Download to read offline
More Related Content
Similar to Intrinsik at Ekstrinsik: Pagganyak sa Mag-aaral Tungo sa Pagbuo ng Planong Gawain (Action Plan ng mga guro sa Filipino
Intrinsik at Ekstrinsik: Pagganyak sa Mag-aaral Tungo sa Pagbuo ng Planong Gawain (Action Plan ng mga guro sa Filipino
- 1. 1 TANAUAN CITY INTEGRATEDHIGH SCHOOL INTRINSIK AT EKSTRINSIK: PAGGANYAK SA MAG-AARAL TUNGO SA PAGBUO NG PLANONG GAWAIN (ACTION PLAN) NG MGA GURO SA FILIPINO KAREN CLARISSA LAT-PEREZ Disyembre 2018
- 2. 2 TANAUAN CITY INTEGRATEDHIGH SCHOOL Abstrak Sa Pilipinas, binibigyang tuon ng mga guro ang pagpapataas ng perpormans ng mga mag- aaral sa iba’t ibang asignatura. Kabilang sa mga asignaturang ito ang asignaturang Filipino. Kaugnay nito, nilayon ng mananaliksik na malaman ang epektibong pagganyak na magagamit sa pagtuturo sa pagpapataas ng perpormans ng mga mag-aaral at maging batayan sa pagbuo ng planong gawaing makapagpapaunlad sa kanilang kakayahan. Limitado ang pag-aaral sa mga pangganyak na istratehiyang magagamit ng mga guro sa pagtuturo ng asignaturang Filipino. Bago isagawa ang pag-aaral, tiniyak na may pahintulot mula sa kinauukulan at mga tagasagot. Deskriptib-kwantitatib ang disenyong ginamit upang mailarawan nang husto ang mga nalikom na datos. Lumabas sa pag-aaral na ang intrinsik o na paggayak sa pagtuturo ng Filipino ayon sa pagtataya ng mga guro at mag-aaral ay laging ginagawa. Samantalang ang ekstrinsik na pagganyak ayon sa pananaw ng mga guro ay madalas na ginagawa at sa mga mag-aaral ay laging ginagawa. Sa usapin hinggil sa pagkakaiba sa pagtataya ng mag-aaral at guro kaugnay sa intrinsik na pangganyak ng mga guro sa pagtuturo ng Filipino, walang pagkakaiba sa pananaw ng dalawang pangkat ng tagasagot samantalang mayroon namang pagkakaiba sa ekstrinsik o eksternal na pagganyak sa pagtuturo ng Filipino. Lumabas din sa pag-aaral na ang mga mag-aaral sa ilalim ng mas nakararaming guro ay may markang 80 hanggang 84. Dahil dito, masasabi na ang kani-kanilang mga sakop na mag-aaral ay pasapit sa pagkakatuto. Gayundin, natuklasan na ang paggamit ng intrinsik na pagganyak sa pagtuturo ng Filipino ay mayroong napakaliit na salungat na ugnayan sa perpormans ng mga mag-aaral samantalang ang paggamit ng ekstrinsik na pagganyak ay mayroong maliit na tiyak na ugnayan sa perpormans ng mga mag-aaral. Dahil sa kinalabasang ito, iminungkahi ang paggamit
- 3. 3 TANAUAN CITY INTEGRATEDHIGH SCHOOL ng Planong Gawain (Action Plan) upang mapaunlad pa ang kakayahan ng mga guro sa pagtuturo ng Filipino. Mga susing salita: intrinsik, extrinsik, pagganyak, akademikong perpormans, asignaturang Filipino I. ANG SULIRANIN AT ANG SANLIGAN NITO Panimula at Rasyonal Sa mga nakalipas na dekada, maraming mga mananaliksik sa buong mundo ang nagtangkang alamin ang mga epektibong pangganyak na istratehiya na magagamit ng mga guro sa pagtuturo ng iba’t ibang asignatura. Marami sa kanila ang sumang-ayon na kailangang ganyakin ang mag-aaral upang mapataas ang antas ng pagkatuto sa lahat ng asignatura tungo sa mataas na kalidad ng edukasyon. Lahat ng mga edukador ay may kasanayang magturo subalit hindi lahat ay may kakayang makaganyak ng mga mag-aaral. Kung ang pagbabatayan ay ang kinalabasan ng maraming pag-aaral sa loob at labas ng bansa, maraming guro ang kulang pa sa kasanayan sa pagpili ng angkop na istratehiya sa pagganyak ng mga mag-aaral. Sa Pilipinas, isa sa mga ninanais ng mga edukador ay ang pagpapataas ng antas ng pagkatuto ng mga mag-aaral sa lahat ng asignatura kabilang ang asignaturang Filipino. Ang pagtuturo ng Wikang Filipino ay kabilang sa programa ng Kagawaran ng Edukasyon alinsunod sa isinasaad ng Saligang Batas ng 1987 sa Artikulo XIV. Ayon dito ang Wikang Pambansa ng Pilipinas ay Filipino. Samantalang nililinang ito ay payayabungin at pagyayamanin pa batay sa mga umiiral na wika sa Pilipinas at iba pang mga wika. Ang pagkakaroon ng kaalaman sa wika ay susi ng pagkatuto at tagumpay sa pag-aaral ng lahat ng asignatura sa paaaralan. Ang Filipino
- 4. 4 TANAUAN CITY INTEGRATEDHIGH SCHOOL bilang wikang pambansa ay naging mabisang kasangkapan nating mga Pilipino sa pakikipagtalastasan. Kailangan ito’y maging isang wikang magagamit sa pagtuturo. Ang pagbabago ng kurikulum ay isa sa maraming pangyayari sa larangan ng edukasyon na lalong magpapatibay sa pundasyon ng Wikang Filipino sa paglalahad ni Prop. Voltaire Villanueva (2012) sa kanyang artikulong “Wikang Filipino: Wikang Panlahat, Salalayan sa Pagtatamo ng Likas-Kayang Pag-unlad”. Sa muling pagbabago ng kurikulum, ipinatupad ng Kagawaran ng Edukasyon ang programang K-12. Ang dating apat na taon sa sekundarya ay nadagdagan na ng dalawang taon. Isinabatas ang programang ito upang matugunan ang kakulangan sa kalidad ng edukasyon sa Pilipinas. Ipinatupad din ang K-12 upang makalikha ng mga semi-skilled na manggagawa na may layuning matugunan ang pangangailangan ng mga may mataas na kasanayang manggagawa. Dahil na rin sa maaari nang makapagtrabaho ang mga kabataan pagkatapos ng high school (Montenegro, 2010). Dahil dito, nakipagtulungan ang Komisyon sa Wikang Filipino (KWF) sa Kagawaran ng Edukasyon (DepEd) upang palakasin pa ang Filipino bilang asignatura sa bagong K to 12 curriculum. Bukod sa asignaturang Filipino sa Junior High School, may mga bagong asignaturang Filipino ang ituturo sa Senior High School. Ang mga asignaturang kasama sa kurikulum ng SHS ay ang “Komunikasyon at Pananaliksik sa Wika at Kulturang Filipino”, Pagbasa at Pagsusuri ng Iba’t Ibang Teksto Tungo sa Pananaliksik” at “Filipino sa Piling Larang” (Geronimo, 2015) Ayon sa aklat nina Corpus at Lucas (2013), mahalagang maunawaan ang proseso ng pagkatuto sa iba’t ibang asignatura lalo’t higit sa asignaturang Filipino. Ang proseso ng
- 5. 5 TANAUAN CITY INTEGRATEDHIGH SCHOOL pagkatuto sa iba’t ibang asignatura ay batay sa mga teorya ng pagkatuto at mga salik na nakakaapekto dito pati na rin ang mga pamamaraan sa pagtuturo. Binigyan diin dito ang pagganyak at emosyonal na impluwensya sa pagkatuto, kung paano natututo ang isang mag-aaral sa pamamagitan ng motibasyon. Sinasabing ang motibasyon ng isang mag-aaral ay naiimpluwensyahan ng indibidwal na emosyon, paniniwala, interes at kaugalian sa pag-iisip. Pinatutunayan ito ng teorya ng Pansariling Determinasyon (Self Determination Theory) nina Deci at Ryan (2000). Ayon sa teoryang ito, ang pagganyak ay nakabatay sa pansariling kagustuhan at interes hindi sa kagustuhan ng ibang tao. Binigyang diin din sa teorya ang klasikong pagkakaiba o pagkakakilanlan sa pagitan ng intrinsik at ekstrinsik na motibasyon. Ang intrinsik na motibasyon ay ang pagkilos o paggawa ng isang gawain para sa kakuntentuhang maidudulot nito sa halip na sa ibubunga o kalalabasan nito. Samantalang ang ekstrinsik na motibasyon ay kasalungat ng intrinsik na motibasyon kung saan ang isang gawain ay ginagawa dahil sa kasiyahang matatamo dito sa halip na dahil sa tunay na kahalagahan nito. Bilang tugon sa hamon ng globalisasyon, ang mananaliksik ay magsasagawa ng kaugnay na pag-aaral. Tulad ng ibang mananaliksik na nagtangkang alamin ang mga epektibong pangganyak na istratehiya na magagamit ng mga guro sa pagtuturo ng iba’t ibang asignatura, nais malaman ng pag-aaral na ito ang epektibong pagganyak na magagamit na mga guro sa pagtuturo ng asignaturang Filipino at upang maging batayan sa pagpapaunlad ng kanilang kakayahan. Ang Tanauan City National High School ay mayroong Senior High School na binubuo ng tatlong istrand sa ilalim ng akademikong track. Kabilang sa core subject ng HUMSS, STEM at ABM istrand ay ang “Komunikasyon at Pananaliksik sa Wika at Kulturang Filipino”, Pagbasa at Pagsusuri ng Iba’t Ibang Teksto Tungo sa Pananaliksik” at “Filipino sa Piling Larang”.
- 6. 6 TANAUAN CITY INTEGRATEDHIGH SCHOOL Mahalagang maganyak ang mga mag-aaral sa mga asignaturang nabanggit upang makamit ang layunin ng programang K to 12. Minabuti ng mananaliksik na isagawa ang pag-aaral upang magmungkahi ng planong gawain (action plan) sa mga guro sa paggamit ng intrinsik at ekstrinsik na motibasyon sa pagtuturo ng Filipino sa mga mag-aaral ng Senior High School. Paglalahad ng Suliranin Ang pag-aaral na ito ay naglalayong malaman ang intrinsik at ekstrinsik na pangganyak na ginagamit ng mga guro upang maging batayan sa pagbuo ng planong gawain (action plan) ng mga guro sa Filipino ng Senior High School ng Tanauan City National High School. Gayundin upang malaman ang mga tiyak na kasagutan sa mga sumusunod na katanungan: 1. Ano-anong istratehiyang pangganyak ang ginagamit ng mga guro sa Filipino ayon sa pagatataya ng mga mag-aaral at ng mga guro mismo batay sa mga sumusunod na uri ng motibasyon? 1.1 motibasyong intrinsik 1.2 motibasyong ekstrinsik 2. Mayroon bang pagkakaiba sa pagtataya ng dalawang pangkat ng tagasagot kaugnay ng mga istratehiyang pangganyak na ginagamit ng mga guro sa Filipino? 3. Ano ang antas ng perpormans ng mga mag-aaral sa asignaturang Filipino? 4. Paano nauugnay ang mga istratehiyang pangganyak na ginagamit ng mga guro sa perpormans ng mga mag-aaral? 5. Batay sa kinalabasan ng pag-aaral, anong planong gawain ng mga guro sa Filipino ang maimumungkahi?
- 7. 7 TANAUAN CITY INTEGRATEDHIGH SCHOOL Haypotesis 1. Walang makabuluhang ugnayan ang perpormans ng mag-aaral at ang intrinsik na pagganyak na ginagamit ng mga guro sa pagtuturo ng Filipino. 2. Walang makabuluhang ugnayan ang perpormans ng mag-aaral at ang ekstrinsik na pagganyak na ginagamit ng mga guro sa pagtuturo ng Filipino. Saklaw at Limitasyon Ang pag-aaral na ito ay sumasaklaw sa kaugnayan ng paggamit ng mga istratehiyang pangganyak sa pagtuturo ng Filipino at ng perpormans ng mga mag-aaral ng Senior High School ng Tanauan City National High School. Gayundin, aalamin ng mananaliksik ang pananaw ng mga mag-aaral sa paggamit ng mga pangganyak na istratehiya sa pagtuturo ng Filipino. May labing isang pangkat mula sa ika-12 at ika-11 baitang ang Senior High School na magiging tagasagot sa talatanungan at pagkukuhanan ng marka. Sa pagpili ng mga mag-aaral na magiging kalahok, gagamitin ang random sampling sa pamamagitan ng fish bowl technique na kung saan may isang kahon na paglalagyan ng mga pangalan ng mga mag-aaral ng bawat pangkat. Ang mga pangkat ng ika-11 baitang ay binubuo ng STEM-Kintanar, ABM-Gokongwei, ABM-Lopez, HUMSS- Enriquez, HUMSS-Osias, HUMSS-Benitez. Samantalang ang mga pangkat naman ng ika-12 baitang ay binubuo ng STEM-Campos, ABM-Cacktiong, ABM-Ayala, HUMSS- Timbreza at HUMSS-Estioko. Ang pag-aaral na ito ay limitado lamang sa mga nararanasan at naoobserbahan ng mga piling mag-aaral ng Senior High School ng Tanauan City National High School. Bagaman hindi ito direktang tumutukoy sa panlahat na nararanasan o naoobserbahan ng mag-aaral ng Senior High School sa buong Dibisyon ng Tanauan at iba pang Dibisyon, anuman ang kalalabasan ng
- 8. 8 TANAUAN CITY INTEGRATEDHIGH SCHOOL pag-aaral ay nalalapit sa nararanasan at naoobserbahan ng ibang mag-aaral ng Senior High School sa mga pangganyak na istratehiyang ginagamit ng mga guro sa pagtuturo ng Filipino. II. MGA KAUGNAY NA LITERATURA Ang mga guro ang gumagabay sa gawain ng mga mag-aaral upang malinang ang kakayahan ng bawat isa. Mahalagang maganyak ang bawat mag-aaral upang maging interaso at makiisa sa bawat araling itinuturo. Ang tagumpay ng isang guro sa kanyang pagtuturo ay nakasalalay din sa kanyang pagpaplano at sa mga layuning nabuo mula sa aralin o paksang tatalakayin. Ang guro ay kailangang maging handa sa kanilang aralin batay sa kanilang istratehiya, batay sa kakayahan, tuon, interes at kaisipan ng mga mag-aaral (Hogan, 2013). Hindi ito nalalayo sa sinabi ni Fortunato (2011) na ang tagumpay ng isang guro sa kanyang pagtuturo ay nakasalalay din sa mahusay niyang pagpaplano at sa mga layuning nabuo mula sa aralin o paksang tatalakayin. Ang tagumpay upang maabot ang layunin ay depende kung paano ito ipaliliwanag. Ang guro ay kailangang maging handa sa kanilang aralin batay sa kanilang istratehiya at sa kakayahan ng mga mag-aaral. Mahalagang maunawaan ang proseso ng pagkatuto sa iba’t ibang asignatura lalo’t higit sa asignaturang Filipino. Ang proseso ng pagkatuto ay batay sa mga teorya ng pagkatuto at mga salik na nakakaapekto dito pati na rin sa mga pamamaraan sa pagtuturo. Una na rito ang likas na proseso ng pagkatuto, dito mas epektibo ang pagkatuto kung ito ay intendyonal na proseso sa pagbuo ng kahulugan galing sa impormasyon at karanasan. Pangalawa ang hangad sa proseso ng pagkatuto, ang tagumpay sa pagkatuto ay nakasalalay sa maayos na representasyon ng Kaalaman. Pangatlo ang pagbuo ng kaalaman kung saan ang matagumpay na mag-aaral ay naipag-uugnay ang bagong impormasyon sa dati nang nalalaman sa mas makabuluhang paraan.
- 9. 9 TANAUAN CITY INTEGRATEDHIGH SCHOOL Pang-apat, ang pag-iisip na may istratehiya kung saan ang matagumpay na mag-aaral ay nakabubuo at gumagamit ng makatwirang paraan ng pag-iisip upang makamtan ang pagkatuto. Panglima ay ang pag-iisip sa kung ano ang iniisip na may mataas na ayos ng istratehiya sa pagpili at pagmomonitor ng mental na operasyon sa malikhain at kritikal na pag-iisip. Pang-anim ang pagkatuto mula sa konteksto kung saan sinasabing ang pagkatuto ng isang mag-aaral ay naiimpluwensiyahan ng kapaligiran, kabilang na ang kultura, teknolohiya at mga paniniwalang instruksyunal. Ang pinakahuli ay ang motibasyon at ang emosyonal na impluwensya sa pagkatuto. Ito ay kung paano natututo ang isang mag-aaral sa pamamagitan ng motibasyon. Sinasabing ang motibasyon ng isang mag-aaral ay naiimpluwensiyahan ng indibidwal na emosyon, paniniwala, interes at kaugalian. Hindi lamang ang emosyon ang naiimpluwensyahan ng motibasyon pati na rin ang sarili (Corpus at Lucas, 2013). Ayon kay Herzberg (1959) sa kanyang Herzberg Two Factor Theory, may dalawang may dalawang nakakaimpluwensya sa motibasyon o pagganyak, ang hygiene factors o ang ekstrinsik na pagganyak at motivational factors o intrinsic na pagganyak. Kabilang sa ekstrinsik na pagganyak ang mga polisiya/patakarang ipinatutupad, superbisyon, relasyon o ugnayan sa kapwa, personal na buhay, kompensasyon tulad ng marka o premyo, seguridad, at kondisyon sa kapaligiran. Samantalang ang mga intrinsik na kondisyon tulad ng pag-unlad sa sarili, pagkamit sa ninanais, responsibilidad, pag-unlad ng napiling propesyon, pagtanggap ng pagkilala, interes at kakuntentuhan ay kabilang sa motivational factors. Upang mapataas ang lebel ng pagganyak, kinakailangang pag-ibayuhin ang motivational factors at tiyaking naisasaalang-alang din ang hygiene factors. Marapat na tiyakin ang pagbibigay ng balanseng hygiene at motivational factors. Kung ilalapat sa klasrum ang teoryang ito, kabilang sa mga ekstrinsik na pagganyak ang pagsasaayos ng silid na nakakaakit sa paningin ng mga mag-aaral; paggamit ng mga
- 10. 10 TANAUAN CITY INTEGRATEDHIGH SCHOOL makabagong kagamitang instruksyunal gulad ng telebisyon, prodyektor, kompyuter at iba pang makabagong teknolohiya sa pagtuturo; Pagbibigay ng wastong disiplina o superbisyon sa mga mag-aaral at pagbibigay ng karampatang marka o grado sa mga mag-aaral. Hindi sapat na maganyak ang mga mag-aaral sa pamamagitan ng eksternal na pagganyak lamang, kailangan din ang intrinsik na pagganyak tulad ng pagbibigay ng pagkakataon sa bawat mag-aaral na mamuno sa mga Gawain, pag-alam sa opinion ng mga mag-aaral tungkol sa kanilang interes, pag-uugnay ng interes ng mga mag-aaral sa paksang aralin, pagbibigay linaw sa layunin ng aralin, Pagbibigay ng pagkakataong makapamili ang mag-aaral sa kung ano at paano nila nais matuto at paglalahad ng aralin sa pamamagitan ng mga gawaing makahihikayat sa interes at emosyon ng mag-aaral. III. Pamamaraan Disenyo ng Pananaliksik Kinakailangan ang maingat na pagsusuri at wastong hakbangin upang maging malinaw ang pagpapaliwanag ng mga nalikom na datos mula sa mga mag-aaral, punongguro at mga guro upang maging makabuluhan ang pag-aaral na ito sa mga babasa. Ginamit na pamamaraan sa pag- aaral ang deskriptibong paglalarawan upang maipamalas ng husto ang mga pagganyak na istratehiyang magagamit ng mga guro sa pagtuturo ng asignaturang Filipino at ang kaugnayan nito sa perpormans ng mga mag-aaral. Ayon kay Sanchez (2000), ang kaisipang paglalarawan ay isang paraan ng pangangalap ng impormasyon hinggil sa napapanahong umiikot na sistema. Ito ay naglalarawan ng mga
- 11. 11 TANAUAN CITY INTEGRATEDHIGH SCHOOL sitwasyon habang ang isang pag-aaral ay isinasaayos pa lamang para malaman ang sanhi ng suliranin. Respondente ng Pag-aaral Ang tatlong (3) guro sa Filipino at mga piling mag-aaral ng Senior High School sa Taong Panuruan 2018-2019 ang magiging tagasagot. Gamit ang slovin’s formula, mula sa 310 na kalahok ay kukuha ng 175 na tagapagsagot. Sa pamamagitan ng random sampling mapipili ang mga mag-aaral na magiging kalahok sa pag-aaral at ang mapagkukunan ng marka sa unang semester. Instrumento Talatanungan o tseklist ang ginamit na instrumento para malikom ang mga kailangang impormasyon at datos. Upang masukat ang mga katanungan, ang dalawang grupo ay sasagot batay sa angkop na bilang sa bawat baryabol, laging ginagawa (5), madalas / malimit ginagawa (4), ginagawa (3), bahagyang ginagawa (2), hindi ginagawa (1). Ang pamamaraang ito ng paglikom ng datos ang isinagawa para matiyak ang katatayuan ng pinag-aaralan. Naniniwala ang mananaliksik na ito ang pinakamabisang instrumento upang makakakuha ng tama at wastong impormasyon. Ang mga katanungan ay malinaw na tumutukoy sa mga kasagutang nais tuklasin ng mananaliksik. Balidasyon ng Instrumento Dalawang Dalub Guro sa Tnauan City Integrated High School ang sumuri sa talatanungan na ginamit sa pag-aaral na isinagawa ng mananaliksik. Upang masagot nang husto, sinuring mabuti kung ang mga baryabol ay akma sa bawat katanungan ng suliranin. Tiningnan
- 12. 12 TANAUAN CITY INTEGRATEDHIGH SCHOOL nila kung ang mga datos at impormasyon na makakalap sa talatanungan ay masasagot ang lahat ng mga suliraning inilahad sa pag-aaral. Pamamahagi at Pangangalap ng Datos Ang mga katanungan ay binuo sa tulong ng mga nasaliksik na impormasyon sa kaugnay na literatura at pag-aaral. Bago isagawa ang pamamahagi ng katanungan ay isinaalang-alang ang konsiderasyong etikal sa pananaliksik. Nilikom at pinagsama-sama ang mga talatanungan at pinag-tally. Pagkatapos ay inayos sa mga tabular form o talahanayan. Lahat ng katanungan ay nilagyan ng sagot, limit at bahagdan. Konsiderasyong Etikal 1. Ang mananaliksik ay humingi ng pahintulot sa pamunuan ng Dibisyon ng Tanauan bago isagawa ang pananaliksik. 2. Nagpadala ng liham sa mga magulang ng mag-aaral upang ipagbigay-alam ang paglahok ng kanilang mga anak sa isasagawang pag-aaral. 3. Ang pagpapasagot sa mga mag-aaral ay kusang loob at hindi sapilitan. Ang hindi nila pagsang-ayong maging bahagi ng pag-aaral ay hindi makaaapekto sa kanilang marka. 4. Ituturing na konpidensyal ang mga impormasyon at makukuhang marka mula sa mga mag-aaral. 5. Ang kinalabasan ng pag-aaral ay inilahad sa mga naging tagasagot gayundin sa ibang mga guro, PTA, at sa pamunuan ng paaralan.
- 13. 13 TANAUAN CITY INTEGRATEDHIGH SCHOOL Istatistikang Ginamit Ang mananaliksik ay gumamit ng istatistika upang mabigyan ng kasagutan ang mga inilahad na katanungan. Upang malaman ang mga intrinsik at ekstrinsik na pagganyak na ginagamit ng mga guro sa pagtuturo ng Filipino at ang makabuluhang pagkakaiba sa pagtataya ng dalawang pangkat ng tagasagot, ginamit ang mean. Ang antas ng perpormans ng mga mag- aaral sa Filipino ay isinagawa sa pamamagitan ng averaging. Samantalang ang pagtataya hinggil sa kaugnayan ng istratehiyang pangganyak sa pagtuturo at ng perpormans ng mga mag-aaral ay ginamitan ng Pearson r. Pag-aanalisa at Interpretasyon ng Datos Ang mga nakalap na impormasyon mula sa mga kinapanayam ay nilagyan ng tema upang makuha ang posibleng padron na tutugon sa mga katanungan ng pag-aaral. Ang mga nakuhang magkakaibang tugon at impormasyon ay hinanapan ng kategorya batay sa padron. Matapos maisa-isa ang mga kategorya, ito ay binigyan ng interpretasyon upang (layunin)__________________________________. IV. PAGLALAHAD, PAGSUSURI AT PAGPAPAKAHULUGAN SA MGA DATOS Inilalahad sa bahaging ito ang kinalabasan ng isinagawang pagsusuri at pagpapakahulugan sa mga datos na kinalap ng mga mananaliksik hinggil sa mga pangganyak na istratehiya ng mga guro sa pagtuturo ng Filipino. 1. Istratehiyang Pangganyak ng mga Guro sa Pagtuturo ng Filipino Inilahad sa sumusunod na talahanayan ang pagtataya ng mga guro at mag-aaral hinggil saistratehiyang pangganyak ng mga guro sa pagtuturo ng Filipino batay sa intrinsik na pagganyak at ekstrinsik na pagganyak.
- 14. 14 TANAUAN CITY INTEGRATEDHIGH SCHOOL Talahanayan 1.1 Pagtataya Hinggil sa Intrinsik o Internal na Pagganyak sa Pagtuturo ng Filipino Indikeytor Guro Mag-aaral Kabuuan M Pakahulugan M Pakahulugan M Pakahulugan 1. Pag-uugnay ng interes ng mag- aaral sa paksang aralin. 4.83 Laging Ginagawa 4.77 Laging Ginagawa 4.8 Laging Ginagawa 2. Pagpapakita ng kahalagahan ng paksang aralin. 4.67 Laging Ginagawa 4.73 Laging Ginagawa 4.7 Laging Ginagawa 3. Pag-alam sa paniniwala at saloobin ng mag-aaral sa mga aralin. 4.17 Madalas na Ginagawa 4.65 Laging Ginagawa 4.41 Laging Ginagawa 4. Pagbibigay linaw sa layunin ng aralin. 4.67 Laging Ginagawa 4.73 Laging Ginagawa 4.7 Laging Ginagawa 5. Pagbibigay ng pagkakataong makapamili ang mag-aaral hinggil sa kung ano at paaano nila nais matuto. 4.00 Madalas na Ginagawa 4.12 Madalas na Ginagawa 4.06 Madalas na Ginagawa 6. Pagbibigay ng pagkakataon sa mag-aaral na maipamalas ang mabuting ugnayan sa pagitan ng guo at mag-aaral. 4.50 Laging Ginagawa 4.58 Laging Ginagawa 4.54 Laging Ginagawa 7. Paglalahad ng aralin sa pamamagitan ng mga gawaing makahihikayat sa interes at emosyon ng mga mag-aaral. 4.50 Laging Ginagawa 4.69 Laging Ginagawa 4.60 Laging Ginagawa 8. Pag-uugnay ng aralin sa karanasan at buhay ng mga mag-aaral. 4.0 Madalas na Ginagawa 4.77 Laging Ginagawa 4.39 Laging Ginagawa 9. Pagbibigay ng pagkakataonsa bawat mag-aaral na mamuno sa mga gawain. 3.83 Madalas na Ginagawa 4.58 Laging Ginagawa 4.21 Laging Ginagawa 10. Pag-alam sa opinion ng mag-aaral tungkol sa mga gawaing higit na nakakaganyak sa kanila. 4.17 Madalas na Ginagawa 4.58 Laging Ginagawa 4.38 Laging Ginagawa *Legend: 4.21-5.00 – Laging Ginagawa; 3.41-4.20 – Madalas na Ginagawa; 2.61-3.40 – Ginagawa; 1.81-2.60 – Bahagyang Ginagawa; 1.00-1.80 – Hindi Ginagawa Matutunghayan sa Talahanayan 1.1 ang isinagawang pagtataya ng mga guro at mag-aaral hinggil sa paggamit ng intrinsik na pagganyak sa pagtuturo ng Filipino. Sang-ayon sa nabanggit na talahanayan at ayon sa pananaw ng mga guro at mag-aaral, ang mga indikasyon ng intrinsik na pagganyak sa pagtuturo ng Filipino katulad ng “pag-uugnay ng interes ng mag-aaral sa paksang aralin” (4.83, 4.77); “pagpapakita ng kahalagahan ng paksang aralin” (4.67, 4.73); “pagbibigay linaw sa layunin ng aralin” (4.67, 4.73); “ pagbibigay ng pagkakataon sa mag-aaral na maipamalas ang mabuting ugnayan sa pagitan ng guro at mag- aaral” (4.50, 4.58); “paglalahad ng aralin sa pamamagitan ng mga gawaing makahihikayat sa
- 15. 15 TANAUAN CITY INTEGRATEDHIGH SCHOOL interes at emosyon ng mag-aaral” (4.50, 4.69 ay laging ginagawa bilang pangganyak ng mga guro sa pagtuturo ng Filipino. Samantala, sang-ayon din sa dalawang pangkat ng tagasagot, ang indikasyon na nagsasaad ng pagbibigay ng pagkakataong makapamili ang mag-aaral hinggil sa kung ano at paano nila nais matuto” (4.00, 4.12) ay madalas na ginagawa blang pangganyak ng mga guro sa pagtuturo. Sa pananaw naman ng guro, ang mga sumusunod na indikasyon ay madalas na ginagawa bilang pagganyak: “pag-alam sa paniniwala at saloobin ng mag-aaral sa mga aralin” at “pag- alam sa opinyon ng mag-aaral tungkol sa mga gawaing higit na nakakaganyak sa kanila” (4.17); “pag-uugnay ng aralin sa karanasan at buhay ng mga mag-aaral” (4.0); “pagbibigay ng pagkakataon sa bawat mag-aaral na mamuno sa mga gawain” (3.83). Sa kabilang banda sa pananaw ng mga mag-aaral ang mga pagganyak tulad ng “pag-alam sa paniniwala at saloobin ng mag-aaral sa mga aralin” (4.65); “pag-uugnay ng aralin sa karanasan at buhay ng mga mag-aaral” (4.77); “pagbibigay ng pagkakataon sa bawat mag-aaral na mamuno sa mga gawain” at “pag-alam sa opinyon ng mag-aaral tungkol sa mga gawaing higit na nakakaganyak sa kanila” (4.17) ay lagi nilang ginagawa. Ang kabuuang mean ng mga indikasyong intrinsik na pagganyak katulad ng “pag-uugnay ng interes ng mag-aaral sa paksang aralin” (4.8); “pagpapakita ng kahalagahan ng paksang aralin” at “pagbibigay linaw sa layunin ng aralin” (4.7); pag-alam sa paniniwala at saloobin ng mag-aaral sa mga aralin” (4.41); “pagbibigay ng pagkakataon sa mag-aaral na maipamalas ang mabuting ugnayan sa pagitan ng guo at mag-aaral” (4.54); paglalahad ng aralin sa pamamagitan ng mga gawaing makahihikayat sa interes at emosyon ng mga mag-aaral” (4.60); “pag-uugnay ng aralin sa karanasan at buhay ng mga mag-aaral” (4.39); “pagbibigay ng pagkakataon sa bawat
- 16. 16 TANAUAN CITY INTEGRATEDHIGH SCHOOL mag-aaral na mamuno sa mga gawain” (4.21) at “pag-alam sa opinyon ng mag-aaral tungkol sa mga gawaing higit na nakakaganyak sa kanila” (4.38) ay laging ginagawa ng mga guro sa pagtuturo ng Filipino. Samantalang tanging ang indikasyon ng “pagbibigay ng pagkakataong makapamili ang mag-aaral hinggil sa kung ano at papaano nila nais matuto” (4.06) ang madalas na ginagawa. Sa pangkalahatan, mahalagang istratehiyang dapat gamitin ng mga guro sa pagtuturo ng Filipino ang mga nabanggit na intrinsik na laging ginagawa. Ang mga mag-aaral na may interes ay tiyak na makikibahagi sa mga talakayan sa klase. Higit din na mahihikayat ang mga mag-aaral sa mga paksang aralin kung nalalaman nila ang kahalagahan nito sa kanilang pang-araw-araw na pamumuhay at kung sa simula pa lamang ay malinaw na ang layunin ng aralin. Kailangang magkaroon ng mabuting ugnayan sa pagitan ng guro at mag-aaral sapagkat hindi matututo ang isang mag-aaral kung hindi maganda ang pagtingin niya sa kanyang guro at ang guro naman ay hindi din makapagtuturo nang maayos kung hindi bukal sa kanyang kalooban ang pagaalala niya sa kanyang mag-aaral. Gayundin mahalaga ang pagkapa ng guro sa emosyon ng kanyang mag- aaral upang matuto ang mga ito ng hindi na kailangan pang pilitin. Kinakailangan din na may alam ang guro sa karanasan at buhay ng mag-aaral. Makikilala ng mga guro ang kanilang mag- aaral kung aalamin nila ang karanasan ng mga ito na maiuugnay naman sa mga aralin. Mahalaga din na maitama ng guro ang paniniwala at saloobin ng mga mag-aaral sa mga aralin upang maiwasan ang kanilang kawalan ng ganang mag-aaral. Ang pagbibigay ng pagkakataon sa mga mag-aaral na namumuno sa mga gawain at pagbibigay ng mga gawaing higit na nakahihikayat sa kanila ay makapagpapataas ng tiwala nila sa sarili at makapagdudulot sa kanila ng kakaibang ligaya. Sa pamamagitan ng lahat ng intrinsic na pagganyak na nabanggit, ang pagkamit sa pagkatuto ng mag-aaral ay madali ng makakamit.
- 17. 17 TANAUAN CITY INTEGRATEDHIGH SCHOOL Sa kabilang banda ang indikasyon nabanggit na madalas na ginagawa ay napakahalaga din naman na pagtuunan ng pansin at laging gawin tulad ng pagbibigay ng pagkakataon ng mga guro sa mga mag-aaral na makapamili ng paraan kung paano nila nais matuto sapagkat higit kaninoman, ang mga mag-aaral ang nakaaalam ng nais nila. Kailangan lamang na hayaan ng mga guro ang mga mag-aaral na maging mapanaliksik, mapanuri at makiisa sa kapwa nila mag-aaral. Sang-ayon ang kinalabasan ng pagsusuri sa pag-aaral na ginawa ni Chan et.al. (2015) na ang intrinsik na motibasyon ay may tuwirang positibong impluwensya sa akademikong pag- unlad ng mga mag-aaral. Lumalabas din na ang pagsisikap ng guro sa pagpapataas ng antas ng pagganyak sa mag-aaral ay dapat lamang matumbasan ng magandang perpormans ng mga ito. Dagdag pa dito, dapat na gamitin ng guro sa lahat ng pagkakataon ang intrinsik na motibasyon sa lalo pang pagkatuto ng mga mag-aaral. Gayundin ang pahayag sa resulta ng pananaliksik ni Lepper (2010) na may positibong ugnayan sa pagitan ng inrinsik na motibasyon at perpormans ng mga mag-aaral kaya’t dapat na gamitin ng mga guro ang intrinsik na motibasyon sa pagganyak sa mga mag-aaral. Talahanayan 1.2 Pagtataya ng mga Tagasagot Hinggil sa Ekstrinsik o Eksternal na Pagganyak sa Pagtuturo ng Filipino Indikeytor Guro Mag-aaral Kabuuan M Pakahulugan M Pakahulugan M Pakahulugan 1. Paggamit ng mga makabagong kagamitang instraksyunaltulad ng telebisyon, prodyektor, kompyuter at iba pang makabagong teknolohiya sa pagtuturo. 3.33 Ginagawa 3.69 Madalas na Ginagawa 3.51 Madalas na Ginagawa 2. Pagsasaayos ng silid na nakakaakit sa paningin ng mga mag-aaral. 4.17 Madalas na Ginagawa 4.08 Madalas na Ginagawa 4.13 Madalas na Ginagawa 3. Pagsasabing mga positibong puna/pidbaksa mag-aaral. 4.17 Madalas na Ginagawa 4.31 Laging Ginagawa 4.24 Laging Ginagawa 4. Pagbibigay ng wastong disiplina sa mga mag-aaral. 4.50 Laging Ginagawa 4.58 Laging Ginagawa 4.54 Laging Ginagawa
- 18. 18 TANAUAN CITY INTEGRATEDHIGH SCHOOL 5. Pagbibigay ng pabuya o gantimpala tulad ng sertipiko o plake ng pagkilala sa perpormans ng mag-aaral. 3.83 Madalas na Ginagawa 3.69 Madalas na Ginagawa 3.76 Madalas na Ginagawa 6. Pagbibigay ng mga gawaing kawili-wili na naaangkop sa aralin 4.17 Madalas na Ginagawa 4.54 Laging Ginagawa 4.36 Laging Ginagawa 7. Paglalarawan at pagpili ng mga batang huwaran sa pag-aaral. 4.00 Madalas na Ginagawa 4.19 Madalas na Ginagawa 4.10 Madalas na Ginagawa 8. Paggamit ng mga istratehiya sa pagtuturo na pampukaw sa interes ng mga bata gaya ng paligsahan,laro, pagsasadula at iba pa. 4.17 Madalas na Ginagawa 4.35 Laging Ginagawa 4.26 Laging Ginagawa 9. Paggamit ng mga mapanghikayat o magagandang pananalita bilang papuri samga magaaral 4.33 Laging Ginagawa 4.65 Laging Ginagawa 4.49 Laging Ginagawa 10. Pagbibigay ng karampatang marka sa ebalwasyon. 4.50 Laging Ginagawa 4.69 Laging Ginagawa 4.60 Laging Ginagawa *Legend: 4.21-5.00 – Laging Ginagawa; 3.41-4.20 – Madalas na Ginagawa; 2.61-3.40 – Ginagawa; 1.81-2.60 – Bahagyang Ginagawa; 1.00-1.80 – Hindi Ginagawa Matutunghayan sa Talahanayan 1.2 ang isinagawang pagtataya ng mga guro at mag-aaral hinggil sa paggamit ng ekstrinsik o eksternal na pagganyak sa pagtuturo ng Filipino. Sang-ayon sa nabanggit na talahanayan at ayon sa pananaw ng mga guro at mag-aaral, ang mga indikasyon kagaya ng “pagbibigay ng wastong disiplina sa mag-aaral” (4.50, 4.50); “paggamit ng mga mapanghikayat o magagandang pananalita bilang papuri sa mga mag-aaral” (4.33, 4.65) at “pagbibigay ng karampatang marka sa ebalwasyon” (4.50, 4.69) ay tinatayang laging ginagawa. Samantala, ayon din sa dalawang grupo ng tagasagot, ang mga indikasyon kagaya ng “pagsasaayos ng silid na nakaakit sa paningin ng mga mag-aaral “(4.17, 4.08); “pagbibigay ng pabuya o gantimpala tulad ng sertipiko o plake ng pagkilala sa perpormans ng mag-aaral” (3.50, 3.46) at paglalarawan at pagpili ng mga batang huwaran sa pag-aaral” (4.00, 4.12) ay madalas na ginagawa. Sang-ayon sa mga guro, madalas din na ginagawa ang indikasyon na nagsasaad na “pagsasabi ng mga positibong puna/pidbak sa mag-aaral”, “pagbibigay ng mga gawaing kawili-
- 19. 19 TANAUAN CITY INTEGRATEDHIGH SCHOOL wili na naaangkop sa aralin” at “paggamit ng mga istratehiya sa pagtuturo na pampukaw sa interes ng mga bata gaya ng paligsahan, laro, pagsasadula at iba pa” (4.17). Sa bahagi naman ng mga mag-aaral, binigyang pananaw nila na laging ginagawa ang indikasyong “pagbibigay ng mga gawaing kawili-wili na naaangkop sa aralin” (4.54); “paggamit ng mga istratehiya sa pagtuturo na pampukaw sa interes ng mga bata gaya ng paligsahan, laro, pagsasadula at iba pa” (4.35); at “pagsasabi ng mga positibong puna/pidbak sa mag-aaral” (4.31). Ang kabuuang mean ng mga indikasyong ekstrinsik o eksternal na pangganyak katulad ng “pagsasabi ng mga positibong puna/pidbak sa mag-aaral” (4.24); “pagbibigay ng wastong disiplina sa mga mag-aaral” (4.54), “pagbibigay ng mga gawaing kawili-wili na naaangkop sa aralin” (4.36); “paggamit ng mga istratehiya sa pagtuturo na pampukaw sa interes ng mga bata gaya ng paligsahan, laro, pagsasadula at iba pa” (4.26); “paggamit ng mga mapanghikayat o magagandang pananalita bilang papuri samga mag-aaral” (4.49) at “pagbibigay ng karampatang marka sa ebalwasyon” (4.60) ay laging ginagawa. Samantalang ang kabuuang mean ng mga indikasyong ekstrinsik o eksternal na pangganyak katulad ng “paggamit ng mga makabagong kagamitang instraksyunal tulad ng telebisyon, prodyektor, kompyuter at iba pang makabagong teknolohiya sa pagtuturo” (3.51); “pagsasaayos ng silid na nakakaakit sa paningin ng mga mag- aaral” (4.13); “pagbibigay ng pabuya o gantimpala tulad ng sertipiko o plake ng pagkilala sa perpormans ng mag-aaral” (3.76) at paglalarawan at pagpili ng mga batang huwaran sa pag- aaral” (4.10) ay madalas na ginagawa. Sa pangkalahatan ang mga ekstrinsik na pagganyak na may kabuuang pakahulugan na laging ginagawa ay mahalagang gamitin upang maganyak ang mga mag-aaral. Tinutumbasan ng marka o grado ang ipinapakitang perpormans ng mga mag-aaral sa bawat aralin. Ang pabibigay naman ng positibong puna o pidbak sa mag-aaral lalong lalo na ang magagandang pananalita at
- 20. 20 TANAUAN CITY INTEGRATEDHIGH SCHOOL papuri ay nakapagdudulot sa kanila ng saya at kagustuhan na lalo pang pagbutihin ang kanilang ginagawa sa susunod. Kung didisiplinahin naman ang mag-aaral ay mahalagang isaalang-alang ang karapatan ng bawat mag-aaral. Mahigpit na ipinagbabawal ang pagpaparusa sa pagdidisiplina sa mga mag-aaral. Upang higit na mahikayat ang mga mag-aaral kinakailangang kawili- wili ang mga gawain at ginagamitan ng mga guro ng istratehiya sa pagtuturo na pumupukaw sa interes ng mga bata gaya ng paligsahan, laro, pagsasadula at iba pa. Ito ay nangangahulugan na magkaiba ang pagtingin ng mag-aaral at guro hinggil sa paggamit ng mga eksternal na pangganyak. Para sa mga mag-aaral ang mga ekstrinsik na pangganyak ay mahalagang gamitin sa pagtuturo ng Filipino katulad ng paggamit ng intrinsik na pagganyak. Samantalang salungat dito ang paniniwala ng guro na madalas lamang na ginagawa ang ekstrinsik na pagganyak. Ayon naman sa kinalabasan ng pag-aaral ni Onate (2009) sa kanyang pag-aaral mas mainam gamitin ang ekstrinsik na pagganyak kaysa sa intrinsik na pagganyak sapagkat mas nahihikayat ng mga guro ang mga mag-aaral sa pamamagitan ng pagbibigay ng karampatang marka o grado, pag-eeksibit ng mahuhusay na gawa, pagbibigay ng karangalan gayundin ang pagbibigay ng materyal na reward. 2. Makabuluhang Pagkakaiba sa Pagtataya ng Guro at Punongguro Kaugnay sa Istratehiyang Pangganyak ng mga Guro sa Pagtuturo ng Filipino. Matutunghayan sa susunod na talahanayan ang kinalabasan ng pagsusuri hinggil sa makabuluhang pagkakaiba sa pagtataya ng mga guro at mag-aaral kaugnay sa istratehiyang pangganyak ng mga guro sa pagtuturo ng Filipino. Talahanayan 2 Palalahad ng Pagsusuri sa Makabuluhang Pagkakaiba Hinggil sa Pagtataya ng Guro at Mag-aaral Motibasyon Guro Mag-aaral Kabuuan M Pakahulugan M Pakahulugan M Pakahulugan
- 21. 21 TANAUAN CITY INTEGRATEDHIGH SCHOOL Intrinsik o Internal na Pagganyak 4.33 Laging Ginagawa 4.62 Laging Ginagawa 4.48 Laging Ginagawa Ekstrinsik o Eksternal na Pagganyak 4.12 Madalas na Ginagawa 4.28 Laging Ginagawa 4.20 Madalas na Ginagawa Kabuuang mean 4.23 Laging Ginagawa 4.45 Laging Ginagawa 4.34 Laging Ginagawa Isinasaad sa talahanayan 2 ang palalahad ng pagsusuri hinggil sa makabuluhang pagkakaiba sa pagtataya ng mag-aaral at guro sa kanilang pananaw sa pagganyak sa pagtuturo ng Filipino. Sang-ayon sa nabanggit na talahanayan, makikita na walang pagkakaiba sa pananaw ng guro at mag-aaral hinggil sa intrinsik o internal na pagganyak sa pagtuturo ng Filipino Sa kabilang dako, mayroon namang pagkakaiba sa pananaw ng guro at mag-aaral hinggil sa ekstrinsik o eksternal na pagganyak sa pagtuturo ng Filipino Sang-ayon sa kinalabasan ng pagsusuri, naging magkaiba ang pananaw ng guro at mag-aaral hinggil sa paggamit ng ekstrinsik o eksternal na pagganyak sa pagtuturo ng Filipino. Ito ay nangangahulugan na magkaiba ang karanasan ng guro at mag-aaral sa paggamit ng naturang baryante. Ang mag-aaral bilang aktuwal na nakakaranas ng sitwasyon ay higit na makapagsasabi ng kadalasan ng paggamit ng ekstrinsik o eksternal na pagganyak na ginagamit ng kanilang guro sa pagtuturo ng Filipino. Kailangang mapaunlad pa ng mga guro ang mga istratehiyang pangganyak tulad ng intrinsik at ekstrinsik sapagkat nakatutulong ito sa patuloy na pagpapataas ng perpormans ng mga mag-aaral. Tulad ng rekomendasyon ni Onate (2009) na kailangan ang palagiang pagganyak ng mga guro sa pang-araw-araw na aralin gayundin ang pag-oobserba ng mga
- 22. 22 TANAUAN CITY INTEGRATEDHIGH SCHOOL punungguro sa epektibong paggamit ng mga guro sa mga istratehiyang pangganyak. Kailangan din ang paggabay ng mga punungguro sa mga guro upang makakabuo ng iba’t ibang istratehiyang pagganyak na makapagpapataas sa perpormans ng mga mag-aaral. 3. Paglalahad ng Antas ng Perpormans ng mga Mag-aaral sa Asignaturang Filipino Talahanayan 3 Antas ng Perpormans ng mga Mag-aaral sa Asignaturang Filipino Scale Diwang Katumbas Frequency % 90 pataas Sumulong sa Pagkatuto ( Advance ) 0 0 85-89 May Kinatututunan ( Proficient ) 1 33.33 80-84 Pasapit sa Pagkatuto ( Approching Proficiency ) 2 66.67 75-79 Pausad sa Pagkatuto ( Developing ) 0 0 74 pababa Pasimula ng Pagkatuto ( Beginning ) 0 0 Kabuuan 3 100 Matutunghayan sa talahanayan 3 ang paglalahad ng perpormans ng mga mag-aaral sa asignaturang Filipino batay sa kanilang nakuhang marka. Ang nakasaad na marka o grado ng mga mag-aaral sa nabanggit na talahanayan ay nakabatay sa pangkalahatang marka ng lahat ng mag-aaral na nasa ilalim ng pamamatnubay ng bawat isang guro. Sang-ayon sa nabanggit na talahanayan, ang mga mag mag-aaaral ng asignaturang Filipino sa ilalim ng dalawang (2) guro ay may markang 80 hanggang 84. Dahil dito, masasabi na ang kani-kanilang mga sakop na mag-aaral ay pasapit sa pagkakatuto. Samatala, isang guro lamang ang nagpapakita na ang kanyang mga mag-aaral ay may markang 85 hanggang 89. Ito ay nangangahulugan na ang kanyang mga mag-aaral ay may kinatutuhan. Ang kinalabasang ito ng pagsusuri ay nangangahulugan na ang ibayong pagsusumikap sa pagitan ng guro at mag-aaral ay nagpapabuti ng antas ng markahan sa
- 23. 23 TANAUAN CITY INTEGRATEDHIGH SCHOOL asignaturang Filipino. Ang paghahanap ng mga guro ng iba pang istratehiyang pampagtuturo na magagamit upang lalo pang mahikayat ang magaaral na mapataas ang kanilang perpormans sa Filipino ay napakahalaga. Ang ekstrinsik at inrinsik na pangganyak ay may mahalagang papel sa pagpapataas ng perpormans ng mga mag-aaral kaya’t nararapat na pagsumikapan ng mga guro ang wastong paggamit ng mga ito. Batay ito sa paniniwala nina Fives and Manning (2014) na ang makabuluhang paggamit ng mga istratehiya sa pagganyak ay direktang nakakaapekto at nakapagpapataas ng akademikong perpormans ng mga magaaral. Kaugnay nito iminungkahi na gamitin ng mga guro ang mga pagganyak na istratehiya sa pinakaepektibong pamamaraan. 4. Pagtataya Hinggil sa Makabuluhang Kaugnayan ng Istratehiyang Pangganyak ng mga Guro sa Pagtuturo at ng Perpormans ng mga Mag-aaral Inilahad sa susunod na talahanayan ang kinalabasan ng pagtataya hinggil sa makabuluhang kaugnayan ng istratehiyang pangganyak ng mga guro sa pagtuturo sa perpormans ng mga mag-aaral sa asignaturang Filipino. Talahanayan 4: Pagtataya sa Hinuha Hinggil sa Makabuluhang Ugnayan sa Pagitan ng Istratehingyang Pangganyak sa Pagtuturo at Perpormans ng mga Mag-aaral Isinasaad sa talahanayan 4 ang kinalabasan ng pagtataya hinggil sa ugnayan sa pagitan ng istratehiyang pangganyak sa pagtuturo at perpormans ng mga mag-aaral. Baryante Pearson r r Pakahulugan Makabuluhang Kaugnayan ng Performans ng mga Mag-aaralat ng.. Intrinsik o internal na pagganyak sa pagtuturo ng Filipino -0.054 Mayroong napakaliit na salungat na ugnayan Ekstrinsik o eksternal na pagganyak sa pagtuturo ng Filipino 0.343 Mayroong maliit na tiyak na ugnayan
- 24. 24 TANAUAN CITY INTEGRATEDHIGH SCHOOL Sang-ayon sa nabanggit na talahanayan, mayroong napakaliit na salungat na ugnayan sa pagitan ng intrinsik o internal na pagganyak sa pagtuturo ng Filipino, subalit mayroong maliit na tiyak na ugnayan sa pagitan ng ekstrinsik o eksternal na pagganyak sa pagtuturo ng Filipino. Kung kaya’t reject o hindi tinatanggap ang haypotesis. Batay sa kinalabasan ng mga pagsusuri, ang dalawang uri ng pagganyak sa mag-aaral ay nagbigay ng magkaibang epekto sa perpormans ng mga bata. Masasabi na ang kawalang epektibo ng paggamit ng intrinsik o internal na pangganyak ang siyang dahilan kung bakit mababa ang naging perpormans ng mga mag-aaral sa Filipino. Sang-ayon ito sa pag-aaral ni Brown (2011) na nabanggit sa kabanata 2 na madalas na isinasaalang-alang ng mga edukador ang paggamit ng eksternal na pagganyak tulad ng pagkontrol, superbisyon o pagsubaybay at ebalwasyon bilang gantimpala o parusa habang nagtuturo upang matiyak ang pagkatututo ng mga mag-aaral. Ang ganitong paniniwala ay nagiging balakid sa ilang edukador lalo’t higit sa mga guro na naniniwalang ang antas ng pagganyak ay mas mapatataas sa pamamagitan ng eksternal na pamamaraan kaysa sa pagpapanatili ng interes ng mag-aaral sa kanilang pinag-aaralan. Sa ganitong kondisyon, ang kasiyahan, kasiglahan, at interes sa pagkatuto ay napapalitan ng pagkabahala, pagkabagot at kawalan ng interes sa aralin dahil na rin ito sa pag-asa ng mag-aaral sa eksternal na motibasyon tulad ng insentibo/gantimpala. Kapag nawala na ang interes ng mag-aaral, dito pumapasok ang paggamit ng mga guro ng iba‟t-ibang uri ng eksternal na pagganyak. Humihina ang paggamit ng intrinsik na pagganyak sa paniniwala ng mga guro na mas mabilis mahikayat ang mag-aaral kung eksternal na pagganyak ang gagamitin nila.
- 25. 25 TANAUAN CITY INTEGRATEDHIGH SCHOOL 5. Mungkahi Ukol sa Planong Gawain (Action Plan) ng mga Guro sa Pagtuturo ng Filipino Talahanayan 5: Planong Gawain ng (Action Plan) ng mga Guro sa Pagtuturo ng Filipino Tampulan Layunin Gawain Kasangkot Takdang Pagbabalangkas Pagmumulan ng Gugugulin Tanda ng Katagumpayan Intrinsik Pagbibigay ng pagkakataong makapamili ang mag-aaral hinggil sa kung ano at paaano nila nais matuto. Peer/Focus Group Discussion --Guro sa Filipino -Mag-aaral Unang araw ng pagtuturo ng bawat paksang aralin sa Filipino sa buong Taong Panuruan Ang bawat mag-aaral ay nakikilahok sa group discussion at nakapagpapahayag ng kanilang saloobin hinggil sa kung ano at paaano nila nais matuto. Pagbibigay ng pagkakataon sa bawat mag-aaral na mamuno sa mga gawain Leadership Training Program (LTP) para sa mga mag-aaral -Resource Speaker -Punongguro -Guro sa Filipino Mag-aaral Pagkatapos ng unang markahan Voluntary Contribution Filipino Club Fund Ang 100% ng mga mag- aaral ay nakadalo sa LTP at natutunan ang paraan ng pamumuno sa mga gawain Pag-alam sa opinyon ng mag-aaral tungkol sa mga gawaing higit na nakagaganyak sa kanila Peer/Focus Group Discussion -Guro sa Filipino -Mag-aaral Unang araw ng pagtuturo sa bawat Linggo ng buong Taong Panuruan MOOE Ang bawat mag-aaral ay nakikilahok sa group discussion at nakapagpapahayag ng kanilang saloobin hinggil sa mga gawaing higit na nakagaganyak sa kanila Ekstrinsik Paggamit ng makabagong kagamitang instruksyunal Pagdaragdag ng TV set at projector sa mga silid-aralan Property Custodian PTA Officers Bago magsimula ang Taong panuruan (2019- 2020) MOOE PTA Fund Ang lahat ng silid-aralan ay nabigyan ng TV set o projector. Paglalarawan at pagpili ng mga batang huwaran sa pag-aaral. Pagagawad ng sertipiko sa mga huwaran mag-aaral sa Filipino sa oras ng flag ceremony tuwing pagkatapos ng bawat markahan at tuwing recognition day Punong Guro Guro Mag-aaral Pagkatapos ng bawat markahan at recognition day MOOE Filipino Club Fund Napili at nabigyang pagkilala ang mga natatanging mag-aaral sa Filipino. Pagbibagay ng pabuyao gantimpala bilang pagkilala sa perpormans ng mag- aaral Pagkakaloob ng simpleng pagkilala (token o sertipiko) sa mag-aaral sa loob ng silid-aral sa bawat Linggo Punong Guro Guro ng Filipino Mag-aaral Buong Taong Panuruan MOOE Napagkalooban ng gantimpala ang mga nararapat na mga mag- aaral
- 26. 26 TANAUAN CITY INTEGRATEDHIGH SCHOOL Ang nabanggit na talahanayan ay hinati sa dalawang tampulan, ang pamamaraang intrinsik o internal at ekstrinsik o eksternal. Sa ilalim ng pamamaraan intrinsik o internal, ang unang layunin ay pagbibigay ng pagkakataong makapamili ang mag-aaral hinggil sa kung ano at paaano nila nais matuto. Iminumungkahi dito ang Peer/Focus Group Discussion kung saan kasangkot sa pagpapatupad nito ang mga guro sa Filipino at mga mag-aaral. Ito ay gagawin sa unang araw ng pagtuturo ng bawat paksang aralin sa Filipino sa buong Taong Panuruan. Ang tanda ng katagumpayan ng layunin ay kung ang bawat mag-aaral ay nakilahok sa group discussion at nakapagpahayag ng kanilang saloobin hinggil sa kung ano at paaano nila nais matuto. Ang ikalawang layunin ay ang pagbibigay ng pagkakataon sa bawat magaaral na mamuno sa mga gawain. Hinggil dito, iminumungkahi ang “Leadership Training Program” (LTP) para sa mga mag-aaral. Kasangkot sa gawain ito ang Resource Speaker, Punongguro, Guro ng Filipino at mga mag-aaral. Ito ay gagawin pagkatapos ng unang markahan ng kasalukuyang taong panuruan. Ang pondong gugugulin ay magmumula sa voluntary contribution ng mga mag-aaral at sa pondo ng Filipino Club. Ang tanda ng katagumpayan ay mababatid kung ang mga magaaral ay nakadalo sa LTP at natutunan ang paraan ng pamumuno sa mga gawain. Sa ikatlong layunin o ang pag-alam sa opinyon ng mag-aaral tungkol sa mga gawaing higit na nakagaganyak sa kanila, iminumungkahi ang pamamaraang “Peer/Focus Group Discussion”. Ito ay gagampanan ng guro ng Filipino at ng mga mag-aaral. Ito ay isasagawa sa unang araw ng pagtuturo sa bawat Linggo (weekly) ng buong Taong Panuruan. Ang mga materyales kagaya ng papel at photocopy ay kukunin mula sa MOOE. Ang tanda ng katagumpayan ay mababatid kung ang bawat mag-aaral ay nakikilahok sa group discussion at nakapagpapahayag ng kanilang saloobin.
- 27. 27 TANAUAN CITY INTEGRATEDHIGH SCHOOL Samantala, sa ilalim ng pamamaraang ekstrinsik, sa unang layunin na paggamit ng makabagong kagamitang instrusyunal, iminungkahi ang pagdaragdag ng telebisyon at projector sa mga silid-aralan bago magsimula ang Taong Panuruan 2019-2020. Maaaring gugulin ang pondo mula sa PTA Fund o sa MOOE. Sa ikalawang layunin ukol sa paglalarawan at pagpili ng mga batang huwaran sa pag- aaral, iminumungkahi ang pagagawad ng sertipiko sa mga huwaran mag-aaral sa Filipino sa oras ng flag ceremony tuwing pagkatapos ng bawat markahan at tuwing recognition day. Ang laang- gugugulin ay magmumula sa MOOE o kaya naman sa pondo ng Filipino Club. Sa ikatlong layunin na nagsasaad ng pagbibagay ng pabuya o gantimpala bilang pagkilala sa perpormans ng mag-aaral pagkakaloob ng simpleng pagkilala sa mag-aaral sa loob ng silid- aral sa bawat linggo. Ito ay isasagawa sa buong Taong Panuruan at ang laang guguggulin ay magmumula sa MOOE. V. PAGLALAGOM, KONKLUSYON AT REKOMENDASYON Paglalagom Ang mga sumusunod ay ang lagom ng kinalabasan ng pagsusuri batay sa kinalabasan ng pag- aaral. 1. Hinggil sa Istratehiyang Pangganyak ng mga Guro sa Pagtuturo ng Filipino Hinggil sa istratehiyang intrinsik o internal na pangganyak ng mga guro sa pagtuturo ng Filipino, ang kabuuang mean ng mga indikasyon katulad ng “paguugnay ng interes ng mag-aaral sa paksang aralin” (4.8); “pagpapakita ng kahalagahan ng paksang aralin” (4.7); “pag-alam sa paniniwala at saloobin ng magaaral sa mga aralin” ( 4.41); “pagbibigay linaw sa layunin ng aralin” (4.7); “pagbibigay ng pagkakataon sa mag-aaral na maipamalas ang mabuting ugnayan sa
- 28. 28 TANAUAN CITY INTEGRATEDHIGH SCHOOL pagitan ng guro at mag-aaral” (4.54); “paglalahad ng aralin sa pamamagitan ng mga gawaing makahihikayat sa interes at emosyon ng mag-aaral” (4.6); “paguugnay ng aralin sa karanasan at buhay ng mag-aaral” (4.39); “pagbibigay ng pagkakataon sa bawat mag-aaral na mamuno sa mga gawain” (4.21) at “pag-alam sa opinyon ng mag-aaral tungkol sa mga gawaing higit na nakagaganyak sa kanila” (4.38) ay laging ginagawa bilang pagganyak ng mga guro sa pagtuturo ng Filipino. Hinggil sa istratehiyang ekstrinsik o eksternal na pangganyak ng mga guro sa pagtuturo ng Filipino, ang kabuuang mean ng mga indikasyon kagaya ng “pagsasabi ng mga positibong puna/pidbak sa mag-aaral” (4.24); “pagbibigay ng wastong disiplina sa mga mag-aaral” (4.54), “pagbibigay ng mga gawaing kawili-wili na naaangkop sa aralin” (4.36); “paggamit ng mga istratehiya sa pagtuturo na pampukaw sa interes ng mga bata gaya ng paligsahan, laro, pagsasadula at iba pa” (4.26); “paggamit ng mga mapanghikayat o magagandang pananalita bilang papuri samga mag-aaral” (4.49) at “pagbibigay ng karampatang marka sa ebalwasyon” (4.60) ay laging ginagawa. Samantalang ang kabuuang mean ng mga indikasyong ekstrinsik o eksternal na pangganyak katulad ng “paggamit ng mga makabagong kagamitang instraksyunal tulad ng telebisyon, prodyektor, kompyuter at iba pang makabagong teknolohiya sa pagtuturo” (3.51); “pagsasaayos ng silid na nakakaakit sa paningin ng mga mag-aaral” (4.13); “pagbibigay ng pabuya o gantimpala tulad ng sertipiko o plake ng pagkilala sa perpormans ng mag-aaral” (3.76) at paglalarawan at pagpili ng mga batang huwaran sa pag-aaral” (4.10) ay madalas na ginagawa. 2. Hinggil sa Pagkakaiba sa Pagtataya ng Mag-aaral at Guro Kaugnay sa Istratehiyang Pangganyak ng mga Guro sa Pagtuturo ng Filipino
- 29. 29 TANAUAN CITY INTEGRATEDHIGH SCHOOL Walang pagkakaiba sa pananaw ng guro at mag-aaral hinggil sa intrinsik o internal na pagganyak sa pagtuturo ng Filipino, samantalang mayroon namang pagkakaiba sa pananaw ng guro at mag-aaral hinggil sa ekstrinsik o eksternal na pagganyak sa pagtuturo ng Filipino. 3. Hinggil sa Paglalahad ng Antas ng Perpormans ng mga Mag-aaral sa Asignaturang Filipino Ang mag mag-aaral ng asignaturang Filipino sa ilalim ng dalawang (2) guro ay may markang 80 hanggang 84. Dahil dito, masasabi na ang kani-kanilang mga sakop na mag-aaral ay pasapit sa pagkakatuto. Samatala, isang guro lamang ang nagpapakita na ang kanyang mag-aaral ay may markang 85 hanggang 89. Ito ay nangangahulugan na ang kanyang mga mag-aaral ay may kinatutuhan. 4. Hinggil sa Pagtataya sa Kaugnayan ng Istratehiyang Pangganyak ng mga Guro sa Pagtuturo at ng Perpormans ng mga Mag-aaral Ang paggamit ng intrinsik o internal na pagganyak sa pagtuturo ng Filipino ay mayroong napakaliit na salungat na ugnayan sa performans ng mga mag-aaral batay sa r value na -0.054 samantalang ang paggamit ng ekstrinsik o eksternal na pagganyak sa pagtuturo ng Filipino ay mayroong maliit na tiyak na ugnayan sa performans ng mga mag-aaral batay sa r value na 0.343. Dahil dito, ang hinuha ay hindi tinatanggap (reject). 5. Hinggil sa Mungkahi Ukol sa Planong Gawain (action plan) ng mga Guro sa Pagtuturo ng Filipino Ang nabuong Action Plan ay hinati sa dalawang tampulan, ang pamamaraang intrinsik o internal at ekstrinsik o eksternal.
- 30. 30 TANAUAN CITY INTEGRATEDHIGH SCHOOL Sa ilalim ng pamamaraan intrinsik o internal, ang unang layunin ay ang pagbibigay ng pagkakataong makapamili ang mag-aaral hinggil sa kung ano at paaano nila nais matuto. Iminumungkahi dito ang pagsasagawa ng peer/focus group discussion. Ang ikalawang layunin ay ang pagbibigay ng pagkakataon sa bawat mag-aaral na mamuno sa mga gawain. Hinggil dito, iminumungkahi ang “Leadership Training Program” (LTP) para sa mga mag-aaral. Sa ikatlong layunin o ang pag-alam sa opinyon ng mag-aaral tungkol sa mga gawaing higit na nakagaganyak sa kanila, iminumungkahi ang pamamaraang Peer/Focus Group Discussion. Sa ilalim ng pamamaraan ekstrinsik o eksternal, ang unang layunin ay paggamit ng makabagong kagamitang instrusyunal. Iminungkahi ang paglalagay ng telebisyon at projector sa mga silid- aralan. Sa ikalawang layunin ukol sa paglalarawan at pagpili ng mga batang huwaran sa pag- aaral, iminumungkahi ang pagagawad ng sertipiko sa mga huwaran mag-aaral sa Filipino sa oras ng flag ceremony tuwing pagkatapos ng bawat markahan at tuwing recognition day. Sa ikatlong layunin na nagsasaad ng pagbibagay ng pabuya o gantimpala bilang pagkilala sa perpormans ng mag-aaral, pagkakaloob ng simpleng pagkilala sa mag-aaral sa loob ng silid-aralan sa bawat lingo. Konklusyon Isinasaad sa mga sumusunod na pangugusap ang konklusyon na binuo ng mananaliksik batay sa kinalabasan ng pagsusuri. 1. Na ayon sa mga guro at mga mag-aaral ang paggamit ng intrinsik o internal na pagganyak sa pagtuturo ng Filipino ay higit na nakapagpapalabas ng interes ng mag-aaral sa Filipino at mas nakikilala ng mga mag-aaral ang kanilang likas na talino at kakayahan kaysa paggamit ng ekstrinsik na pagganyak.
- 31. 31 TANAUAN CITY INTEGRATEDHIGH SCHOOL 2. Na magkaiba ang pananaw ng mga guro at mga mag-aaral hinggil sa paggamit ng ekstrinsik na pagganyak sa pagtuturo ng Filipino. Ito ay nangangahulugan na magkaiba ang karanasan ng mga guro at mga mag-aaral sa paggamit ng naturang baryante. Ang mag-aaral bilang aktuwal na nakakaranas ng sitwasyon ay higit na makapagsasabi ng kadalasan ng paggamit ng ekstrinsik o eksternal na pagganyak sa pagtuturo ng Filipino. 3. Na ang mga mag-aaaral ng asignaturang Filipino sa ilalim ng mas nakahihigit na bilang ng mga guro ay sakop ng markang pasapit sa pagkakatuto (approaching profeciency). Ito ay nangangahulugan na ang ibayong pagsusumikap sa pagitan ng guro at mag-aaral ay nagpapabuti ng antas ng markahan sa asignaturang Filipino. 4. Na ang dalawang uri ng pagganyak sa mag-aaral ay nagbigay ng magkaibang epekto sa perpormans ng mga bata. Masasabi na ang kawalang epektibo ng paggamit ng intrinsik o internal na pangganyak ang siyang dahilan kung bakit hindi gaanong mataas ang naging perpormans ng mga mag-aaral sa Filipino. 5. Na ang mananaliksik ay naglahad ng mungkahi ukol sa planong gawain ng mga guro sa pagtuturo ng Filipino. Ang planong gawaing ito ay inaasahang makatutulong sa pagpapataas ng perpormans ng mga mag-aaral sa Filipino. Rekomendasyon Ang mga sumusunod ay ang presentasyon ng mga rekomendasyon ng manananaliksik batay sa kinalabasan ng pagsusuri: 1. Dapat mapanatili o mapaunlad pa ng mga guro ng Filipino ang paggamit ng istratehiyang intrinsik at ekstrinsik bilang pangganyak sa mga mag-aaral. Gayundin ang paggamit ng iba’t ibang pamamaraan ng pagtuturo na makagaganyak sa mag-aaral na makilahok tulad
- 32. 32 TANAUAN CITY INTEGRATEDHIGH SCHOOL ng paggamit ng mga sitwasyon o clue cards sa role playing, paghahanda ng mga gawaing aktuwal na ginagawa sa loob at labas ng paaralan o simulasyon (simulation), pagtitipon ng mga biswal tulad ng poster, anunsyo, mapa, tsart, grap, karikatura, movie page, programa sa telebisyon at dokumentaryo, paghahanda ng mga kawili-wiling laro sa pamamagitan ng powerpoint presentation at makabagong teknolohiya o paglalapat ng gamification. 2. Dapat na magkaroon ng iisang diwa ang guro at mag-aaral hinggil sa pagganyak. Ang mga guro ay dapat isaalang-alang ang nais na pamamaraan sa pagganyak ng mga mag- aaral. 3. Marapat na mabigyan ng pokus ng mga paaralan ang pagpapataas ng marka ng mag-aaral sa asignaturang Filipino sa pamamagitan pagsasagawa ng “Leadership Training Program” at “Peer/Focus Group Discussion” para sa mga mag-aaral; pagdaragdag ng telebisyon o projector, pagsasaayos o paglalagay ng mga pasilidad para sa pag-aaral ng mga bata at pagkakaloob ng gantimpala o parangal sa mga nararapat at natatanging mag- aaral sa Filipino. Ang lahat ng pamamaraan, pagtuklas at pag-aaral ay marapat na matuon sa pagpapataas ng interes ng mag-aaral sa bawat aralin ng nasabing asignatura. 4. Marapat na magkaroon ng isang mas malalim na pag-aaral hinggil sa paggamit ng intrinsik o internal na pamamaraan na pagganyak sa mag-aaral. Ang isang bagong pag- aaral ay dapat na hindi maging limitado sa asignaturang Filipino, dahil dito ay iminumungkahi ang comparative study. Dito ay lalong mababatid ng mananaliksik ang kaibahan ng paggamit ng nasabing paraan sa iba pang asignatura. 5. Lubos na iminumungkahi ng mananaliksik ang pagpapatupad ng planong gawain (action plan) ng mga guro sa pagtuturo ng Filipino na inilahad sa pag-aaral na ito.
- 33. 33 TANAUAN CITY INTEGRATEDHIGH SCHOOL IX. Talasanggunian Brown, K.W. (2011). Legislating competence: High-stakes testing policies and their relations with psychological theories and research‟, In A.J. Elliot and C.S. Dweck (eds.), Handbook of Competence and Motivation, pp. 354–72. New York: Guilford Publications. Burgos, Corazon T. (2001). Mga Suliranin sa Filipino ng mga Mag-aaral ng TET-LRT: Mga Sanhi at Kalikasan Chan, Kwok Wai et.al. (2015) “Relational Analysis of Intrinsic Motivation, Achievement Goals, Learning Strategies and Academic Achievement for Hongkong Secondary Students”, Hongkong Institute of Education The Asia Pacific Researcher 21:2 (2012), pp.230-243 Deci, Edward L. and Ryan, Richard M. (2000). Intrinsic and Extrinsik Motivations: Classic Definition and New Directions, University of Rochester @ 2000 Academic Press Contemporary Educational Psychology 25, 54-67 Fives, Helenrose and Manning, Dana K. (2014). Teacher’s Strategies for Student Engagement: Comparing Research to Demonstrated Knowledge” Texas Tech University, Paper presented at the 2005 Annual Meeting of the American Psychological Association, Washington DC
- 34. 34 TANAUAN CITY INTEGRATEDHIGH SCHOOL Fortunato, Teresita F. (2011). Pagtuturong Filipino na Nagsasaalang-alang sa Multiple Inteligences Geronimo, Jee Y. (2015). Filipino sa K to 12 curriculum: 'Hindi Masyadong Pinag-aralan Retrieved from: https://www.rappler.com/nation/102511-filipino- k12-curriculum- virgilio-almario Herzberg, Frederick et.al. (1959). The Motivation to Work (2nd Edition) New York Hogan, Milan M. (2013) Curriculum and Instructional Methods for the Elementary Schools, New York:Mc Millan Publishing Company Lepper, Mark R. (2010) “Intrinsic and Extrinsic Motivational Orientations in the Classroom: Age Differences and Academic Correlates”, Stanford University, Copyright 2005 by the American Psychological Association 2005, Vol. 97, No. 2, 184–196 0022 0663/05/$12.00 DOI: 10.1037/0022- 0663.97.2.184 Lucas, Maria Rita D. and Corpuz, Brenda B. (2013). Facilitating Learning: A Metacognitive Process, Philippines: Lorimar Publishing Inc. Montenegro, Candice (2010). Usapan sa Pinahusay na K+12 Batayang Programa sa Edukasyon” DepEd discussion paper, Philippine Education Research Journal Onate, Jasmin R. “Motivational Enhancers in Teaching Mathematics in Selected Public Elementary Schools in Calamba West: Its relation to Pupils Academic Perpormans” (Masteral Thesis, LCBA, 2009)
- 35. 35 TANAUAN CITY INTEGRATEDHIGH SCHOOL Villanueva, Volataire M. (2012). Wikang Filipino: Wikang Panlahat, Salalayan sa Pagtatamo ng Likas kayang Pag-unlad “Alinaya 2, Tomo 4 X. Apendiks Talatanungan Bilang isang guro ng asignaturang Filipino, alin sa mga istratehiyang pangganyak sa ibaba ang iyong ginagawa/ ginagamit sa pagtuturo? Panuto: Lagyan ng tsek ( / ) ang iyong sagot batay sa angkop na bilang sa ibaba: 5 laging ginagawa ( LG ) 4 madalas/ malimit ginagawa ( MG ) 2 bahagyang ginagawa ( BG ) 3 ginagawa (G ) 1 hindi ginagawa ( HG) A. INTRINSIK NA PAGGANYAK INDIKEYTOR 5 LG 4 MG 3 G 2 BG 1 HG 1. Pag-uugnay ng interes ng mag-aaral sa paksang aralin. 2. Pagpapakita ng kahalagahan ng paksang aralin. 3. Pag-alam sa paniniwala at saloobin ng mag-aaral sa mga aralin. 4. Pagbibigay linaw sa layunin ng aralin. 5. Pagbibigay ng pagkakataong makapamili ang mag-aaral hinggil sa kung ano at papaano nila nais matuto. 6. Pagbibigay ng pagkakataon sa mag-aaral na maipamalas ang mabuting ugnayan sa pagitan ng guro at mag-aaral. 7. Paglalahad ng aralin sa pamamagitan ng mga gawaing makahihikayat sa interes at emosyon ng mag-aaral. 8. Pag-uugnay ng aralin sa karanasan at buhay ng mag-aaral. 9. Pagbibigay ng pagkakataon sa bawat mag-aaral na mamuno sa mga gawain. 10. Pag-alam sa opinyon ng mag-aaral tungkol sa mga gawaing higit na nakagaganyak sa kanila. B. EKSTRINSIK NA PAGGANYAK INDIKEYTOR 5 LG 4 MG 3 G 2 BG 1 HG
- 36. 36 TANAUAN CITY INTEGRATEDHIGH SCHOOL 1. Paggamit ng mga makabagong kagamitang instraksyunal tulad ng telebisyon, prodyektor, kompyuter at iba pang makabagong teknolohiya sa pagtuturo. 2. Pagsasaayos ng silid na nakakaakit sa paningin ng mga magaaral. 3. Pagsasabi ng mga positibong puna/pidbak sa mag-aaral. 4. Pagbibigay ng wastong disiplina sa mga mag-aaral. 5. Pagbibigay ng pabuya o gantimpala tulad ng sertipiko o plake ng pagkilala sa perpormans ng mag-aaral. 6. Pagbibigay ng mga gawaing kawili-wili na naaangkop sa aralin 7. Paglalarawan at pagpili ng mga batang huwaran sa pag- aaral. 8. Paggamit ng mga istratehiya sa pagtuturo na pampukaw sa interes ng mga bata gaya ng paligsahan, laro, pagsasadula at iba pa. 9. Paggamit ng mga mapanghikayat o magagandang pananalita bilang papuri samga mag-aaral 10. Pagbibigay ng karampatang marka sa ebalwasyon.