lokutimele, kuhlatiya/kuncoma, imibono nekutsatsa tincumo.
Emibutweni letsi, ‘Ngekwakho kucabanga …’ awukalindzeleki kutsi utfole timphendvulo etheksthini lecashuniwe – cha,
emibutweni lenjalo kumele usebentise lwati/emaphuzu lasenovelini kutakhela yakho imphendvulo letimele.
Bona sibonelo sendlela yekuphendvula indzabambhalo ekhasini 39, 55-56.
Likhasi 09
Teluleko ngesakhiwo sendzabambhalo
Bhala liphuzu
Chaza leliphuzu
Yesekela liphuzu lakho ngalokusencwadzini
Cikelela kutsi liphuzu lakho liyahlobana nembuto
Likhasi 10
4. Luhlu lwemagama lasetjentiselwa kuhluta imibhalo
Nanobe kubalulekile kutsi ube nelwati lwekuvisisa lokucuketfwe etinkondlweni, inoveli/temdzabu nemdlalo, (indzaba
lemfisha), loku akukeneli kukusita kutsi uphumelele eluhlolweni. Lapha ngentasi kuneluhlu lwemagama lasetjentiswa uma
sihluta imibhalo, ahambisana nenchazelo yawo kanye netibonelo letitakusita kuvisisa imibuto yeLiphepha le-2. Nangabe
uwavisisa lamagama, utawuba setfubeni lekuphendvula imibuto lenawo lamagama nobe indlela lasetjentiswa ngayo.
SETSAMELILWATI
Ngumuntfu lolalele uma akhulunyiswa nguloyo lokhulumako.
SIFANAMSINDVO
Loku kuba kuhleleka kwemisindvo lephindvwe kanyentana (ngwaca/nkhmisa lofanako) emgceni wenkondlo. Lokuphindvwa
kungenteka nobe ngukuphi emgceni ekucaleni kwemagama (Sifanangwaca – Kuphindvwa kwangwaca – Sibonelo: Kubona kanye
k ubona k abili); (Sifanankhamisa – Kuphindvwa kwankhamisa – La ba ke ba bona na ba yophindze ba bona ne)
LUPHOLAVUTFONDZABA
Lena yinkhulumo lecala etulu kuluvutfondzaba igcine seyifinyelele phasi esiphetfweni, sibonelo,
Likhasi 11
UMBITI
Intfo nobe umuntfu longasekho, kukhulunywa ngaye sengatsi uyaphila, futsi utawuphendvula, sibonelo, ‘Kufa luphi ludvonsi lwakho?’
SIFANANKHAMISA
Kuphindvwa kwankhamisa lofanako emahlandla lambalwa emgceni wenkondlo, sibonelo,
LUVUTFONDZABA
Indzaba enovelini/emdlalweni ikhuphuka ize ifike esicongweni lapho kuphendvuleka khona imibuto lebesolo ivela ngasekucaleni
(Lesigaba akusiso siphetfo).
LUDVWESHU (LWANGAPHANDLE/LWANGEKHATSI)
Ngumshikashika wekudvonsisana ngetento kwebalingisi (ludvwesu lwangaphandle) nangemicabango lesengcondvweni
yemlingisi (ludvweshu lwangekhatsi) lobakhona emkhatsini webalingisi.
KUCATSANISA
Sinongo senkhulumo lapho sikhulumi sibeka emagama abukane/aphikisane kuze kuvele umehluko emkhatsini wawo.
Likhasi 12
LOKUCHUBEKAKO/LUPHAWU LWALOKUSHIYIWE (...)
Lolu luphawu lolukhomba kutsi kuyachubeka /kukhona lokushiyiwe ekugcineni kwenkhulumo/umusho/umugca.
SETFULO
Loku kukuchaza ngalokwentekako lokuba sekucaleni kwenoveli nobe umdlalo lapho umbhali etfulela/angenisa khona umfundzi
walendzaba kuloko lokwenteka endzabeni (balingisi, tigigaba, njll).
INKONDLOSILILO
Inkondlo lapho sonkondlo alila khona ngekushiywa (Kushonelwa) ngumuntfu lamtsandzako.
Likhasi 13
SECAMAGAMA
Kweciwa kwemagama latsite enkondlweni.
SICEDZELELAMCONDVO/i-enjambamenti
Lolu luhlobo lwebunkondlo lobuvetwa ngumcondvo locuketfwe ngumugca lophelela emgceni lolandzelako wenkondlo. Loku
kubonakala ngekutsi umugca wekucala ungabi neluphawu lwekufundza nekubhala ekugcineni bese umugca wesibili ugcine
ngeluphawu lwekufundza nekubhala.
INHLONIPHO
Kusebentisa emagama lamnadzi esikhundleni salawo lahlabako, sibonelo,
INKHULUMOSIFANISELO
Kusetjentiswa kwelulwimi lolushubile, lolunotsile kuchaza intfo letsite. Lolu kuba lulwimi lwetinongo tenkhulumo.
Sibonelo: sihabiso, sifaniso, sifanisongco, taga/tiga/tisho, njll.
IMPHINDZA
Kulapho sonkondlo aphindzaphindza khona emagama ngobe afuna kugcizelela lokutsite.
Likhasi 14
SIHABISO
Kuchaza intfo ngendlela yekwandzisa kuloku lengiko.
INGUCULELOMAGAMA
Kuguculela kuhleleka kwemagama enkhulumeni ngenhloso yekugcizelela lokutsite, sibonelo:
Sigci, imvumelwano, luchumano, imphindza, njll.
Kuyenteka kutsi inkhulumo ibekwe ngendlela legegisako bese kudzingeka kutsi umfundzi ajule nayo kuze atfole inshokutsi yayo.
SISUSA/SOKHELAMLILO
Lesi sicalo sekwenteka kwetintfo nobe seludvweshu. Kulapho kucala khona kwenteka kwalokutsite lokucocwa ngako endzabeni
bese kufaka mdvonseni, umfundzi atsatseke afise kufundza achubeke nenoveli, umdlalo, indzaba iye ngekuphitsana nekushuba, njll.
SIPHUKUTO
Kukhuluma lokuphambene nalokungiko lucobo.
BALINGISI/ BADLALI
Bantfu labenta lokutsite enovelini, emdlalweni, efilimini, njll.
Likhasi 15
SIFUTAMSINDVO
Kusebentisa emagama lafute umsindvo lowentiwa yintfo letsite kuchaza umsindvo lotsite, sibonelo:
Bani lobufohlofohlo lobuvakala lapho endlini?
Utawunikela ngemanikiniki akhe.
IKHAPHULETHI
Lena yinkondlo lenemigca lemibili.
ILITHOTHISI
Lena yinkhulumo lapho umuntfu asebentisa emagama nobe takhi letitsite letikhomba kuphika ngembikweligama lelitsite, kuze
lelo gama livete umcondvo walo,
UMLAYETO
Loku kuba nguloko lokuvela njengesifundvo lesicuketfwe yinoveli, umdlalo, inkondlo, njll layifundzako.
Emdlalweni lotsi: Tibopho Telutsandvo – JJ Thwala Enkondlweni letsi: Mvula Yanga 1986 – JJ Ngcongwane
Lalela batali bakho uma bakukhuta/ Indlela ibutwa Lapho iNcwadzi leNgcwele isho igcizelela,
kulabasembili. Lapho isho nekusho kutsi ngetikhatsi
SIFANISONGCO
Sinongo lapho kubitwa intfo letsite ibitwa ngalenye lenetimphawu letifana nayo uma kufaniswa.
Likhasi 16
SIMELELI
Loku kubita intfo ngeligama lelinye nje kodvwa libe linebudlelwano lobutsite naleyontfo, sibonelo,
MCONDVOPHIKA/I-OKZIMORON
Kusebenta ndzawonye kwemagama laphikisanako ngemcondvo kuze kungabikho liciniso. Kuvamise kutsi kusetjentiswe sichasiso
nelibito lelinemcondvo lowehlukile, sibonelo,
INDIDA
Kuphikisana lokudidanako. Ngemavi lashiwo ngumuntfu lakhombisa kuphikisana kwesento lesitsite, sibonelo,
KUMUNTFUTISA
Intfo lengaphili yentiwa lephilako. Iniketwa imphilo, emandla, titfo nalokunye lokwetiwa ngumuntfu lophilako, sibonelo,
Likhasi 17
KUTFUTFUKA/KUKHUPHUKA/KUPHITSANA
Indzaba iyatfutfuka kusukela esingenisweni ihambe njalo iyofinyelela esicongweni (luvutfondzaba). Lapha umbhali uhlela
tigameko takhe tiye ngekushuba neludvweshu luvele sobala.
IMPHINDVWA
Imphindvwa kuba ngumugca lophindvwako endzaweni lefanaka etindzimeni letilandzelanako enkondlweni.
IRITHORIKHI
Yindlela yekwetfula inkhulumo ngebugagu, uphindzaphindze emagama, tiphumuti netimphawu tekubhala nekufundza endzaweni
lapho kugcizelelwa khona, njll.
Likhasi 18
UMBUTO LOYIRITHORIKHI (LONGADZINGI IMPHENDVULO)
Lona kuba ngumbuto lobutwako kepha ungadzingi imphendvulo.
SIGCI
Sigci sisitfola uma kuphinyiswa emalunga emagama emigceni. Budze bemigca buyasidala sigci. Lelo nalelo lunga leligama
liphinyiswa ngekugcizelela.
IMVUMELWANO
Imvumelwano kuba yimigca lecalisa nobe igcine ngemisindvo lefanako lefaka ekhatsi bonkhamisa.
KULANDZISA
Inkondlo nobe inoveli ingetfulwa ngekusetjentiswa kwemlandzi, sibonelo, umlandzi longumuntfu wekucala, umlandzi longumuntfu
wesibili kanye nemlandzi longumuntfu wesitsatfu. Cikelela umehluko emkhatsini wemlandzi longusatikonkhe namlandzi
longumuntfu wesitsatfu.
Likhasi 19
Indlela emalunga emvumelwano lahleleka ngayo:
Likhasi 20
I-CAPS ayiyifaki i-Sonethi, kepha cela thishela wakho akuchazelele
ngetinhlobo temasonethi. Emasonethi anengcikitsi lejabulisako,
tindzima nesigci.
SILUTFO
Ngemavi lahlabako nobe latfunuka inhlitiyo. Ekucaleni umuntfu uyalutseka kube shengatsi uyabonga kantsi uyedzelela. Loko
kwedzelela kuvela ekugcineni.
ISATHAYA
Luhlobo lwenkondlo lebhalelwe kusola lokutsite kumuntfu, bantfu, emacembu nobe tinhlangano letitsite.
LUPHAWU
Yintfo lemela lokutsite embhalweni.
SIHLANEKETELO
Lesi sinongo senkhulumo lesitsi asifane nesimeleli. Sihlaneketeli sona sibita umsebenti wentfo ngeligama lelisetjentiswako
nobe sibite intfo ngencenye yayo, sibonelo:
Ase utjele leyo moto ingilindze kancane.
Sewucedze busika lobubili afundza eMelika.
Likhasi 21
INDZIMA/SITANZA
Kuhleleka kwemigca ilandzelane enkondlweni bese yakha indzima.
SITAYELA
Yindlela lekhetsekile umbhali lahlela ngayo emagama kwedlulisa nekwenetisa inhloso yakhe. Sitayela sihlanganisa kutimela
kwembhali ekukhetseni indlela yekubhala. Kukhetfwa kwemagama netintfo letifana nebudze bemisho/imigca, umoya, siphukuto,
njll kuba yincenye yesitayela sembhali sekubhala.
TINONGO TENKHULUMO
Tinongo tenkhulumo tiyindlela letse pheceleti lesikhombisa kushuba kwelulwimi, buntsengu, titfombemagama, kugcizelela,
bunkondlo, njll. Sibonelo: sifutamsundvo, sihabiso, kumuntfutisa, silutfo, simeleli, siphukuto, indida, inhlonipho, kuhlaneketela,
luteku, njll.
SIHLOKWANA
Lesi kuba sihlokwana lesingaphasi kwaleso lesikhulu ngenhloso yekucacisa umbhalo (inkondlo, inoveli, umdlalo, njll).
INGCIKITSI
Ngumcondvo longumgogodla wendzaba – loko indzaba lekhuluma ngako.
Likhasi 22
TINKHOMBA TASESITEJI
Emdlalweni kuvamisile kutsi umbhali asivetele kutsi kwentekani, kuphi nekutsi kwentenjani. Loku kubitwa ngekutsi tinkhomba
tasesiteji. Loku kusita umfundzi ekutseni ati kabanti ngesibekandzaba.
UMOYA/ITHONI
Umoya nobe indlela lekubhalwa ngayo imibhalo iveta imiva nobe loko lokusengcondvweni yebalingisi, ikhombisa umoya
waloko lokubonwa ngemehlo, lokulalelwako naletinye tinhlobo letehlukene temibhalo. Simo semoya singaveta lulaka, luvelo,
kudvumala, kujabula, njll.
Likhasi 23
Cela thishela wakho akunike umehluko lokhona emkhatsini webalandzi
labakhona endzabeni (umlandzi longumuntfu wekucala, longumuntfu
wesibili nalongumuntfu wesitsatfu)
SIFANISO
Lapha kufaniswa tintfo letimbili letinekufana lokutsite. Sifaniso sibonakala ngetakhi tekufanisa: nganga; njenga; fana; kuhle
kwe; kw-; sa-; njll.
INDZIMA YEMLANDZI/YEMCOCI
Inkondlo nobe inoveli/umdlalo isebentisa umlandzi lokunguye lositjela ngalokwentekako endzabeni, sibonelo: umlandzi
longumuntfu wekucala; umlandzi longumuntfu wesibili nemlandzi longumuntfu wesitsatfu.
LUTEKU/LIHLAYA
Loku kwenteka uma umbhali adlala ngenshokutsi leyahlukahlukene levetwa ligama kwedlulisa imilayeto leyehlukene
ngesikhatsi sinye.
Likhasi 24
5. Sibonelo semibuto netimphendvulo
Lesigaba sicuketse imibuto netimphendvulo ngetinkondlo, inoveli/temdzabu, umdlalo (nendzaba lemfisha), lenika sitfombe
saleyo longayilindzela ephepheni lekuhlolwa. Lemibuto ayifaki konkhe lokungahle kubutwe ngako, kepha itakusita kutsi
uvisise simo seliphepha nekutilolonga ngesikhatsi sekuliphendvula.
Ungenyulile - FC Nkosi
1 Ungenyule ematsemba kimi 19 Njengekusho kwengoma
2 Ashabalalisa kwemanti esihlabatsini, 20 Wena ungivile wangivela.
3 Wawavusa ematsemba 21 Ngiswela imilomo letinkhulungwane,
4 Ngavuka ngatsemba. 22 Yekukubonga ngingacedzi.
5 Ngiswela imilomo letinkhulungwane
6 Yekukubonga ngingacedzi. 23 Mbamba mbamba ungenyulile,
24 Ungenyule kuchuluka tetinhlungu tinyembeti,
7 Ungenyule kukubi, 25 Umndeni ungasenamatsemba.
8 Sengikhishiwe kulabadla lanhlavana, 26 Umyeni akhihla lesimatsambo mihla le,
9 Sengifakwe inombolo 27 Umthulisile, wamdvudvuta, ngavuka.
10 Yalabangaphasi kwemhlaba. 28 Ngiswela imilomo letinkhulungwane,
11 Ngemusa wakho bekufa butfongo 29 Yekukubonga ngingacedzi.
12 Baphela, ngaphaphama emaphusheni lamabi.
13 Ngiswela imilomo letinkhulungwane, 30 Ngiyakubonga Jehova losindzisako,
14 Yekukubonga ngingacedzi. 31 Ngiyakubonga Jehova loNgcwele,
32 Ngiyakubonga Nkhosi yemakhosi,
15 Ungenyule bangibala tifo letingapheli, 33 Ngiyakubonga Simakadze wemazulu.
16 Ungenyule babala tifo letingelapheki, 34 Tibongo tikufanele,
17 Ingculazi abakayishiyi yangifanela. 35 Ludvumo ngelwakho.
18 Kantsi basheshe bahleka,
Bhala indzabambhalo leveta bufakazi bekutsi lenkondlo lengenhla icuketse umoya wekudvumisa.
Budze bemphendvulo yakho abube ngemagama la-190 kuya kula-240.
[10]
NOBE
Likhasi 25
Umbuto 2: Imibuto lemifisha
Fundza lenkondlo bese uphendvula imibuto lelandzelako.
Mbhubhisi - SC Msibi
1 Wena mbhubhisi wesive 17 Kulabo lesebalibele ngebucili bakho.
2 Bats’ ungumashay’ abhubhise, 18 Kawukhetsi bala lemuntfu nawugadla,
3 Ngob’ usila njengembokodv’ elitjeni! 19 Ugadla kulomnyama nalomhlophe,
4 Kutawuze kube nini mbhubhisi, 20 Ungamshiyi lomncane nalomdzala.
5 Ubatfumb’ ubufaka kulomnyam’ umgodzi 21 Takho tikhal’ atibonakali,
6 Ngetimphiko takho letigcwele lunya? 22 Kubonakala lapho sewugadle khona.
23 Waze wabanelunya mbhubhisindzini!
7 Ufika kungaketeleli muntfu,
8 Ufika kujatjuliwe ngetidladla takho
24 Kulona losewumhlasele
9 Letinyonyoba ngebunono belikati,
25 Ukhala ngetilondz’ emlonyeni
10 Ufika ubhubhise ngeludvonsi lwakho
11 Loluhlaba lungavakali, 26 Abuye aphatfwe lukhwekhwe,
12 May’ usitsa sekuphila mbhubhisi! 27 Agcine angasabon’ emehlweni.
28 Lomunye bats’ ungenwa lidloti
29 Kantsi wen’ utifihl’ engatini yakhe,
13 Uhlasela ngetindlela letinyenti, 30 Ekugcinen’ umtsel’ elutfulini,
14 Ugadla ngetikhali ngaletingabonwa 31 Ugiy’ ucephuk’ utibone buchawe,
15 Ngemehlw’ enyama uhlasel’ ebumnyameni. 32 Hhawu ngawe mbhubhisi!
16 Ufik’ ugadle kuvakale
2.1 Sinongo sini senkhulumo lesisemgceni we-2 walenkondlo lengenhla? Usho ngani? (2)
2.2 Hlobo luni lweluchumano lolwakhiwa ngulamagama lagcanyisiwe endzimeni ye-2? Sekela imphendvulo yakho. (2)
2.3 Chaza kutsi lenkondlo lengenhla iluhlobo luni. (2)
2.4 Ngusiphi secwayiso lasetfulela tetsamelilwati sonkondlo ngemugca we-28 newe-29? (2)
2.5 Lesihloko salenkondlo sibonakala sibumbene nekujula kwalenkondlo. Utsini umbono wakho? (2)
[10]
NOBE
Likhasi 26
Umbuto 3: Imibuto lemifisha
Fundza lenkondlo bese uphendvula imibuto lelandzelako.
3.1 Caphuna umugca lonemphindza endzimeni ye-1 bese unika sizatfu sekutsi kungani kutsiwe unemphindza. (2)
3.2 Ngubuphi bunkondlo lobuvetwa ngulamagama lagcanyisiwe emgceni we-7 newe-8 walenkondlo lengenhla?
Sekela imphendvulo yakho. (2)
3.3 Nika sizatfu lesenta sonkondlo asebentise imphindvwa kulenkondlo. (2)
3.4 Nguwuphi umoya locuketfwe ngumugca we-20 walenkondlo lengenhla? (2)
3.5 Ngusiphi sifundvo lasetfulela bafundzi sonkondlo ngemugca we-22? (2)
[10]
NOBE
Likhasi 27
Umbuto 4: Imibuto lemifisha
Fundza lenkondlo bese uphendvula imibuto lelandzelako.
4.1 Bunkondlo buni lobakhiwa nguletinhlavu letigcanyisiwe emgceni we-5 newe-6 walenkondlo? (2)
4.2 Hlobo luni lwemsindvo logcanyisiwe emgceni we-10? Nika sizatfu semphendvulo yakho. (2)
4.3 Veta kutsi yini kutsiwe umugca we-13 newe-14 usicedzelelamcondvo. (2)
4.4 Emakhono lakhuluma ngawo sonkondlo endzimeni ye-2 analiphi ligalelo kulusha? (2)
4.5 Ngekubona kwakho usisebentise kahle yini sonkondlo simuntfutisi lesisemgceni we-3 walenkondlo? (2)
[10]
NA
Likhasi 28
Inkondlo lengakafundvwa eklasini (Uphocelelekile kuwuphendvula lombuto)
Likhasi 29
5.1.2 Sigaba B: Inoveli
Kulesigaba, phendvula umbuto MUNYE ngenoveli loyifindzile nobe temdzabu. Phendvula indzabambhalo NOBE imibuto lemifisha.
Nangabe uphendvula indzabambhalo eSigabeni B, utawulindzeleka kutsi uphendvule imibuto lemifisha eSibageni C, kantsi
nangabe uphendvula iimibuto lemifisha eSigabeni B, utawulindzeleka kutsi uphendvule umibuto wendzabambhalo eSigabeni C.
NOBE
7.1 Bhala tintfo LETIMBILI letikuletheksthi lengenhla letikhomba sibekandzaba sesikhatsi samanje. (2)
7.2 Sinjani simo semoya ekucaleni kwaletheksthi lengenhla? Chaza. (2)
7.3 Nika sizatfu lesenta kutsi umshado waLomusa naMlungisi ulindzelwe ngemehlo labovu? (2)
7.4 Sikhuni uluhlobo luni lwemlingisi? Chaza. (2)
7.5 Letheksthi lengenhla iholela bafundzi kuyiphi incenye yesakhiwo senoveli? Sekela imphendvulo yakho. (2)
7.6 Kunengwijikhwebu ngalenkhulumo yaLomusa legcanyisiwe kuletheksthi Vumela nobe uphikise lesitatimende. (2)
Likhasi 30
NA
Tibopho Telutsandvo
Nasi sinatfo mntfwanketfu. Natsa ngisasita lentfombatana kubala kute isheshe icedze
isishiye, asho lawo magama Lomusa acedze acabuze esihlatsini saMlungisi.
Ütawuhamba Nkhangala?”
“Yebo uyahamba.”
“Ühamba ngani?” 5
“Batamlandza.”
Anatse sinatfo sakhe Mlungisi atibuke letintfombi letibala imali. Inking yakhe kutsi ngabe
tiyitsatsaphi lemali. Kufike umcondvo wekutsi shengatsi ngulobunye bumatima latawubukana
nabo Mlungisi, kuhlukanisa Lomusa naNkhangala. Mlungisi abone shengatsi ngeke kulunge
ashade naLomusa uma angumngani waNkhangala. Atsi asacabanga loko Mlungisi kube khona 10
lonconcotsako emnyango, aphumeLomusa akhulume nalomuntfu ngaphandle. Mlungisi
abe nesifiso sekwati kutsi ingsbe ngubani losemnyango abuye Lomusa. Abone emfantwini
wesivalo Mlungisi kutsi ngumuntfu lomdvuna.
“Bayahlupha labanye bantfubakitsi.”
“Bewungamngenisi ngani lomuntfu?” 15
“Bekatawugcekeza lapha uma angabona lemali.”
Abone Mlungisi kutsi timphendvulo uhlala anato Lomusa. “Utsite lemali Nkhangala uyitsatsaphi?”
“Indzaba lendze mntfwanaketfu. Siyokucocela uma sinelitfuba lelanele.”
Kuvakale imoto ima emnyango.
“Nayi imoto Nkhangala.” 20
Asukume Nkhangala acoce timphahla takhe. Ahambe. Ahambe nayo imali.
“Kwabancono-ke sekakhululekile Mlungisi, “Sitawutsi sicoca ngibe ngikwentela kudla.”
“Maye utawuya nini kuyobabona ekhaya, nobe utawuze uyongena ngelilanga lemshado?”
7.7 Nika KUBILI lokwenteka ekucaleni kwaletheksthi lengenhla lokuveta umoya welutsandvo. (2)
7.8 Hlobo luni lweludvweshu lolutfolakala kuletheksthi? Chaza. (2)
7.9 Nguliphi lisu lelisetjentiswe ngumbhali kuveta umlingisi longuLomusa kuletheksthi? Sekela imphendvulo yakho. (2)
7.10 Chaza ligalelo labe nalo Nkhangala emphilweni yaLomusa enovelini yonkhe. (2)
7.11 Yini inhloso yembhali yekuveta umlingisi longuLomusa angakafundzi futsi aphila imphilo yebugebengu? (2)
7.12 Ngemaphuzu LAMATSATFU phawula ngemphumelelo yembhali kuvete umlingisi longuMlungisi ahambelana
nesihloko salenoveli. (3)
[25]
SAMBA SESIGABA B: 25
Likhasi 31
5.1.3 Sigaba C: Umdlalo
Kulesigaba, phendvula umbuto MUNYE ngemdlalo lowufundzile.
Kulesigaba, phendvula umbuto MUNYE ngemdlalo lowufundzile. Phendvula indzabambhalo NOBE imibuto lemifisha. Nangabe
ukhetse kuphendvula umbuto wendzabambhalo eSigabeni B, uphocelelekile kutsi uphendvule imibuto lemifisha eSigabeni C, kantsi
nangabe ukhetse kuphendvula imibuto lemifisha eSigabeni B, uphocelelekile kutsi uphendvule umbuto wendzabambhalo eSigabeni C.
NOBE
MPHOTFO
(Ngelusizi) Ncobile nine niphila kamnandzi emakhaya enu ngobe timphilo tenu
tifutfunyetwe injabulo yodvwa, kepha utewufunani lapha? Kutsi setayelene kangakanani
esikolweni akusho kutsi kufute utengivakashela ngikakakubiti ngobe angati kutsi wena
uhlushwe yini ngemphilo yami.
NCOBILE
(Adzabukile) Mphotfo ungatsatsi ngemawala,mine seloku ngacala kukubona 5
ngalesikhatsi yhishela Mazibuko alahla kudla kwakhe lokwakulatile etibini cedze wena
wanyonyoba wakunconkholota wakufaka esikhwameni ucabanga kutsi awubonwa
ngumuntfukantsi ngiyakubona. Inhlitiyo yami solo ilangatelela kwati kabanti ngemphilo
yakho. Ngicela ungiboleke lesigici kuphumula.
MPHOTFO
(Aphiphitsa) Lesigici sami, umuntfu lonjengawe angahlala lapha utawungcola 10
bamhleke bontsanga yakhe kutsi abeyofunani etimphuyeni.
NCOBILE
(Adzabuka) Mphotfo leligama lelitsi uphuyile lihlaba njalo lephukele kimi ngobe mawuhlala
njalo ucabangana nesimo longiso kutawephula umoya wakho ugcine sewlahlekelwa
imphilo yakho yonkhe, nami ngingumuntfu njengawe. Ngicela unginikete lesigici cedze
ungitjele ngemphilo yakho tsine. Inhlitiyo yami seloku ayikutfoli kuphumula ngemphilo 15
yakho, ngicela kuyati mnaketfu nome nje kute lengitakwenta kuloko.
MPHOTFO
Ncobile dzadzewetfu, linyenti lebantfu angitsandzi kutsi lati kabanti ngemphilo yami
kodvwa wena ngitakutjela ngobe uloku ungigubhulute njalo. Ngingati futsi kutsi
lokungigodlolota kwakho ucondzeni ngami. Batali bami bashona Ncobile babe washona
engotini yemoto make yena wagula washona. (Tehle etihlatsini) 20
[Likhasi 56]
Likhasi 32
9.1 Bhala tintfo LETIMBILI letiveta similo lesihle saNcobile letikuletheksthi. (2)
9.2 Catsanisa simonhlalo saMphotfo kuletheksthi neluvutfondzaba lwalomdlalo. (2)
9.3 Basitakala ngayiphi indlela bantfwana labafana naMphotfo njengobe avetwe kuletheksthi. (2)
9.4 Letheksthi lengenhla inaye yini mdvonseni? Usho ngani? (2)
9.5 Ngekubona kwakho umdlali longuHleta unagalelo lini ekutfutfukiseni lengcikitsi yelutsandvo kulomdlalo.
Sekela imphendvulo yakho ngetigameko LETIMBILI. (2)
9.6 Ngemaphuzu LAMABILI bhala imphumelelo yembhali kusivetela LaMagagula njengemelekeleli kulomdlalo. (2)
NA
NCOBILE
Make ngicela ungibuyisele esikolweni mine Mntimandze.
LAHLETA
(Aphakamisa livi) ngibute kwekutsi kufundza bobani esikolweni? Bafati kufanele
baye emendvweni tobhi, sikutjele tsine botsine. Hamba uyekubhalisa esikolweni
salabadzala, angitsi sikhona lapha! Natsi sabukabuka khona sikhanyisa ngesiphefu.
Khona-ke tobhi. (Akhomba le) 25
NCOBILE
(Abuke phasi) ngiyacolisa kuko konkhe lengakwenta kuwe Dlamane. Konkhe loku
akusho kutsi angisesuye umntfwanakho Dlamane.
LAHLETA
Ufuna kulandzani esikolweni ye Ncobile?
NCOBILE
(Ambuka) Imfundvo Mntimandze.
LAHLETA
(Amnyonkholota) Ini? Imfundvo nobe umntfwana? Nobe kokubili? 30
NCOBILE
(Ngelivi lelincengako) hhawu Bhambolunye, umntfwana sewungena njani kulesicelo
sami? Emaphutsa lengiwentile asangihlakaniphisile make, angiboni kutsi ngngaphindze
ngikhalakatsele kulowo mgodzi futsi.
LAHLETA
Umntfwana-ke? Utsi utawumbekaphi? Utawumyisa kaMnisi? Hhe?
Likhasi 33
NCOBILE
(Ashaya umchino enhloko) Cha kute umntfwana lotakuya kaMnisi make. Ngicela kutsi 35
naye ungibhasobhele yena Dlemane. Njengobe sengike ngasho, emaphutsa ayitolo
angente ngaba sihlakaniphi sakusasa Mntimandze. (Amntontje)
LAHLETA
Hhawu! Hha-wu! Hhawu! Nangu Ncobile angihlolela bo! Mine bengitsi ucela sancdla,
kantsi ufuna umkhono wonkhe! Kahle kungitjela insambatseka wena lilanga libale.
(Ambuke) asusho Ncobile, kona loku kwelihuzu kwatsi nakucedza kukucosha kona 40
kwase kushonaphi?
NCOBILE
(Ngelekuncenga) hheyi Mntindze angati kutsi usho bani nawutsi ulihuzungobe
angatani nemahuzu.
LAHLETA
Nx! Wena ucabanga kutsi ngiyadlala. Sikotela salomntfwana utsi sitawuba yingwe
yabani ye Ncobile? (Alubuke futsi luswane) 45
NCOBILE
(Akhulumela phasi) angitsi nanyalo ngisitwa nguwe Dlemane. Ute uyise phela lo.
(Akhomba luwsane) [Likhasi 170-172]
9.7 Bhala tintfo LETIMBILI letisekucaleni kwaletheksthi letikhomba sibekandzaba sesikhatsi samanje. (2)
9.8 Ngutiphi tintfo LETIMBILI letenta letheksthi lengenhla idlaleke esiteji? (2)
9.9 Ucabanga kutsi kubuyela kwaNcobile esikolweni kube namtselela muni emphilweni yaLomalungelo? Chaza. (2)
9.10 Sifundvo sini umbhali lasetfulela bafundzi balomdlalo ngemdlali longuNcobile ngaloku lokwenteka kuletheksthi? (2)
9.11 Yini inhloso yembhali ngalenkhulumo yaLaHleta legcanyiswe kuletheksthi lengenhla? (2)
9.12 Umbhali walomdlalo unalo likhono lekubhala umdlalo losenamisi. Ngemaphuzu LAMATSATFU sekela lesitatimende. (3)
[25]
SAMBA SESIGABA C: 25
Likhasi 34
5.2 Lulwimi Lwasekhaya: Sibonelo Setimphendvulo
NOBE
Likhasi 35
2.4 Tetsamelilwati atingacabangi kutsi tingenwe ngemadloti uma lesifo singenile kodvwa tibokwati kutsi lesifo
sibhaca engatini, atiye kuyohlola ingati.√√ (2)
2.5 Kubumbene ngobe sihloko salenkondlo sitsi Mbhubhisi, kujula kwalenkondlo sifo sengculazi lesibhubhisa,
sicedze bantfu. √√ (2)
[10]
NOBE
NOBE
NA
Likhasi 36
Umbuto 5: Imibuto lemifisha
Kulendzawo Kubindzile – DM Mnisi
5.1 Sicatsanisi. √ (1)
5.2 Sifanangwaca. √ (1)
5.3 Imphindvwa. √ (1)
5.4 Indlala/ inhlupheko lesele emuva emakhaya/ Inkhumbulo njll. (Naleminye imibono lenembako yemukelekile. √ (1)
5.5 Lendzawo lekukhulunywa ngayo yindzawo lapho kulele labangasekho emhlabeni ngobe kutsiwa labantfu
balaliswe ngumtsakatsi longukufa. √√ (2)
5.6 Ngiyavumelana nekusetjentiswa kwesifanisongco kulenkondlo ngobe batsakatsi ngibo lababulala bantfu kanjalo
nekufa kuyefana nebatsakatsi ngobe kutsatsa bantfu emhlabeni sisabadzinga. √√ (2)
5.7 Kutinta kusho kuhlaliseka ungayindzawo, ingcikitsi yalenkondlo kufa, loku kuyahambelana ngobe bantfu labafile
bahlalisekile emathuneni abanyakati futsi abayophindze basuke kulendzawo labalaliswe kuyo. √√ (2)
[10]
Likhasi 37
5.2.2 Sigaba B: Inoveli
Tibopho Telutsandvo – JJ Thwala
Umtimba
Tigameko letitfutfukisa ingcikitsi yelutsandvo kulenoveli ‘Tibopho telutsandvo’.
Kulindzeleke lamaphuzu lalandzelako:
Kubonana kwaMlungisi naLomusa esikhumulweni sematekisi, Mlungisi avele atsi Lomusa ungumfati wekutekwa kodvwa abe
acala ngca kumbona.
Mlungisi akatitsatsi tecwayiso taMadvodza ngalesikhatsi amtjela kutsi akakhohlwe ngaLomusa ngobe ungumfelokati futsi
kunaMcaleni loyingoti lofuna kungena Lomusa. Utsi akanadzaba nekutsi Lomusa ngumfelokati, lokumcoka kutsi
uyamtsandza, akanandzaba naMacaleni angamane amfele Lomusa. Utibophelela kucala indzaba.
Kunetigameko letinyenti lapho unina waMlungisi amyale kanyenti kutsi ahlukane nalomfelokati. Utsi kulukhuni ngoba uma
umuntfu sewumtsandzile, konkhe lokuseceleni akubonakali. Utsi lutsandvo lwaLomusa lube ngetulu kwebufelokati bakhe.
“Ngimtsandza angumfelokati nobe angasiye, lokumcoka kushada nemuntfu lomtsandzako, hhayi lofunwa ngini.”
Kusho Mlungisi atjela unina.
Unina uyamcwayisa kutsi kungenteka Lomutsa umsebentisela imitsi, nekutsi sewuyile yena kulababonako, basho kutsi Lomusa
udla tidzakamiva. Mlungisi uyamphikela Lomusa nobe anebufakazi kutsi loko lokukhulunywa ngunina liciniso.
Ngalesikhatsi Mlungisi ashelwa timphahla, Lomusa wamtsengela timphahla, loko kwandzisa lutsandvo lwaLomusa kuMlungisi.
Mlungisi akawanaki emaphupho eyise lapho acosha intfombatana legcoke tingubo letimnyama, nalapho unina amtjela
kutsi uyise ufikile ephusheni abuta kutsi yini lena lelotjolwako. Kusobala kutsi lentfombatana lecoshwako nguLomusa.
Loko kukhomba kuboshwa tibopho telutandvo.
Ushiya Sitsembile endlini ebusuku aye kuLomusa.
Ukhetsa kushada Lomusa alahle Sitsembile lokhulelwe umntfwana wakhe. Lomusa uke wendza wangabatfoli bantfwana.
Konkhe loku akakucabangi Mlungisi ngobe aboshwe tibopho telutsandvo.
Lomusa ulandza Mlungisi ngenkhani kunaSitsembile. Loko ukumenti abone kutsi Lomusa angeke amhloniphe nobe sebashadile.
Mlungisi uchubeka ulungiselela kushada Lomusa nobe atfole kutsi Lomusa uneligciwane lesandvulelangculazi.
Mlungisi ukala lutsandvo lwaLomusa nelwaSitsembile, lutsandvo lwaLomusa beluhamba phambili. Uboshwe lutsandvo
lwaLomusa.
Mlungisi uphose ubulawa nguMacaleni emcashweni kaLomusa, endleleni lapho bebambhacele khona nangalesikhatsi
babuya kuyovusela Lomusa esibhedlela.
Mlungisi uboleka Lomusa imali letinkhulungwane letilishumi temalangeni yekukhipha Sicobolo ejele langamati kutsi uboshweleni.
Bangani bakhe Mlungisi boMadvodza naSikhuni bakha lisu lekutsi atitfolele Lomusa esicedzakoma kute abone kutsi
Lomusa ungumuntfu lonjani, lutfo kugucula umcondvo Mlungisi.
Malume waMlungisi lokunguyena kufanele ayewumlobolela ushaya ngendvuku phasi, utsi angeke ayolobola Lomusa
longatiwa imvelaphi yakhe. Mlungisi esikhundleni sekutsi alalele, uvele ucela bangani bakhe kutsi bayewumlobolela Lomusa.
Mlungisi uvuma kwengeta imali yemalobolo.
Lomusa ungena esibhedlela futsi kuyefika etindlebeni taMlungisi kutsi uguliswa kudla kakhulu tidzakamiva kodvwa uyachubeka
nekutsandzana naLomusa.
Siphetfo
(390 emagama) [25]
*Nangabe umbuto ufuna kutsi uvume nobe uphikise, calisa imphendvulo yakho ngekutsi, NGIYAVUMA nobe NGIYAPHIKISA.
Likhasi 38
Umbuto wendzabambhalo umakwa ngekulandzela irubhrikhi.
Cela thishela wakho akuchazele ngerubhrikhi nemigomo yayo.
NOBE
Likhasi 39
5.2.3 Sigaba C: Umdlalo
Kutawuba Njalo – SZ Simelane
NOBE
Likhasi 40
Umbuto 9: Imibuto lemifisha
9.1 Ncobile uvakashela Mphotfo lohluphekile lambone atsatsa kudla lokwakulahlwe nguthishela etibini
ngenhlosa yekumsita.
Kubeketela kwakhe ngalesikhatsi Mphotfo amcosha angafuni kumemukela, ala ngisho kumnika kwekuhlala.
Kukhutsata Mphotfo ngekumtjela kutsi lesimo sakhe sitamenta abe yindvodza lekwati kumela timo letimatima. √√ (2)
9.2 Kuletheksthi Mphotfo uyahlupheka futsi uhlala yedvwa akanamndeni kodvwa evutfondzabeni
sewungudokodela, inhlupheko iphelile, uyashada namake wemntfwana wakhe lokusho kutsi naye
sewunemndeni latawuhlala nawo. √√ (2)
9.3 Banikwa imali yesibonelelo njalo ngenyanga.
Bakhelwa tindlu tema-RDP lapho bahlala khona.
Bakhelwa tindlu tetintsandzane lapho batawutfola kunakekelwa khona.
Batfola kudla kwamahhala etikolweni. √√ (2)
9.4 Letheksthi inaye mdvonseni ngobe bafundzi balomdlalo bafisa kwati kutsi Ncobile wamsita njani Mphotfo
kulenhlupheko abebukane nayo. √√ (2)
9.5 Hleta nguye lowabona Ncobile ahamba naMphotfo lokwenta kutsi Ncobile agcine agane Mphotfo ngobe atsi ulaya
batali bakhe.
Hleta nguye lowatsi akulandvwe timbali lebetibekwe nguNcobile ethuneni laGedlembane lokwenta kutsi Ncobile
akhatsateke angakhoni nekuya esikolweni ngobe abemtsandza Gedlembane. √√ (2)
9.6 Njalo nakunetinkinga ngaNcobili uyavela kutewusita umkhula wakhe LaHleta kusonjululwe tinkinga.
Wemukela Ncobile ngalesikhatsi acoshwe nguMphotfo.
Wasita Ncobile ngalesikhatsi ayotfola umntfwana futsi amvusela nasesibhedlela ngalesikhatsi LaHleta angayingeni
yaNcobile.(Kubili kwaloku) √√ (2)
9.7 Kunesikolo lafuna kubuyela kuso Ncobile.
Kunesikolo salabadzala. √√ (2)
9.8 Inkhulumiswano lekhona, indzawo lapho yenteka khona letheksthi; esibuyeni kanye nelinani lebadlali. √√ (2)
9.9 Lomalungelo umntfwana waNcobile wagcina asanamake lofundzile lasatawukhona kumnakekela
ngendlela lenhle. √√ (2)
9.10 Sifundvo sekutsi nawente liphutsa uyatehlisa ucolise njengobe Ncobile enta emva kwekukhulelwa kwakhe
aphindze abaleke ayohlala naMphotfo/ Ufundza kutsi nawuwile emphilweni uyavuka utitsintsite ucele lusito
ucale imphilo kabusha. √√ (2)
9.11 Kucwayisa lusha ngebungoti bekutfola banfwana basesebancane, lokungetela batali tindleko nemitfwalo
yekusala netinswane sekubuyelwa esikolweni.
Kuveta bungoti bekungalaleli batali nabakukhuta.
Ungamtfoli umntfwana lewungeke ukhone kumondla. √√ (2)
9.12 Umbhali unalo likhono ngobe lomdlalo uphetsa ngenjabulo.
Sifiso semmeleli longuNcobile sekushada nelijaha latikhetsele lona siphumelele.
Kwenteka bulungiswa esiphetfweni salomdlalo; kuboshwa Hleta ngemacala ekubulala Gedlembane singani
saNcobile, Magagula babe waNcobile naLaMkhwanazi umkakhe Hleta. √√√ (3)
[25]
Likhasi 41
5.3 Lulwimi Lwekucala Lwekwengeta: Sibonelo semibuto
1.1 Khetsa YINYE imphendvulo. Tigameko letenteka kulenoveli tikhombisa kulandzela inchubo yemphilo yasiphi sikhatsi?
A Sikhatsi sanyalo
B Sikhatsi senala
C Sikhatsi sakudzala
D Sikhatsi semphucuko (1)
1.2 Khetsa YINYE imphendvulo. Bhala kutsi ngubani umlingisi lobukene nenkinga kuletheksthi lengenhla.
A NguSicobolonjwane
B NguMswati
C NguSandlane
D NguKhambi (1)
1.3 Luhlobo luni lweludvweshu loluvetwa nguloko lokwenteka kuletheksthi lengenhla? Sekela imphendvulo yakho. (2)
1.4 Inkhulumo yaMswati letsi, ‘Kumele kuliwe nesitsa uma sekwehlulekiwe ekutsini kukhulunyiswane’
imveta angumuntfu lonjani? Sekela imphendvulo yakho. (2)
1.5 Nguyiphi inkinga labukene nayo Mswati wesibili nawufundza letheksthi? Sekela imphendvulo yakho. (2)
1.6 Emavi lakhulunywa nguSomcuba latsi, ‘Mswati uyawulibusa sifile.’ Ngabe aphumelela yini? Sekela ngalokwenteka kulenoveli. (2)
Likhasi 42
1.7 Catsanisa lokwenteka kutembusave enovelini nasesikhatsini lesiphila kuso namuhla. (2)
1.8 Ngekubona kwakho bekufanele yini boFokotsi nalabanye banakabo bamlwise Mswati wesibili? (2)
1.9 Tinkinga lebekabukene nato Mswati ngabe tacatululeka yini esiphetfweni salendzaba? Bhala emaphuzu LAMATSATFU. (3)
NA
Ngihambe kahle kaMahamba Ngwenyama. Imphendvulo labanginikete yona itsi bona abangeni
etindzabeni tasegumeni lakaTsandzile, ngako-ke bacela kungahlushwa, kusho Khambi.
‘Hhawu Khambi! Bakunikete leyo mphendvulo nje kuphela?’ Kubuta Mswati akhombisa
kumangala lokukhulu. Injabulo lena lebeyigcwele ebusweni bakhe yavele yashabalala.
‘Ngitjelwe lawo mavi emphumulweni. Ngitsite ngitama kutihlekihlekisa ngenhloso yekutsi 5
mhlawumbe ngitawutjelwa lamanye emavi, kwaphindvwa wona lawo mavi,’ kugcizelela
Khambi.
‘Utsite nawuweva emavi lanjena, watsini wena Khambi?’
‘Akukho lebengingakusho Ngwenyama, ngobe bekaphuma ekhatsi etinhlitiyweni tabo.’
‘Pho aphuma emlonyeni wabani emavi lanjena?’ 10
‘Aphume emlonyeni waSomcuba waze washo nekusho watsi ematsemba akhe akuMzila
naMtjekeni.’
‘Ngalamanye emavi usho kutsi uvana netitsa tami?’
‘Kunjalo Ngwenyama. Loko kuchaza kutsi naye usitsa ngekwakhe.’
‘Hhayi, angitfolisisi kahle Khambi. Abakwati kungilahla kanjena bomnaketfu. Umbuso lona 15
usetandleni tetfu sonkhe, hhayi kutami kuphela. Kumele sibonane nabo sicoce. Kwehlukana
emkhatsini wetfu kutasidvonsela emanti ngemsele sigcine sibulawa natintfutfwane
nemakululu,’ kusho Mswati aphatseke kabi. Wachubeka Mswati watsi, ‘Kujabula wena
Khambi lowuye wabonana nelikhaba lababe. Ngibakhumbulile baketfu, ngobe sesidze
sikhatsi sagcinana.’ 20
‘Kubuhlungu–ke ngobe bona abanamsebenti neNgwenyama; kepha yona iyatihlupha ngabo.’ [Likhasi 52–53]
1.10 Khetsa YINYE imphendvulo. Loku lokwenteka kuletheksthi lengenhla kwenteka kuyiphi indzawo?
A Elawini
B Esibayeni
C Enkhundleni
D Esigcawini (1)
1.11 Bekuyini umsebenti waboKhambi naSicobolonjwane? (1)
1.12 Wena kube bewunguMswati bewungayicatulula njani inking yekungevani kwakhe nebanakabo?
Bhala emaphuzu LAMABILI. (2)
1.13 Ngekubona kwakho besikahle yini seluleko Mswati lasinikwa yiNdlovukati Tsandzile lesitsi, ‘mani sibindzi’?
Sekela ubhekise enovelini yonkhe. (2)
1.14 Mswati bekabatsandza banakabo afuna kutsi basebentisane. Vuma nobe uphikise lombono ngalokushiwo
etheksthini lengenhla. (2)
1.15 Ucabanga kutsi Ndlela liyamlandzela yini libito lakhe? Sekela ngekubhekisa etentweni takhe kulenoveli. (2)
1.16 Shano kutsi ubaluleke ngani umsebenti lowentiwa yinyanga yaMswati kulenoveli. Bhala emaphuzu LAMABILI. (2)
1.17 Itsini ingcikitsi yalenoveli seyiyonkhe? Sekela imphendvulo yakho. (2)
1.18 Ngabe kukhona yini kuhambelana emkhatsini wesihloko naloko lokwenteka endzabeni? Sekela. (2)
1.19 Ngusiphi sifundvo lesitfolakala kulenoveli? Sekela imphendvulo yakho. (2)
[35]
Likhasi 43
5.3.2 Sigaba B: Umdlalo
Uma ukhetsa kuphendvula Sigaba B, phendvula umbuto MUNYE kuphela ngemdlalo lowufundzile.
Likhasi 44
2.1.5 Kushaywa kwaSimon kuletheksthi kusivetela kutsi lendzaba yenteka ngasiphi sikhatsi semphilo? Usho ngani? (2)
2.1.6 Bafundzi lebafana naSimon bangasitwa ngayiphi indlela? Bhala KUBILI. (2)
2.1.7 Ucabanga kutsi loku lokwenteka kuletheksthi ngebafundzi baseMvongotsini kusenteka yini ngebafundzi balomuhla?
Sekela imphendvulo yakho. (2)
2.1.8 Loko bekwentiwa nguthishelanhloko endzimeni ye-2 kumveta angumuntfu lonjani ngekwesimilo? Sekela imphendvulo
yakho. (2)
2.1.9 Hulumende ubaklomelisa ngayiphi indlela bafundzi labatimiselako nalabaphumelela kahle etifundvweni tabo
tamatekuletjeni njengaboMshumayeli? Bhala KUTSATFU. (3)
NA
Likhasi 45
2.2.4 Ngusiphi sento lesikhomba kutsi gogo Finishi naMshumayeli bebatsandzana kakhulu futsi baphilisana kahle
kuletheksthi? (2)
2.2.5 Sizatfu sini lesenta Mshumayeli ahleke ngalesikhatsi Gogo Finishi akhuluma ngaKhanyisile? (2)
2.2.6 Ngabe yini lekuletheksthi lengakwenta ufune kufundza lendzaba uyofika nayo esiphetfweni? (2)
2.2.7 Ngabe basekhona yini bafana labafana naboMshumayeli labahlonipha bantfu labadzala babanakekele? Sekela
imphendvulo yakho. (2)
2.2.8 Sifiso saGogo Finishi sekutsi Mshumayeli akateke Khanyisile hhayi bositjuzimi sibafundzisani bafana labasafuna
kutsatsa bafati? (2)
2.2.9 Nguwuphi umlayeto lesedluliselwa wona nguletheksthi lengenhla? (2)
2.2.10 Tetsembiso taMshumayeli kuGogo Finishi taba yimphumelelo yini? Chaza? (2)
[35]
SAMBA SESIGABA A: 35
Likhasi 46
Umbuto 3: Lahloma Ladvuma – Z Motsa
Fundza letheksthi bese uphendvula imibuto lelandzelako.
TSEMBATIVE
Ngembetse ingubo yemahloni kunyatsela inkhundla
etinyatselweni tesigodlo netinyatselweni tenkhosi yami,
iMbiba yaJijimeza! Ngembetse siphuku semahloni
kungena enkhundleni loMdzala sekemile. Lucolo kini
nonkhe Batfwa! Akusindzelelo ngigilwe sikhatsi! Lidlojwa 5
libhekile baketfu asicolise kuloko.
NDVUKUTEMPHI
(Ahlebela Qedizizwe) uyatsakatsa nangumuntfu.
Lobengitsi utsi nimshiye adzakwe asangene akhohlwe
nelibito lakhe. Utsi umnatsise bona nje lobu lobubuya
kulenyanga ...? 10
QEDIZIZWE
(Naye akhulumela phansi) UJijimeza ugcwele izimanga
TSEMBATIVE
Mngane!Batfwa! Ngete ngavikisana ngemavi nemusa
wababe. Cha! Mine ngitsi nje kini lawulani tinhlitiyo tenu.
Wami umbono kwakha sive lesibumbene sabobabemkhulu.
Lowo nalowo wetfu unelikhono lakhe lelingesilo 15
lalomunye. Kimi kumcoka kutsi sonkhe, ngisho
nalosemncane, alati likhono lakhe lekwakha sive.
Kanjalo sonkhe sitatikhandza sinemsebenti locotfo
nalobumba sive lapha eButfwa. Sonkhe sinesikhala
lesisigcwalisako lapha eveni leButfwa. Angiphikisani 20
nemsa wababe… inkhosi itakuba yinkhosi ngetento
tayo, hhayi ngekusikisa ngemlomo kuhle kwelijaha
liheha intfombi. Ngako-ke lami liso libheke kini nonkhe,
ngamunye! Simunye! Siyinqaba! Siyimbumba!
IMBIBA
Senitivele-ke! Njengemsimeto weButfwa sitawucela lowo 25
lomele kuba ngumake wesive nebukhosi kutsi asondzele
atekwetfula lolo ludziwo lemukelwa ngalo kulowo
lesesitamphakamisa simkhunge nganayi indvuku yebukhosi
(Kutsi nya) ludziwo …
(Ehlise sandla lesiphetse intfonga) 30
KHETSIWE
(Asukume ete edvute neMbiba emehlo atse njo phansi
etinyaweni. Kodvwa uta nje ulengise tandla akakaluphatsi
ludziwo afike aguce.) Ngesaba Batfwa. Ngihambate,
ludziwo lufile. [Likhasi 31–32]
Likhasi 47
3.2 Khetsa imphendvulo yakho. Bhala indzawo lapho senteka khona lesicashunwa semdlalo lesingenhla.
A Kuselawini laNdvukutemphi
B Kusekhaya leMbiba
C Kusentsangeni yaKhetsiwe
D Kusenkhundleni yesibhimbi (1)
3.3 BoNdvukutemphi naQedizizwe batfuswa yini kuletheksthi lengenhla? (1)
3.4 Ngusiphi sigameko lebesenteka esibhimbini nawufundza lokwenteka kuletheksthi? (1)
3.5 Sento saboQedizizwe sekufaka umutsi etjwaleni baVusematfwa siveta yiphi inkholelo? Sekela imphendvulo yakho. (2)
3.6 Chaza kutsi Vusematfwa wagcina abutfolile yini bukhosi. (2)
3.7 Tinkhulumo taboQedizizwe tiveta yiphi ingcikitsi? Sekela imphendvulo yakho. (2)
3.8 Shano kutsi lomdlalo wenteka esikhatsini sakudzala nobe sanyalo. Sekela imphendvulo yakho. (2)
3.9 Budlelwane emkhatsini waVusematfwa naNdvukutemphi buveta hlobo luni lweludvweshu?
Sekela imphendvulo yakho. (2)
3.10 Lomdlalo ngabe uphetseke kahle yini? Sekela ngemaphuzu LAMABILI. (3)
NA
ITHEKSTHI F
IMBIBA-NCHANTI Awusho-ke kutsi unyoko wakwetsa watsi ungubani ligama lakho?
TSEMBATIVE NginguTsembative, Mliba!
IMBIBA Tsemba-tive! Yebo-ke kuyewak ...
INDLOVUKATI (Ngekumangala.) Tsemba-ti-ve?
IMBIBA Ngishito kadzeni kutsi silulu sibole tfuhlu! Mbiba! Abafe! 5
(Asondzele emabutfo.)
IMBIBANCHANTI (Abhekise kumbutfo.) Kahleni! Nifuna kucitsa ingati yami
nginibukile? Phasi! (Abhekise etindvuneni takhe.)
Kuhhuma inhloko-ke manje!
IMBIBA Nitsini Batfwa? 10
IMBIBANCHANTI Kungatsiwani Mbiba, baganene labantfu!
IMBIBA Nini manje? Be-benteni?
IMBIBANCHANTI Baganene!
INDLOVUKATI Ngubabe lowafa yini? Tiphila tini letehlela mine?
IMBIBA Ntfombatana, usihlolelani sikwetsembe nakangaka? 15
IMBIBANCHANTI Liciniso babe! (Kubindze sikhashana futsi.)
SIGWACA Avele bafe kute lokunye!
INDVODZA 1 Tindvuna, litsini lenu? Kumatima Mbiba!
INDVODZA 2 Lami litsi kabafe Mbiba! Usho njalo umtsetfo! Umtsetfo ngumtsetfo!
IMBIBA Bafe bobabili? Kute nje bukhosi lobuma ngaphandle 20
kweNdlovukati? Akufe lomlisa isindze yona! Ngiyema
lapho! (Sihlebo.) Safa bachamuki labacedza lifa
leBatfwa sibukile!
TFOLWANE Cha livi-ke lelo! Nami ngiyaleseka. Akufe lomchamuki.
IMBIBANCHANTI Kahleni ngemawala Batfwa baboMbokodvo! 25
Khumbulani, lomlisa ulitsambo lami! Ngekubona kwami
Batfwa, abacolelwe bobabili batichubekele bahlale
eveni laboyisemkhulu!
LABANYE Hheyi hlala phasi uyahhema jahalakitsi! Mdvoseni
ngenjobo ahlale phasi bo! [Likhasi 74–75]
Likhasi 48
3.11 Bhala KUNYE lokungenta lesiceshana lesingenhla singadlaleki esiteji. (1)
3.12 Khetsa YINYE imphendvulo. Umuntfu lokutsiwa ungumchamuki ngulonjani njengobe kushiwo kuTsembative?
A Ngulodvumile kuleyondzawo.
B Ngulohlala kuleyondzawo.
C Ngulosifiki kuleyondzawo.
D Ngulosebenta kuleyondzawo. (1)
3.13 Khetsa YINYE imphendvulo. Bhala kutsi lesigameko lesenteka kuletheksthi siyini esakhiweni salomdlalo.
A Siluvutfondzaba
B Sisetfulo
C Siludvweshu
D Sisiphetfo (1)
3.14 Shano kutsi letigameko letenteka emdlalweni tiyakholweka yini. Sekela imphendvulo yakho ubhekise
kuletheksthi lengenhla. (2)
3.15 Imbiba-nchanti ivetwe njengemdlali logucukako. Vuma nobe uphikise lombono ngemaphuzu LAMABILI. (2)
3.16 Tento taTsembative naKhetsiwe kulesicashunwa lesingenhla tinaliphi ligalelo elusheni lwalomuhla?
Sekela imphendvulo yakho. (2)
3.17 Lutsandvo ngumancoba. Sekela lombono ngekusekela ngaloko lokwenteka kuboKhetsiwe naTsembative. (2)
3.18 Ngekubona kwakho ucabanga kutsi Ndvukutemphi ulilandzele yini ligama lakhe? Sekela imphendvulo yakho. (2)
3.19 Ngabe kuliciniso nobe kuliphutsa yini kutsi Tsembative bekanganandzaba nebukhosi bekafuna kutfola uyise
nje kuphela? Sekela imphendvulo yakho. (2)
3.20 Sifundvo sini lesitfolakala kulomdlalo? Sekela ngekubhekisa emdlalweni. (3)
[35]
SAMBA SESIGABA B: 35
ITHEKSTHI G
Watsi nje nakemisa imoto yakhe, kwaphuma labanye bantfu baya kuye bamhlangabeta.
'Hheyi mnumzane, siyabonga impela shengatsi loku lokwentekile kungaphindza kwenteke
futsi,' kusho lenye indvodza iva tjwala. Wavuma nje ngenhloko umlumbi wangakhulumi,
wacondza egushede lapho kucwebe khona bantfu. Wamangala kukhandza bantfu badzakwe
bonkhe batinhlama nje. 5
Likhasi 49
'Hheyi nine, ningihlolelani? Ningcwabe siphi sidvumbu ngobe nasi
sidvumbu saMasiphula solomane asikangcwatjwa?' Kubuta Puntju.
Nembala bagucuka bantfu babuka lapho akhomba ngakhona umlumbi. Babona vele
sidvumbu saMasiphula solomane sinjalo. Eceleni kwaso kulele labanye bantfu bafile
15
kudzakwa.
Umlumbi watsatsa imvubu wabangenela. Bavuka bonkhe kwaphela tjwala.
Kwaphutfunywa emangcwabeni kuyobona kutsi kantsi ngubani lona longcwatjiwe.
Befika emangcwabeni baligubha futsi lithuna, batfola kutsi bangcwabe Mashayakhotse
adzakiwe nabo badzakiwe. Bamkhandza asafe kudzala. Ingabe Puntju wabentani bantfu
bakhe? 20
ITHEKSTHI H
Besekuphele iminyaka lemibili gonco bashada boJeaneth Mwelase naMandlenkhosi Zulu.
Bashada umshado wesikholwa. Inganiphela Mandlenkhosi ushada nje unguMvangeli
welibandla laseWeseli esigodzini saseMooiplaas. Mandlenkhosi abekadze anguloluhlobo
lwebantfu lolufishane. Bekamfisha ngalokucakile, angumahlekehlatsini. Ngendlela
bekamfisha ngayo, bantfwana basontfosikolo bametsa batsi nguZakewu. 5
Likhasi 50
'Thula babe, thula Mshengu wami,' kusho Jeaneth. Nembala bindziyani umntfwana. Bayati
labadzala nabatsi kunina wemntfwana akaphumele ngaphandle naye amthulise khona
kutsi basuke bacondzeni. Jeaneth njengemuntfu losebenta esibhedlela, bekatsi nome
ashayisile emsebentini asekhaya, kufike tincingo timbite kutsi aphutfume esibhedlela lusito
lwakhe luyadzingeka ngekushesha. Ingani nome ahlabe likhefu asekhaya bekufika tincingo
njalo timbita. Mandlenkhosi wadzimate wambuta ngalelinye lilanga kutsi kantsi nguye 20
yedvwa yini linesi lapha esibhedlela kutsi sekutawubitwa yena onkhe emalanga. Jeaneth
wamtjela kutsi dokotela usuke ambitela umsebenti wekuyisa tigulani efiyati. Ingani phela
nguye kuphela bekawati kancono lowo msebenti. Ingani phela lowo msebenti wekuyofiyota
umatima kakhulu. Ngako-ke bodokotela bafuna nesi lowatiko kutsi kutawudzingekani nani
ngaphandle kwekutsi akhunjutwe ngudokotela kutsi aletse ini nani. 25
Likhasi 51
5.3 Sigaba D: Tinkondlo
Nangabe ukhetsa kuphendvula Sigaba D, phendvula YONKHE imibuto ngato totimbili tinkondlo.
Umbuto 5:
Phendvula TOTIMBILI tinkondlo lekubutwe ngato.
5.1 EMATFUNDVULUKA – BB Malangwane
Fundza lenkondlo bese uphendvula imibuto lelandzelako.
Lamanti - SL Sigudla
5.1.1 Khetsa YINYE imphendvulo. Shano kutsi lomugca losekucaleni kwetindzima talenkondlo uyini.
'Madzala lamanti mnaketfu'
A Imphindza
B Imphindzamcondvo
C Imvumelwano
D Imphindvwa (1)
5.1.2 Luhlobo luni lwebunkondlo lobuletfwa tinhlavu leticindzetelwe emgceni longentasi?
'Siyabhuyabhu siphendvuke sihlakaniphi'. (1)
Likhasi 52
5.1.3 Khetsa YINYE imphendvulo. Bhala luhlobo lwebunkondlo lobuvetwa ngulamagama lacindzetelwe
kulemigca lelandzelako:
'Somhlolo wawashiy’ anatfwa,
Mahlokohla wakhotsam’ anatfwa,
A Luchumanosicalo
B Luchumano lolutjekile
C Luchumanomkhatsini
D Luchumanosigcino (1)
5.1.4 Shano kutsi tinjani tindzima talenkondlo. Bhala emaphuzu LAMABILI. (1)
5.1.5 Bunkondlo buni lobukulomugca walenkondlo? ‘Watiwa bayitolo nebakutsanti-’ (1)
5.1.6 Sonkondlo ulusebentiseleni luphawu lolucindzetelwe lolungentasi? 'Wo hhe, mine ntalo yathayela!’ (1)
5.1.7 Usitjelani sonkondlo nakatsi, ‘Likusas’ ayalifiphata? (2)
5.1.8 Itsini ingcikitsi yalenkondlo? Sekela imphendvulo yakho. (2)
5.1.9 Ngabe lenkondlo ikhuluma ngani? Bhala emaphuzu LAMIBILI. (2)
5.1.10 Utsini umlayeto lotfolakala kulenkondlo? (2)
5.1.11 Ngabe kukhona yini kuhambelana kwesihloko naloko lokushiwo ngulenkondlo? Sekela imphendvulo yakho. (2)
NA
5.2
Fundza lenkondlo bese uphendvula imibuto lelandzelako.
5.2.1 Khetsa YINYE imphendvulo. Shano kutsi lenkondlo lengenhla iluhlobo luni:
A Ilirikhi
B Isonethi
C Inkondlomlandvo
D Inkondlosililo (1)
Likhasi 53
5.2.2 Khetsa YINYE imphendvulo. Luhlobo luni lwebunkondlo lolutfolakala kulemigca lengentasi?
Ngobe ngifise kument’ ingubo yami
Leneboya lobungagobi nobe busemantini,
A Sidvonsamoya
B Silinganisomcondvo
C Sicedzelelamcondvo
D Sihabiso (1)
5.2.3 Bhala umugca losendzimeni yekucala losho kutsi sonkondlo wakhuluma angaphimiseli. (1)
5.2.4 Bunkondlo buni lobuvetwa nguletinhlavu leticindzetelwe kulemigca lengentasi?
Kutakushel’ eboyeni njengetitfukutfuku tenja.
Kulapho sekafikile Nkunzikayidedi, (1)
5.2.5 Sinongo sini lesitfolakala kulomugca walenkondlo longentasi? Kutakushel’ eboyeni njengetitfukutfuku tenja. (1)
5.2.6 Khokha imigca lenemvumelwanosigcino endzimeni yesitsatfu bese uyibhala phasi. (1)
5.2.7 Ngabe sonkondlo ucondze kusitjelani ngenkhulumo lengentasi? ‘Kulapho sekafikile Nkunzikayidedi’. (2)
5.2.8 Ngabe kukhona kuhleleka kwemagama emigceni yalenkondlo lengenhla? Sekela imphendvulo yakho. (3)
5.2.9 Chaza kutsi yini leyenta sonkondlo atsi, ‘Ngisho nekusho kuts’ ulilanga liphuma’. (2)
5.2.10 Sonkondlo bekabhala lenkondlo akusiphi simo? Sekela imphendvulo yakho. (2)
5.2.11 Bhala emaphuzu LAMATSATFU ngaloko lebekuhlupha sonkondlo kulenkondlo lengenhla. (3)
SAMBA SESIGABA D: 35
SAMBA SAKO KONKHE: 70
Likhasi 54
5.4 Lulwimi Lwekucala Lwekwengeta: Sibonelo setimphendvulo temibuto
Likhasi 55
1.19 Sifundvo sekutsi ungabomfisela lomunye umuntfu lokubi ngobe kugcina kulimele wena, loku sibona banakaboMswati
bahlaselwa babulawa kepha bekungibo bebenta emasu ekubulala Mswati wesibili.
(Timphendvulo titawehluka). √√ (2)
[35]
Likhasi 56
2.2.10 Taba yimphumelelo ngobe Mshumayeli wacedza kufundza, wasebenta njengekusho kwakhe, wabuye wakha indlu
wahlala naGogo Finishi wamnakekela. √√
(Naleminye imibono yamukelekile) (2)
[35]
Likhasi 57
3.18 Yebo ulilandzele ngobe simtfola alwa naMadzandza ngekungafuni kuvuma umntfwana wakhe, uyimbangi
yaVusematfwa uletsa ludvweshu ekugcineni ulwa naQedizizwe ute uyambulala. √√ (2)
3.19 Kuliciniso ngobe akazange watihlupha ngekulandzela imihambo nemasiko ebukhosi ngiko watsandzana
naKhetsiwe lobekakhetfwe kutsi abe yiNdlovukati wacela nekutsi akavunyelwe ahambe naye lapho akhulele
khona ngobe bayatsandzana.
(Timphendvulo titawehluka.) √√ (2)
3.20 Sifundvo sekutsi ungabobakhetsela bantfwana kutsi batsatse tiphi tincumo, bavumele batikhetsele
lebakutsandzako ngobe loko kutakufaka enkingeni njengemtali, sive siyatihlonipha tincumo letitsatfwa yinkhosi.
(Timphendvulo titawehluka.) √√√ (3)
SAMBA SESIGABA B: 35
Likhasi 58
4.2.7 Yebo tiyakholweka ngobe bakhona bomake labacamba emanga bashiye imindeni yabo batiyele
lapho batsandza khona. √√ (2)
4.2.8 Bengingamhlalisa phasi ngimtjela konkhe lengikutfolile ngaye emsebentini wakhe/ngimnika litfuba
achaze imbangela yekwenta loko lakwentile/ngimnike litfuba lekutsi akhetse kutsi usawufuna yini lomshado
nobe cha. (Kubili kwaloku). √√ (2)
4.2.9 Yebo kuliciniso ngobe bekamshiya ekhaya ayohlangana naSam/ bekalalela Sam enta konkhe
lakushoko/wavuma nekutsi babulale Mandlenkhosi ngaphandle kwekutisola/bekacitsa sikhatsi
lesinyenti naSam. (Kubili kwaloku). √√ (2)
4.2.10 Bomake labashadile ngingabacwayisa ngekutsi bangacali babe nekunganeliseki emakhaya abo ngobe
bangatifaka enkingeni. NjengaJeaneth longatange eneliseke emshadweni wakhe waphetsa ngekulahlekelwa
yimphilo yakhe. (Naletinye timphendvulo letinembako temukelekile.) √√ (2)
[35]
Likhasi 59
5.5.4 Sigaba D: Tinkondlo
Umbuto 5: Ematfundvuluka – BB Malangwane
5.1 Lamanti – SL Sigudla
5.1.1 D/Imphindvwa. √ (1)
5.1.2 Sifanangwaca sa-s. √ (1)
5.1.3 B/Luchumanosigcino. √ (1)
5.1.4 Tindzima talenkondlo tihlelekile. Imigca iyalingana kuto tonkhe tindzima. Indzima ngayinye inemigca le-6.
(Kubili kwaloku). √√ (2)
5.1.5 Sicatsaniso/Kucatsanisa. √ (1)
5.1.6 Uyagcizelela/uyababata. √ (1)
5.1.7 Sonkondlo usitjela kutsi lamanti awalakhi likusasa lelihle. √√ (2)
5.1.8 Ingcikitsi kudzakwa, sonkondlo lamanti lakhuluma ngawo tjwala. √√ (2)
5.1.9 Ikhuluma ngekusetjentiswa kabi kwetjwala. Sonkondlo utsi tjwala budvunga ingcondvo, kudzala bukhona,
abungajahwa ngobe ngete sibucedze. (Kubili kwaloku). √√ (2)
5.1.10 Ngumlayeto lotsi tjwala bunemiphumela lemibi. Kute lokuhle lokuletfwa tjwala. (Timphendvulo titawehluka). √√ (2)
5.1.11 Yebo, kukhona ngobe sihloko sitsi ‘Lamanti’ kantsi vele inkondlo ikhuluma ngekusetjentiswa kabi kwetjwala. √√ (2)
Likhasi 60
KUSONGA
Siyetsemba kutsi lomhlahlandlela
utakusita kuphendvula Liphepha
le-2 ngekutetsemba. Nangabe ufisa
kuphumelela, kumele ufundze tonkhe
tincwadzi temibhala letikhetselwe
kufundvwa kulomnyaka nemagama
lasetjentiselwa kuhluta yona kuwo
wonkhe lomnyaka.
Likhasi 61
EMANOTSI
Likhasi 62
WWW.AVBOBSTEP12.CO.ZA | WWW.AVBOB.CO.ZA