Praise and worship song collection in mizo

A HMANGAIHNA A LO NI
KaLalpa min hruaina hi,
Thu in ka hril seng dawn lo;
Ka zai leh ka banphar te zawng pawhin,
A hmangaih an hril seng lo.
Min hmangaihna chhiar dawn ila,
Ka hringnun hian a hril phak lo;
Ka nun leh ka neih zawng te nen hian,
A hmangaihna a lo ni.
A malsawm ka chhiar seng lo,
Ka mamawh chitin min pe;
Lamtluang thim leh zim ka zawh lai pawhin,
A hmangaih banin min kai thin.
.
•

Ka hmabak ka en zel a,
Doral lian a tlawm zel a;
Ka rin leh ka beisei te aia sangin,
Min la chawisang zel dawn si.
Min hmangaihna chhiar dawn ila,
Ka hringnun hian a hril phak lo;
Ka nun leh ka neih zawng te nen hian,
A hmangaihna a lo ni.

AW ISU KA LAWM E
AW Isu ka lawm e, krawsa min tlanna vangin,
Min phurh sak sual leh mualpho,
Hmangaih vangin khawngaihna mak min pe,
Min hmangaih ka lawm e,
I tawrhna thirkhen vangin,
Min tlengfai i thisenin min chhandam a,
I ang chhung chauh ka damna.
•

Tlantu beramno Lalthuthlenga thu chu,
Lallukhum nen ropuiin tunah ro a rel e,
Ropui leh chawimawi Pathian fapa chu,
Ka tana khenbeha awma kha,
CHawimawiin a awm (2).

KA LAWM E LALPA
Khawvel mi ten min thlir reng,
Ka nunkawng har tak hi;
Beisei tur neilo min ti,
An va hre lo em;
Chhungril ah hian ka hlim si,
Aw min han hmu thei se;
Ka lawm e Lalpa, i malsawmna vangin.
Chenna in tur min buatsaih,
Hahchawlhna tur min pe;
Ei leh in tur min pe in,
Silh leh fen min pe a;
Hmangaihna in min hruai thin,
Chhungkaw duhawm min pe;

Hausakna chhuan tur ka nei lo,
Silhfen tha nei lovin;
Sum leh pai tam ka nei lo,
Mahse nang ka nei;
Chu mawlh chu ka tan a hlu ber,
Miten hmu lo mahse;
Chenna in tur min buatsaih,
Hahchawlhna tur min pe;
Ei leh in tur min pe in,
Silh leh fen min pe a;
Hmangaihna in min hruai thin,
Chhungkaw duhawm min pe;
Ka lawm e Lalpa, i malsawmna vangin

MIN CHHUNGKHAT LEH THIN
He zinkawng har takah hian,
Ka ke pen te lo chauvin,
Ka phur ten min delh chauh chang awm thin mahse,
Tanpuitu hnai reng Lalpan,
Min chawisang leh thin.
Tui nunglui kangve ngailo chuan,
Chakna thar thlarau tharin minthuam thar leh thin,
A van manna thlarau thianghlim in,
Min chhungkhat leh thin.
Ka chakloh ber lai pawh in,
Ka ke pen min ven sak a,
Kal ngaihna reng hre lova ka rum laiin,
Ka ban ah min chelh reng in,
Min kai chhuak leh thin.

Beidawng a ka awm laiin,
Beiseina nun minpe a,
Harsatna thlipui ten min nuai thin mahse,
Ka in hum himna Lalpan,
Min hualhim leh thin.
Tui nunglui kangve ngailo chuan,
Chakna thar thlarau tharin minthuam thar leh
thin,
A van manna thlarau thianghlim in,
Min chhungkhat leh thin

I HLU A NI
I thiltih te ka ngaihtuah chang hianin,
I rinawm min hmuhtir kei tawmkai lo hi
Thahnem lo in tangkai lo mah ila,
I hnathawh min hmuhtir I thulh si lo.
I mi hmangaihna hi ka dam chhung hla a ni,
I mi lainatna khawngaihna hian lairil a fan zo e,
Engvang hian nge min hriatrenga min hruai zel thin ni le,
Ka tan hian aw, I hlu a ni.
I hmaah hian chhuan tur reng nei lovin,
Thinlung Chapo tak leh fel lo thin ka ni,
Ka thlir leh thin ka thiam leh finna te,
Ka inbuk tling mawlh lo I rawngbawl an.

Ka zui ang che ka damchhung ni zawng hian,
I hman atan tiin ka rawn inhlan e,
Keimahah hian kaltlang se I hnathawh,
Chu chu ka ngai hlu ber thildang aiin
I mi hmangaihna hi ka dam chhung hla a ni,
I mi lainatna khawngaihna hian lairil a fan zo e,
Engvang hian nge min hriatrenga min hruai zel thin ni le,
Ka tan hian aw, I hlu a ni

KA LAWM E ISU Key. C
•
I thu hian min thlamuan thin,
I aw hian min tichak thin;
He khawvel rohlu ai hian,
Ka ngaihlu zawk i hmangaih thu.
Ka thlang che ka ta i ni,
I ta ka ni min lei si;
Thil dang zawng zawng ai pawh hianin,
Nang ka nei hi ka lawm e Isu.
Ka chak loh chang ni ah pawh,
Min kalsan lo i hnai reng;
Do-tu lakah min humin,
Ka tan dawhkan i buatsaih thin.

Chhandamna dang a awm lo,
Kawng dang reng a awm lo;
Kawng leh thutak Lal Isua,
Nangmah chauh hi nun kawng i ni.
Ka thlang che ka ta i ni,
I ta ka ni min lei si;
Thil dang zawng zawng ai pawh hianin,
Nang ka nei hi ka lawm e Isu.

HRIATCHIAN LEH ZUAL CHE KA DUH
Nawmsaknate zawngin ka tlan thin,
Hausaknate zawngin ka thin;
Mahse hei hi ka duh ber, Nangmah hriat hi,
Ka tan hian a tha ber e.
Hriat chian lehzual che hi ka va duh em!
I hmangaihna leh khawngaihnate hi;
Hrechiang ila nang ka bosan tawh lo'ng che,
Hriatchian leh zual che hi ka va duh em.
Ka nunna hi i tan ka hlan e,
Ka thiamna hi i tan ka hlan e;
Ka neih rohlu leh ka hun hlu zawng te hi,
I tan ka hlan e Lalpa.

I thisen hlu ka tana luangchhuak,
A va makin aw, a ropui e!
Mihring finna hian a chhui phak lul lo e,
Lalpa a va ropui em!
Hriat chian lehzual che hi ka va duh em!
I hmangaihna leh khawngaihnate hi;
Hrechiang ila nang ka bosan tawh lo'ng che,
Hriatchian leh zual che hi ka va duh em.
Midangte tan damna a thlen a,
Mahse a tan damna a awm lo;
A va mak em! I hmangaihna ropui hi,
Ka tan hian a sang lua e.

CHAWIMAWINA
Aw Pa Pathian, engkim siamtu,
Fak phu Pathian reng i lo ni e;
Ka nihna zawng nen ka rawn pan a che,
Fak hla sa chung zel in.
Chawimawina zawng ka hlan che,
Ropuina leh lalna nen;
Chibai ka buk che, i hmaah lo kun in,
Lalpa, ka hmangaih che,
Lawmna min pekah hian.
I awmnaah ka lo kal hian,
Thinlung bawlhhlawh min lak bo sak rawh;
Krista thisen ka thiamchanna lo chu,
Chhuan tur ka nei si lo.

Leiah vawihnih kan vul dawn lo,
Kan damlaini a ral hma ngei hian;
Hei ka duhber fak leh chawimawi che,
Ban reng ka duh lo e.
Chawimawina zawng ka hlan che,
Ropuina leh lalna nen;
Chibai ka buk che, i hmaah lo kun in,
Lalpa, ka hmangaih che,
Lawmna min pekah hian

LALPA A THA
Ka hringnun chhui chang hian lungawi a har mange,
Harsatna leh buainate hian nitin min hual thin a,
Tanpuitu reng awmlo ang hian thinlung a rum thin a
Lalpa beiseina erawh a nung reng thin.
Ka tan Lalpa a tha a ni aw ka tan a tha a ni,
Ka kawngte tluangin langlo mahse,
Hei hi ka hrereng min enkawl thin min hmangaihtu a ni,
Kei ka tan hian Lalpa a tha a ni.
I lam hawi nang ngaitu I hawisan ngai lova
I hmuhtir thin I ngaihsakzia I tihsak an sawi thin,
Kei beisei tur reng neilo hi Lalpa I lam ka hawi,
Nangmah chauh a n ikan beisei mei eng chu.

Nangmalam tan tute chhanhim loh ang mahse,
Sadraka- te I hmuhtir kha I chenchilhna an chang,
Keipawh Lalpa hei ka duh ber I ke bula awm hi,
Chu chu hlu hianin keizawng ka ring thin e
Ka tan Lalpa a tha a ni aw ka tan a tha a ni,
Ka kawngte tluangin langlo mahse,
Hei hi ka hrereng min enkawl thin min hmangaihtu a ni,
Kei ka tan hian Lalpa a tha a ni.

MIN HRUAI THIN Key G
Nun tuihal leh beidawng chau in,
Thlalerah chawlhna ka zawng thin a;
Tuihal rehna ka hmu si lo,
A tawpah Lalpa hnenah ka kir leh thin.
Min hruai thin tiau dup hmunah te,
Lalpa chu ka kawng hruaitu a ni;
Meialh leh chhumding in min hruai thin,
Harsatna karah lawmna min pe thin.
Thlipui hlauhawm, hling leh suar te,
Hrehawmna tawh chang te awm mahse;
Chung lam thlir la, hlau suh ang che,
Chutah Lalpa hmel mawi
chu a lo hnai thin.

Tawrhna a ni, ringtu nun hi,
I kawngah chauh chang te awm mahse;
Aw, nghak hram la, thim a kiang thin,
I lungngaih a hnen
thlen la a lo hnai ang.
Min hruai thin tiau dup hmunah te,
Lalpa chu ka kawng hruaitu a ni;
Meialh leh chhumding in min hruai thin,
Harsatna karah lawmna min pe thin

KA NUN HNAR KAITU
Lalpa nang lo tunge ka neih?
Ka mangan leh ritphurh ka thlenna;
Ka lawmna leh hlimna te nen,
Ka thinlung ril hmufai vek tu.
Ka chanchin hi ziak dawn ila,
I tel ve ang a phek tinah;
Ka hmangaih che i hria Lalpa,
I duh zawng tih ka duh fo thin.
Nangin min hmangaih,
Nangin min enkawl thin;
Ka pian tirh atan tun thleng in,
Ka nun hnarkai tu i ni.
•

I hmangaihna in i lamah,
Min hip leh thin bo dawn ila;
Nieng leh par inkawp ang leh,
Ruah leh chhum, ni, thla leh arsi.
Nangin min hmangaih,
Nangin min enkawl thin;
Ka pian tirh atan tun thleng in,
Ka nun hnarkai tu i ni.
Tlang, phul leh lui, nu leh fa,
Eng leh hlim a inzawm ang hian;
Ka then thei lo che aw Lalpa,
Ka neihchhun, aw ka ngaihlu che.

I ROPUI AN HRIL
I kutchhuak ropui,
Mawi takte ka han thlir hian
Mihring hi enge maw anih a min hria reng le
Sirva iang hramthiam tinreng ten,
I ropui an hril thin.
Siamtu lung an dumzo ngei e,
An thawm rimawi zawng nen
Vante khian i ropuina an lantir
Tuifinriat thuk tak leh tuifawn ten
I ropui an hril thin
Mihring finna hian a chhui phak mawlh lo
I ropuina leh thil tih theihna
Chatuan thlengin a pangngai reng dawn si

Thing tin par tin an vul,
An mawina chhuah turin
Malsawm, ni eng ruahsur
Nungchate chawm turin
Van dum pawl leh boruak thiang ten
Sirva leng lung an dum ngei
Partin te pawn tawmpui ve in
An rimtui an chhuah thin
Leilung nghah chhan te din a
Van sang te kai pharh tu
Chawimawi tlak ilo ni e
Chatuan thleng pawh in
Vante khian i ropuina an lantir
Tuifinriat thuk tak leh tuifawn ten
I ropui an hril thin
Mihring finna hian a chhui phak mawlh lo
I ropuina leh thil tih theihna
Chatuan thlengin a pangngai reng dawn si

NUN TOBUL
Vawiin ka buaina hian kumkhua a daih dawnlo,
Ni thar a lo chhuak a, hunin herliam pui thin,
Hnah hlui an til zova, hnah thar lo chawr ang hian,
Hringnun pawh hian rahbi thar a Kai leh thin.
Ka nun tobul ini, Lalpa I ta ka ni,
Hmalam hun thlir thiamlo,
Thlir thui theilo ta chu,
Eng nge min hmuak ?
Tu’n kan hre phak silo,
Ka tun hun leh hma hun pawh Lalpa nangin nei rawh.
Zartin tliak tawh mah hian than reng thulh lova,
Chawmtu ringa nungin parmawi chawi leh theih chuan
Duhtaka siamtu duan , a lunglai luahtu hi,
Lalpa’n min chaw, ka than thulh a phal silo.

Vanglai a ral anga , hai ang kan la tar ang,
Chakna a chuai anga, Famkhua kan hnaih hun pawn,
Ka buaipui thin Isua’n min chelh reng dawn ka hria,
Hei hi a ni, Nun thuruk Chatuan daih chu.
Ka nun tobul ini, Lalpa I ta ka ni,
Hmalam hun thlir thiamlo,
Thlir thui theilo ta chu,
Eng nge min hmuak ?
Tu’n kan hre phak silo,
Ka tun hun leh hma hun pawh Lalpa
nangin nei rawh

ISUA A TEL VE
Ka thinlung ril hian chhansen loh zawhna,
A dawng thin, Mahse , Ka chhang thiam lo,
“ Engvangin nge maw?” tia inzawtin
Chhanna ka nei lo, Ka ring thiam si lo.
Mi fel Joba hnenah meuh pawh hrilfiahna a pe
lo,
A tawrhna chhan te a hriattir lo,
Mahse, hei erawh a hria- Lalpa’n a hriatpui si’
Hei hian min thlamuan, ka tan a tawk reng e.

Zirtirte ho kha Galili Dilah,
Lawngah a chuanpui,thlipui lo tleh,
An hai lo hei hi – thihna a hnai e,
Mahse an zingah Isua a tel ve.
Mi fel Joba hnenah meuh pawh hrilfiahna a pe lo,
A tawrhna chhan te a hriattir lo,
Mahse, hei erawh a hria- Lalpa’n a hriatpui si’
Hei hian min thlamuan, ka tan a tawk reng e.
Min bawmtu a lian e,panchhia ang mai hian,
“Eng vang Nge” tiin ka zawt thin;
Joba iangin maw Lalpa ka zawt lo’ng
Hei hi a tawk e – Lalpa , I tel ve

Praise and worship song collection in mizo

Praise and worship song collection in mizo

More Related Content

Similar to Praise and worship song collection in mizo

More from Amuanpuia1

Recently uploaded

Praise and worship song collection in mizo