1 ta' Diċembru 2025

1 ta' Diċembru 2025

Darbtejn fis-sena noħorġu dar-rapport tat-trasparenza biex nagħtu ħarsa lejn il-ħidma tas-sigurtà ta' Snap. Bħala parti mill-impenn tagħna lejn is-sigurtà u t-trasparenza, naħdmu qatigħ biex nagħmlu dar-rapporti iktar dettaljati u b'iktar tagħrif għall-ħafna nies interessati li jixtiequ jkunu jafu iktar dwar l-għarbiel tal-kontenut, dwar kif naħdmu mal-forzi tal-ordni u dwar is-sigurtà u l-benesseri tal-komunità ta' Snapchat. 

Dar-Rapport tat-Trasparenza jitħaddet dwar l-ewwel nofs tas-sena 2025 (l-1 ta' Jannar - 30 ta' Ġunju). Aħna naqsmu d-dejta dinjija dwar ir-rapporti li jressqu l-utenti u dwar is-sejbien minn rajna bħala Snap; dwar it-tneħħijiet mit-timijiet tas-Sigurtà tagħna kategorija b'kategorija skont il-ksur tar-Regoli tal-Komunità; dwar kif weġibna għat-talbiet li daħlulna mingħand il-forzi tal-ordni u l-gvernijiet u x'għamilna dwar it-tagħrif dwar il-ksur tal-jeddijiet tal-awtur u l-marki kummerċjali. Nagħtu wkoll ħarsa pajjiż b'pajjiż f'sensiela ta' paġna marbuta mar-rapport.

Għal iktar riżorsi dwar is-sigurtà u l-privatezza fuq Snapchat, iftaħ it-tab Dwar ir-Rapporti tat-Trasparenza li ssib f'qiegħ il-paġna.

Jekk jogħġbok żomm f'moħħok li l-iġded verżjoni ta' dar-Rapport tat-Trasparenza hija l-verżjoni bl-ilsien Ingliż.

Kif infissru iktar tard f'dar-rapport, it-timijiet tas-Sigurtà jwettqu r-Regoli tal-Komunità tagħna kemm minn rajhom (grazzi għal għodda għas-sejbien awtomatiku) u wara li jidħlu r-rapporti. Fil-firxa taż-żmien ta' dar-rapport (l-ewwel nofs tas-sena 2025), it-timijiet tas-Sigurtà tagħna wettqu dal-għadd ta' twettiq:

Hawn taħt qed nagħtu rendikont ta' kull xorta ta' ksur marbut mar-Regoli tal-Komunità, fosthom iż-żmien medjan li għadda bejn il-ħin li sibna l-ksur tar-regoli (jew minn rajna jew wara li daħlilna rapport) u l-ħin li meta wettaqna l-aħħar għemil marbut ma' dak il-kontenut jew ma' dak il-kont:

Id-dejta bl-Għadd ta' Kontenut Imneħħi tiġbor fiha t-tneħħija tal-kontenut imwettqa minn Snap wara li tkun għarblet ir-rapporti mressqa mill-app ta' Snapchat. Dawn huma l-biċċa l-kbira tat-tneħħijiet li t-timijiet tas-Sigurtà ta' Snap iwettqu. Dal-għadd ma jiġborx fih il-biċċa l-kbira tat-tneħħijiet marbuta mal-istħarriġ imsejjes fuq ir-rapporti mressqa lil Snap mis-Sit tal-Għajnuna tagħna jew minn metodi oħra (ngħidu aħna bl-email) jew minħabba xi stħarriġ li t-timijiet tas-Sigurtà tagħna jkunu qed iwettqu minn rajhom. Dat-tneħħijiet li ħallejna barra huma inqas minn 0.5% tat-tneħħijiet li wettaqna fl-ewwel nofs tas-sena 2025.

Matul il-firxa taż-żmien li jitħaddet dwarha r-rapport, kellna Rata tal-Kontenut li Jikser ir-Regoli Muri (VVR) ta' 0.01 fil-milja li tfisser li minn kull 10,000 Snap u Storja miftuħa fuq Snapchat, waħda minnhom kellha kontenut li nstab li kien jikser ir-Regoli tal-Komunità tagħna. Fost it-tneħħija tal-kontenut li qisna li kien marbut ma' “Ħsarat Serji”, rajna VVR ta' 0.0003 fil-mija. Fit-tabella t'hawn taħt qed nagħtu rendikont tal-VVR bir-raġuni tal-politika.

Bejn l-1 ta' Jannar u t-30 ta' Ġunju 2025, wara li daħlu 19,766,324 rapport mill-app dwar il-ksur tar-Regoli tal-Komunità tagħna, it-timijiet tas-Sigurtà ta' Snap wettqu l-politiki tagħna 6,278,446 darba madwar id-dinja kollha, fosthom 4,104,624 minnhom kontra kontijiet uniċi.  Il-volum tar-rapporti li ġej mill-app ma jiġborx fih ir-rapporti li daħlu mis-sit tal-għajnuna u mill-emails, li huma inqas minn 1% tar-rapporti kollha li daħlulna.  Il-ħin medjan biex it-timijiet tas-Sigurtà tagħna jwettqu l-għemil ix-xieraq għal dawk ir-rapporti kien ta' madwar 2 minuti. Hawn taħt qed nagħtu rendikont, politika b'politika, tal-ksur. (Żomm f'moħħok: Fir-rapporti ta' qabel, kultant konna nsejħu dil-ħaġa "kategorija tar-rapporti".  Minn issa 'l quddiem se nkunu qed nużaw "raġuni tal-politika" għax nemmnu li hija iktar preċiża għal dix-xorta ta' dejta – it-timijiet tas-Sigurtà tagħna jwettqu l-għemil ix-xieraq skont ir-raġuni tal-politika x-xierqa, tkun xi tkun il-kategorija tar-rapport li jkun għażel dak li ressaq ir-rapport.)

Fl-ewwel nofs tas-sena 2025 komplejna nnaqsu l-ħin medjan għat-twettiq tal-għemil għall-kategoriji tal-politiki kollha u naqqasna dak il-ħin b'medja ta' iktar minn 75% meta mqabbel mal-firxa taż-żmien tar-rapport ta' qabel. DatDDat-tnaqqis ġej l-iktar minħabba s-sarbit tar-rapporti skont il-prijorità, sarbit imsejjes fuq is-serjetà tal-ħsara u fuq għarbiel awtomatiku.

Għal dal-firxa tar-rapport, għamilna wkoll xi bidliet apposta fil-proċessi tas-sigurtà tagħna u dan wassal għal bidla fid-dejta li nirrappurtaw hawn, fosthom it-tisħiħ tal-politiki tagħna kontra l-għemil kontra l-liġi marbut mal-armi. Innutajna żieda fir-rapporti u t-tħassir tal-kontenut u l-kontijiet marbut mal-kategorija tal-Isfruttament Sesswali fuq it-Tfal, l-iktar b'rabta ma' żieda fil-kontenut sensittiv jew senswalizzat marbut mat-tfal taħt l-età, li għalkemm jikser il-politiki tagħna, ma jiksirx il-liġi tal-Istati Uniti tal-Amerka u m'għandnix id-dmir li nirrappurtawh lin-National Center for Missing and Exploited Children (NCMEC) tal-Istati Uniti tal-Amerka. Diż-żieda fl-għadd ta' Kontenut Sesswali (u t-tnaqqis fil-kontenut marbut mal-Fastidji) ġejja l-iktar minħabba li bdejna nqisu l-Fastidji Sesswali bħala Kontenut Sesswali u mhux Fastidji.

Nużaw l-għodda awtomatiċi biex insibu minn rajna, u f'xi każijiet, inwettqu r-Regoli tal-Komunità tagħna kontra l-ksur. Fost dawn l-għodda hemm it-teknoloġija tat-tqabbil tal-ħexxijiet (fosthom PhotoDNA u Child Sexual Abuse Imagery ta' Google (CSAI)), l-API Content Safety ta' Google u teknoloġija oħra mibnija minna biex issib kitbiet u midja kontra l-liġi jew li jiksru r-regoli tagħna billi kultant tuża l-intelliġenza artifiċjali u t-tagħlim tal-magni. L-għadd ta' kontenut misjub minn rajna jvarja minħabba l-bidliet fl-imġibiet tal-utenti, it-titjib fil-ħiliet tas-sejbien tagħna u l-bidliet fil-politiki tagħna.

Fl-ewwel nofs tas-sena 2025 wettaqna dal-għemil li ġej wara li minn rajna, bl-għodda tas-sejbien awtomatiċi, sibna l-ksur tar-Regoli tal-Komunità:

L-isfruttament sesswali ta' kwalunkwe membru tal-komunità tagħna, l-iktar ta' xi ħadd taħt l-età, huwa illegali, mistmerr u kontra l-Linji Gwida tal-Komunità tagħna. Ir-prevenzjoni, is-sejbiet u l-qerda ta' Child Sexual Exploitation and Abuse (CSEA) fuq il-pjattaforma tagħna hija prijorità ewlenija għal Snap u kontinwament intejbu l-ħiliet tagħna biex niġġieldu kontra dawn ir-reati u reati oħra.

Aħna nużaw għodod ta' skoperta ta' teknoloġija attiva biex ngħinu nidentifikaw kontenut relatat mas-CSEA. Dawn l-għodod jinkludu għodod ta' tqabbil tal-hash (inlużi PhotoDNA u s-CSAI Match ta' Google, biex jidentifikaw immaġni u vidjows illegali magħrufa tas-CSEA, rispettivament) u l-Google Content Safety API (biex jidentifikaw immaġni illegali ġdida, "qatt ma ġiet hashjata qabel"). Barra minn hekk, f'xi każijiet, nużaw sinjali ta' mġiba biex ninforzaw kontra attività oħra suspettata tas-CSEA. Nirrapportaw kontenut relatat mas-CSEA lin-National Center for Missing and Exploited Children (NCMEC) tal-Istati Uniti, kif meħtieġ mil-liġi. L-NCMEC imbagħad jikkoordina mal-infurzar tal-liġi domestiku jew internazzjonali, kif meħtieġ.

Fl-ewwel nofs tas-sena 2025 wettaqna dal-għemil li ġej meta sibna kontenut li juri l-Isfruttament u l-Abbuż Sesswali fuq it-Tfal fuq Snapchat (jew minn rajna jew wara li daħlilna rapport):

Snapchat tagħti s-setgħa lill-ħbieb biex jgħinu lil xulxin fi żminijiet iebsin billi tagħti r-riżorsi u l-għajnuna lill-iSnapchatters fil-bżonn. 

L-għodda tat-tiftix tagħna Hawn Għalik tagħti r-riżorsi miġbura mill-esperti meta l-utenti jfittxu ċerti suġġetti marbuta mas-saħħa tal-moħħ, mat-tensjoni, mad-dieqa, mal-istress, mas-suwiċidju, man-niket u mal-bullying. Ħloqna wkoll paġna maħsuba biex niġġieldu r-rikatti sesswali marbuta mal-flus u riskji u ħsarat sesswali oħra biex ngħinu lil dawk li jinsabu mikduda.

Meta t-timijiet tas-Sigurtà tagħna jsibu li xi Snapchatter jinsab mikdud, għandhom dak li meħtieġ biex jaqsmu r-riżorsi kontra l-ħsara lilek innifsek u biex jgħinu lill-iSnapchatter u biex, skont il-każ, jgħarrfu lis-servizzi tal-emerġenza. Ir-riżorsi li naqsmu huma pubbliċi u jinsabu fil-lista ġenerali tar-riżorsi tas-sigurtà li kull Snapchatter jista' jsib miċ-Ċentru tal-Privatezza, tas-Sigurtà u tal-Politiki.

Hawn taħt nagħtu t-tagħrif dwar l-appelli li daħlulna fl-ewwel nofs tas-sena 2025 mill-utenti li talbuna nerġgħu nqisu d-deċiżjoni tagħna li nsakkrulhom il-kont talli kisru l-Linji Gwida tal-Komunità tagħna:

Din it-taqsima tipprovdi ħarsa ġenerali lejn l-azzjonijiet tat-timijiet tas-Sigurtà tagħna biex jinfurzaw il-Linji Gwida tal-Komunità, tagħna, kemm b'mod proattiv kif ukoll b'reazzjoni għal rapporti ta' ksur fl-app, f'kampjun ta' reġjuni ġeografiċi. il-Linji Gwida tal-Komunità tagħna jgħoddu għall-kontenut kollu fuq Snapchat—u s-Snapchatters kollha—madwar id-dinja kollha; jinsabu fejn jinsabu.

Tista' tniżżel il-fajl CSV mehmuż għal iktar tagħrif dwar pajjiżi individwali, fosthom il-Pajjiżi Membri kollha tal-UE.

Snap impenjata li tiżgura li r-reklami kollha jimxu bi sħiħ mal-politiki dwar ir-reklamar tagħna. Aħna nemmnu f'metodu responsabbli ta' reklamar, li joħloq ambjent sigur għall-iSnapchatters kollha. Ir-riklami kollha huma suġġett għal reviżjoni u approvazzjoni mingħandna. Minbarra dan, għandna l-jedd li nneħħu reklami, inkluż b'risposta għall-kummenti u ħsibijiet tal-utenti, li nieħdu bis-serjetà. 

Hawn taħt qed nagħtu ħarsa lejn kif jaħdem l-għarbiel għar-reklami mħallsa li jiġu rrappurtati lilna wara li nkunu tellajniehom fuq Snapchat. Żomm f'moħħok li reklami fuq Snapchat jistgħu jitneħħew għal għadd ta' raġunijiet kif spjegat fil-Politiki dwar ir-Reklamar ta' Snap, inkluż kontenut qarrieqi, kontenut pornografiku, vjolenti jew keddej, kliem ta' mibegħda u ksur tal-propjetà intellettwali. Barra minn hekk, tista' ssib il-Biblijoteka tar-Reklami ta' Snapchat fuq values.snap.com taħt it-tab “Trasparenza”.